36. Yesuusi Dani Wole Ikki

Mitto barra Yesuusi sase rosaano Pheexiroosi, Yaiqoobinna Yohaannisi haa’re huuccattote seeda ilaala fuli. (Yohaannisi yinoonni rosaanchi Yesuusa cuuiha di”ikkino.)

Yesuusi huuccattote aana hee’reenna, albisi arrishshimma xawi; imaanisi waajji’re caabbichu gede xawi. Baattote aana ayino mucci asse afannokki garinni waajji’ri.

Hakko heedheenna Musenna himanaanchu Eeliyaasi leeltu. Kuni manni xibbuunnikiirranni dirrara albaanni baattote aana heedhinoreeti. Muli yanna ganna giddo Yesuusi reyo Yerusaalamennite daafira ledosi hasaabbino.

Musenna Eeliyaasi Yesuusi ledo hasaabbanni heedheenna Pheexiroosi Yesuusa, <<Ninkera konne hee’ra danchate. Mitto atera, mitto Museranna mitto Eeliyaasira ikkanno daase qanseemmo>> yii. Pheexiroosira coyi’nanniri bae noosi.

Pheexiroosi coyi’ranni hee’reenna, xawadu gomichi dirre doyiseennansa gomichu giddoonni, <<Hagiirsiisannoehu baxeemmo Beetti’ya isooti>> yitanno huuro daggu. Sasente rosaano waajjite baattote aana ubbu. .

Hakkawoyite Yesuusi angatenni amade, <<Waajjitinoontena ka’e>> yiinsa. Wirri yite la’anno woyite Yesuusa agurranna wolu noohu dino.

Yesuusinna sasenti rosaano ilaalu aaninni dirritu. Hatte yannara Yesuusi, <<Konniicho ikkino coye ayerano kultinoonte. Ani tenne muli reemmo; galagaleno kaeemmo. Hakkunni gedensaanni mannaho kula dandiitinanni>> yiinsa.