35. Mararaanchu Anni Dhagge

Mitto barra Yesuusi lowo qaraxo gamba assitannorenna macciishshitara gamba yitinore woloota cubbaataamma rosiisanni no.

Hakkiicho noori mitu mitu amma’note sooreeyye Yesuusi cubbaataamma jaallate gede gamba assi’ranna la’u; mittu mittunku mishshusi. Kunnira Yesuusi aante noo dhagge kulinsa.

<<Lame ooso noosihu mittu manchi no. Maa’nu beetti annasi, << <Anna’ya, jajjikki goddonni anera iillannoeha xa uyie> yiino. Kunnira annu jajja lamunku beettira beehi.

Maa’nu beetti hakkawoyintenni noore baala gamba assi’re xeerto gobba ha’re woxesi billaallise gudi.

Hakkunni gedensaanni isi noo gobbara wolqaataame hude ubbu; sagale hidhanno Woxeno hoogino. Kunnira wole hooge manchaame maddarannoha ikkino. Lowo geeshsha hawaaxaminonna hudi’rino daafira manchaamete sagale ita halchino.

Kuni beetti goofimarchoho, <Ani isi ma assanni noommo? Anni’ya soqqamaano baala sage itte duubbe gatisidhanna ani hudetenni reemmo. Anni’ya minira ha’resoqqamaanokki ledo kiirie yee huucci’reemmo> yiino.

Kunnira maa’nu beetti gagale annisi minira higi. Xeertote daanni nooha afe annu mararinosi. Dode mare beettosi hanqafe sunqino.

Beettu, <<Anna’ya, Maganunna ate aana sao assoommo. Beettokki ikkate dimaloommoho.

Annu kayinni soqqamaanosi giddonni mittoho, <<Rakke marte beetti’yara maareekote imaana abbite uddisiisisi! Angasira qalawate lekkasira caamma worisi. Hakkunni gedensaanni intanni hagiidhineemmo gede hardino middicha abbitine gorre; kuni beetti’ya reyino; xa kune heeshshonniha ikkino; baino; xa kayinni leellino.

Kunnira mannaho tashshi yiinsa. Lowo geeshsha keeshshikkinni loosoho ha’rinohu bayiru rodiisi kae dayi. Daanni hee’re muuziiqunna sirbu huuro macciishshe kuni maati ikka yee dhaggeeffati

Bayiru beetti rodiisi dayino daafira hagiidhitanni noota afe, lowo geeshsha hanqi. minira nafa ea dihasi’rino. Annisi fule kae e”e insa ledo hagiidhanno gede huuccisi; isi kayinni giwoommo yiino.

Kunnira annaho, <Konne diro baala atera ammaname loosoommohe! Hajajoottore horonta digiwoommo. Xaa geeshsha jaalla’ya ledo hagiidhammora mitto meichu wilii’licho nafa dioottoe. Afimala heeshsho hee’ranni woxekki gudinohu kuni beettikki minira higeenna hardino middicha gorroottosi>> yii.

Annisi, <<Beetto’ya ati wo’manka woyite ane ledo nootto; nooeri baalu ateho. hagiidhanke kayinni garaho. Rodiikki reyino; xa kayinni heeshshonniha ikkino. baino; xa kayinni leellino>> yee dawarisi.