34. Yesuusi Wole Dhaggeno Rosiisi

Yesuusi Maganu gashshooti daafira wole lowo dhagge rosiisino. Lawishshaho, <<Maganu gashshooti manchu gate wixi’rinoha shiima wixu guma labbanno.Kuni wixi wo’munkunni ajinoho

Ikkollana mu’re lophi yannara gate noo haqqe baalanta rooreenna cea dagge fooliishshidhannoha ikkino>> yiino.

Yesuusi wole dhaggeno coyi’ranni, <<Maganu gashshooti meyati massite gudisame hoqanno gede abbichu ledo karsiissino gamaancho labbanno>> yii.

Qoleno, <<Maganu gashshooti mannu gate masse maaxi’rino xiinxo labbanno.Wolu manchi hattenne xiinxo afe galagalche madaarino. Lowo geeshsha hagiidhe ha’re noosire baala hire hakkonne gate hidhino>> yiino.

Qoleno, <<Maganu gashshooti waaga lowo geeshsha iibbado ilka labbanno. Ilku daddalaasinchi konne ilka afi yannara noosire baala hire hidhino>> yiino.

Hakkunni gedensaanni Yesuusi uminsa loosinni addaxxitannorenna wole manna mishshannorita mitu mitu dhagge kuli. Lamu manchi huuccattote Qullaawu Minira hadhu. Mittu qaraxaasinchoho; layinkihu amma’note sooreessaati.

Amma’note sooreessi, <<Magano, wolootu gede mulqi’reemmoha, haxawarranna foora, qaraxaasincho ikkoommokki daafira galaxxeemmohe.

Lamalate giddo lame hige qatume huucci’reemmo; afi’reemmo jajji baalunkunni Tonnunni mitte anga eemmo>> yaanni huucci’ri.

Qaraxaasinchu kayinni, amma’note sooreessiwiinni fafe uurrino; gordo hige nafa dilaino. Angasinni gagaso ga’nanni, <Magano, ani cubbaataamohona,eeggate sao’ya agurie>> yaanni huucci’ri.

Hatto yiihu gedensaanni Yesuusi, <<Halaale kuleemmo’nena, Maganu qaraxaasinchu huuccatto macciishshe keeraanchoho yiinosi. Amma’note sooreessi huuccatto kayinni dinaadino. Maganu isonoo ale kayisannoha baala shollishanno; isonoo heeshshi assannoha kayinni ayirrisanno>> yii.