33. Baatto Loosi’rannohu Dhagge

Mitto barra Yesuusi Baaru gama lowo manna rosiisi. Yesuusi rosiisate dargu tola hooginohura wayi gama yowolote giddora e”e ofolla geeshsha macciishshate Lowo manni dayi. Isino manna yowolote aana ofolle rosiisi.

Yesuusi, <<Mittu baatto loosi’rannohu wixa wixi’rara fuli. Wixa wixanna mitu mitu Doogote gama uwi; cea dagge hakkonne wixa gudisse ittu.

Wolu wixi bushshu qawaaxxisinokkiwa carete aana uwi; ikkollana rumushshu baattote giddora raqqe ea didandiino. Arrishsho flute iibbitanno woyite, mu’ru qoore kae mooli.

Wolu wixino utu giddo uwi. Kuni wixi mu’rino; ikkollana utu qalxe amadinosi. Kunnira utu giddo mu’rinohuno guma laala dindandiino.

Wolu wixi kayinni dancha baatto aana uwino. Kuni wixi mu’reenna mittu 30, mittu 60, mittu 100 guma laalino. Macca noohu macciishsho!>> yii.

Tini dhagge rosaanote leella gibbinonsa. Kunnira Yesuusi, <<Wixu Maganu qaaleeti. Doogote gami Maganu qaale macciishshanno manchooti; ikkollana diwodanchanno; Daawuloosi qaale giddosinni adhanno..

Caraame baatto Maganu qaale macciishshe hagiirrunni adhanno manchooti.Ikkollana qarru woy xiiwama daggannosi woyite ammanasi aguranno

Utaame baatto Maganu qaale macciishshanno manchooti; ikkollana gedensaanni tenne gobba hedo, jironna hagiirru Maganoho noosi baxille qalxanno. Kunninni kainohunni, macciishshino coyinni guma laala hooganno.

Dancha baatto kayinni Maganu qaale macciishshe, ammanannonna guma laalanno manchooti.

Dancha baatto kayinni Maganu qaale macciishshe, ammanannonna guma laalanno manchooti.