31. Yesuusi Wayi Aanaanni Ha’ri

Yesuusi manna ha’risanni hee’reenna yowolote giddora e’e laaqidhanni widoonnifultanno gede rosaanosira kulinsa. Yesuusi manna ha’risihu gedensaanni huucci’rara ilaala fuli. Hakkiicho Yesuusi callisi no; hashshu taalooti geeshsha huucci’ri.

Hatte yannara, rosaanosi yowolo laaqidhanni no; hashshu taalooti geeshsha baaru mereerolla iillitino. Insa widira qole lowo geeshsha bubbisanni noo daafira lowo qarrinni laaqidhanni no.

Hakko mereero Yesuusi huuccattosi gude rosaanosiwa ha’ri. Wayi aanaanni ha’ranni baara tayise yowolonniwa mari!

Rosaano Yesuusa affe lowo geeshsha waajjitu; insara ekera affinoha lawinonsa.Yesuusi waajjitinota afe, insa woshshe, <<Waajjitinoonte, aneetina!>> yiinsa.

Hatte yannara Pheexiroosi Yesuusa, <<Rosiisaancho, ateetiro wayi aanaanni hige atewa dayemmo gede hajaji>> yii. Yesuusi Pheexiroosi, <<Amo!>> yiisi.

Kunnira Pheexiroosi yowolote giddonni fule Yesuusiwa hige qaafi. Ikkollana shiimare qaafihu gedensaanni illesi Yesuusi aananni hooleenna dambala la”anna wolqaataame bubbe macciishsha hanafi.

Hatte yannara Pheexiroosi waajjeenna wayi egemma hanafisi. <<Rosiisaancho,gatisie!>> yee raari. Yesuusi hakkawoyintenni hiixate angatenni amadisi. Hakkunni gedensaanni Pheexiroosi, <<Ammana xe’inohehu kuni, hanni mayira huluullamitto!>> yiisi.

Pheexiroosinna Yesuusi yowolonniwa e’anni heedheennanni bubbe uurriteenna gabbi yii. Rosaanono dhaggeeffatte, <<Addaho ati Maganu Beettooti!>> yite Yesuusira kumbuultusi.