29. Maaro Afi’rannokki Borojjicho

Mitto barra Pheexiroosi Yesuusa, <<Rosiisaancho, rodii’ya sao assiero me”e higeagurosi? Lamala hige agurosini?>> yee xa’mi. Yesuusi, <<Lamalawo hige lamala ikkinnina lamala hige di”ikkino>> yiisi. Yesuusi hatto yaanno woyite sao agura Hasiissannota kulino yaate. Yesuusi kunni garinni hattenne dhagge coyi’re gudi.

Yesuusi, <<Maganu gashshooti soqqamaanosi qorqorara hasi’rino moote lawanno. Soqqamaasinesi giddonni mittoho 10,000 birri geeshshi asali noosi.

Kuni soqqamaanchi asale baata dandiinokki daafira moote, <<Asale baatanno konne manchonna maatesi hirre>> yii.

Soqqamaanchu mootete albaanni uwe gombisame, <<Eeggatena shiimalla cincie; nooe asale gudise baaxxeemmona>> yii. Moote soqqamaanchosi marare, asale baalanka agurisi

Ikkollana soqqamaanchu mootetewiinni fule ha’re, shoolu agani kiri geeshshi asalinoosihunni jaalasi ikkinohunni mittu soqqamaanchinni xaadi. Kuni soqqamaanchi hakkonne jaalasi amade, <Asale qolie> yiisi.

Soqqamaanchu jaalisi albasiinni gombisame, <Eeggatena shiimalla cincie, nooe asale gudise baaxxeemmona> yiino. Isi kayinni soqqamaancho jaalasi asale baaxxa geeshsha fulannokki usursiisinosi.

Wolootu soqqamaasineno ikkino coye affe lowo geeshsha fooggaltu. Ikkino coye baala marte mootete kultu.

Mooteno soqqamaanchosi woshshe, <<Ati bushu soqqamaanchi! Huuccidheennae asalekki agurummohe. Atino hatto assa hasiissannohe>> yiisi. Moote lowo geeshsha hanqe, asale gudise baata geeshsha hakkonne busha soqqamaancho usursiisi.

Hakkunni gedensaanni Yesuusi, <<Ki’ne mittu mittunku rodii’nera agura gibbiniro gordu Anni’ne ki’nerano diaguranno’ne>> yii