28. Dureessa Wedellicha

Mitto barra mittu dureessu wedellichi Yesuusiwa daye, <<Shaqqado rosiisaancho, hegere heeshsho afi’rate ma asso?>> yee xa’mi. Yesuusi, << <Shaqqado> Mayira yaattoe? Shaqqadu mitto callaho; Isino Maganoho. Ati kayinni hegereheeshsho afi’ra hasi’rittoro Maganu hajajo wonshi>> yiisi.

<<Hiittenne hajajo wonsho?>> yee xa’mi. Yesuusi, <<Shitooti, foortooti, moortooti, kaphitooti, annakkinna amakki ayirrisi, jaalakki umikki gede assite baxi>> yeeqolisi.

Wedellichu qole, <<Anjenni kayise seera wo’manka agadhoommo. Hegere heeshsho afi’rate wole ma asso?>> yii. Yesuusi lae baxisi.

Yesuusi, <<Guuta ikka hasi’rittoro noo jiro baala hirte woxe buxanete uyi; gordoho miinji’rattona. Hakkunni gedensaanni ane hoode amo>> yee dawarisi.

Wedellichu, Yesuusi coyi’rinore macciishshe dureessa ikkinohuranna noosire baalasayise aa hasi’rinokki daafira lowo geeshsha yaadanni galagale ha’ri.

Hatte yannara Yesuusi rosaanosira, <<Dureeyyete Maganu gashshoote ea lowoqarraati! Dureessu Maganu gashshoote eantenni gaalu marfete xulllo giddoonnihige sa”a shota coyeti>> yii.

Rosaano Yesuusi coyi’rinore macciishshite masse, <<Hakkawoyiteetiro gatadandaannohu ayetiyya?>> yitu.

Yesuusi rosaanosi widira hige lae, <<Kunne coye mannu didandaanno; Maganukayinni baalanka dandaanno>> yii.

Pheexiroosi Yesuusa, <<Ninke baalankare agurre hoodekki ha’noommo. Waaginke maati>> yii.

Yesuusi daware, <<Ane daafira minnasi, labbaa roduuwasi, meya roduuwasi, annasi, amasi woy jajjasi agurinohu xibbee ero afi’ranno. Hegere heeshshono ragi’ranno. Ikkollana balaxxinori haammatu gede’nitanno, gede’nitinori haammatubalaxxanno>> yii