25. Seexanni Yesuus Ataabe

Yesuus cuuphameen duuba yoosuma, Ayyaanni Woyyichi gara goomole’ee isa geesse; achitti guyyaa afurtamaa fi halkan afurtama laame. Achiin duuba Seexanni akka inni cubbuu huju Yesuus ataabe.

Seexanni, <<Yoo ilma Waaqaa teete, akka nyaatiisaaf dandeettu, dhakoota kana daabboo tolchi>> jedhee Yesuus ataabe.

Yesuus, <<<Namooti akka le’anuuf, daabboon callaan isaaniif hin barbaachisu; ammoo jechi Waaqi dubbatu tokko tokkoon isaatuu isaaniif barbaachisa> jedhantee jecha Waaqaa keessatti barreefanteerti>> jedhee isaaf deebise.

Achiin duuballe Seexanni gara qaccee Galma Waaqaa irra Yesuus geessee, <<Ilma Waaqaa yoo teete, gad ifi darbi; sababille, <Dhakaan miila keeti akka hin dhoonne, akka si kiphanuuf, Waaqi ergantoota ifii hin ajaja> jedhantee barreeffanteerti>> jedhe.

Yesuus ammoo jecha Waaqaa keessaa tuqiisaan Seexanaaf deebii kenne. <<Jecha Waaqaa keessatti, <Mootii Waan Maraa Waaqa keeti hin ataabin> jedhee kolbaa ajaja>> jedhe.

Achiin duuba Seexanni mootummoota biyya lafaatii fi ulfinna isaanii isatti mudhisee, <<Gid jettee yoo naa sagadde, ani waan akkanaa mara sii hin kenna>> jedheen.

Yesuus, <<Deemi, ati Seexana! Jecha Waaqaa keessatti, <Mootii Waan Maraa Waaqa keetiif sagadi; isa qofa tajaajili> jedhee ajajeera>> jedhe.

Yesuus ataabee Seexanaatiin hin injifatanne. Tanaaf, Seexanni yenna’aaf isa biraa deeme. Achiin duuba ergantooti Waaqaa dhufanee Yesuus tajaajilane.