8. ዬሮሥንዲ ዮሴፓ፥ ይ ኬት አሥንዳይስ ፕያሡ

ዮሴፓጋ ባቢ ይ ኢችንድ ካንግ ቤሽ ይ ⶡኒ ይስቱ። ይሲንድ ኢሣይቅን ኡካር ባ ፔትንሱⶥ አጵሚስ አጵሙ። ጋሀ ኤንጋ ናባም ዮሴፕ ኢችንዲ ይ ኩርቂ ኢቼንድ። ⶦድ ቤርግ ጌሽን ያይቆቢ ቃጽ ኤርጋንቂ ይስቲ ማጥን ጎቅን ባ ጊዝንዲስ ኪንቂ ይስኬንድ ባ ኢችንዲስ ይሲ ሀንቂ ቤቄ ማኪ ይ ⶡና ባ ይስኩ ባ ናሢስ ዎሲ ቲሡ።

ዮሴፒ ባ ኢችንድ ዳድን ዬኢ አታጉⶥን ይ ኡጢ ይዎጥኒ ኦሽትኔድ፤ ካሲ ባምቃን ይ ቦኪ ይ ኢራታሲ ዡላሲ ፔሽኪ ግጥናስንዴሽን ይ ጎቴንዴ።

ይ ኢችንዲ ፑርቅን ባና ይ ቲሥንሱⶥ ሺችንሲ ይ ሲማሪስ ኬሥ ሱታም ቦጢ ውርሴንድ። ዮሴፕ ሲማራ ኡⶢስ ይባቢቤቂኤሬማኪይባቤሽንቲሤንዴ።ያይቆቢባናሢስጾጣቂኡጢዎጡዌማኪሶይሲአይኒቃጽዬኩዌ።

ኡⶣጋ አባም አሥ ጊጥናጌንዲ ዮሴፒስ ጎቲ ኤቲ ጊብጽቃን ሀንቄንድ። ኡⶣጋ አባም ጊብጻ አባይ ሲእ ጌⶭን ጊጻንቃ ይስኬናጋ ኤዛጋ ካታማ ሀካሜናን ይስቴኔ። ጊጥናስንዲ ዮሴፒስ ጊብጽ ዶድ ኡካራ ኬሔትናሳ ማጤሽን ቃም አሢ ጎቴንድ። ዮሴፒ ኡካራ ኡⶤሽን ሶይ ማኪ ዎስኪ ቃይጺ ይስቱ፤ ዬርንድ ዮሴፓ ባን ፔታንቂ ይ ዲሩዌ።

ናሳ ኡካራ ኡⶥ ማሽታ ዮሴፓ ባና ሱርና ይ ቆላ ኢራታሴን። ይ ፔታስን ዮሴፒ ዬራጋ አፕም ጩቡ ቃይጻሽድኒ ኢቹዌ። ውሲንድ ቃጽ ያንቃ ዶንታ አጣጣም ይ ሱም ባይሳ ኬአ ይ ኡጣሴን። ኡⶣም ኡስቲ ጽያጽ ኬትካን ቦስቱ። ይሲንድ ጽያጽ ኬትካን ይስታሲ ዬራም ጊባትኒ ሶይ ቃይጺ ይስቱዌሽን ዬሪ ይያባና ፔቲ ይ ዲሩዌ።

ዮሴፒ ኢት ቃይፋርጉⶥ ሶይናስ ፔታሲ ናም ቤርግ ዴብም ጽያጽ ኬትካን ይስቱ። ኡⶣጋ አባም ማጥን ጎቅን ጡማስን ጊብጽ ትያታ ፓሮኒ ቃጽ ይ ኢራታሲ ይ ማይ ቆጤንድ ናም አጵሚስ አጵሙ። ይ ኪታጌንድቃን ማጥናሳጎን ይ አጵምማ ኡⶥ ፖርሺስ ይስን ሀይጥኒ ሀካርጌንዴ።

ዬሮሥንዲ ዬሴፔሽን አጵሚስ ይሲ ፖርሽንሱⶥ ኡሢስ ኡሥንሲ ይስቱዌ። ፓሮኒ ባ አጵሚስ ይሲ ፖርሼ ማኪ ጽያጽ ኬትካን ይ ኬሲ ባ ዳድን ይ ኤቲ ዬኡ። ዮሴፒ ይ አጵማ ኡⶢስ ይስን ፖርሽኪ ሀይጡዌ። ይሲንድ «ዬሪ ዶድ ቶሕን ናፕም ቤርግ ሀክ ክያጳጋ አብ አሥንሱዌ። ካሲ ኡⶥ ጌሽን ናፕም ቤርግ ቤሊስ ዶሥንሱዌ፤ (ቲሥንሱዌ)» ማኪ ሀይጡ።

ኡⶣም ፓሮኒ ቃጽ ታሢ ፔሽኪ ዮሴፒስ ጊብጽ ዶድ ቶሕን ካንግ ኡካርሱዌ፤ ዮሴፒ ጊብጽ ዶድን ፖሮን ዱንጋም ናምናስኑⶥ ኤዛጋ ኡካር ፔቱዌ።

ዮሴፒ ናፕም ክያጳጋ ቤርግንዳም አሢ ባ ሙአ ባ ቃይጹⶢስ ጎታርቃን አኪ ዱብዳስንሱዌሽን ሀይጡ። ምያታጋ ሙእ አፒስ ጎታራም ታቁዌ። ኡⶣጋ ጌሽን ቤሊ ዶንቲ አሥ ኢራታሳጉⶥን አሤሽን ሙአ ኡⶢስ ኬሲ ጎቴንዴ። ኡⶣም አሢ ባም ቤድንሱ ሙእ ያኪ ቤይስታርጉ ሺዴንዴ።

ቤላ ዶንቱⶢ ጊብጽ ዶድን ካይ ኤሳራጊ ያይቆባ ይ ንያእንዳይ ይስን ቶክንሲ ይስኩ ካናአን ዶድኒንድ ይስቱዌ።

ያይቆቢ ጊብጽቃን ሙኢ ይስኩⶥ ባና ሲስኩⶣም ባ ንያእንዲስ ዎሲ ቲሡ፤ ዮሴፒ ይ ኢችንዲ ሙእ ጎትኒ ዬኢ ይ አፕም አቲ ይጣጉⶥን ኢሣይቅኒስ ኤሩ፤ ኢሣይቅኒ ዮሴፕ ይሲ ፔቱⶢስ ይ ኤራርጌንዴ።

ዮሴፒ ባ ኢችንዲስ ውⶣ ባ ቤቁ ጌሽን ኢሣይቅኒስ «ሼራሺድንዴ፣ ታና ይንታይቅን ኢቻ ዮሴፓ ጊዛዎ፣ ይንታይቅኒ ቃም አሢ ታ ጎቱዎዳ ዬሮሥንዲ ኡⶢስ ሶይ አሢ ሻዲ ሀⶥን ታ አሡዌ፤ ኤስን ሀⶥ ጊብጽቃን ዬኢ ዶዳሀⶥንቶኪይስትንዴ፤ይንታይቅኔሽናይንትኬትአሥንዴሽናኮይስቲይስኩⶢስታናካንግይሥንሱዌ!» ማኩ።

ዮሴፓጋ ኢችንዲ ባ ዶድን ካርቲ ሀንቂ ዮሴፒ ካሣም ፕያጺ ይስኩⶢስ ይ ባባ ያይቆቤሽን ሀይጤንድ፤ ያይቆቢ ዮሴፒ ፕያጺ ይስኩⶢስ ባ ሲስኩⶣም ሶይሲ ካዥቁዌ።

ያይቆቢ ቃጽ ኤርጋንቂ ይስታሲ ባ ኬት አሥንዳ ባና ጊብጽቃን ሀንቂ ቶኪ ይስቱ። ያይቆቢ ጋሥ ሀይባርጉ ይስቲ ባ ንያእንዲስ ኢሣይቅን ማጥማጣም ዲሩዌ።

ዬሪ አብርሃሜሽን ዎግኒ ታሥ ኡሤንድ ጋህንዲ ይሲሀቄሽኒንድ ኤስቱዌ። ኡⶥ ጌሽን ያይቆቤሽን ኤስቱዌ። ካሲ ያይቆብ ንያእንዳ ታሕማ ናማዬሽኒንድ ኤስቱዌ። ያይቆብ ንያእንዳ 12 ኤንዲ 12 ኢስራኤል አሥንዳጋ ዛርንድ ፔቴንዴ።