7. ዬሪ ያይቆቢስ ዲሩ

ንያእንዳ ኤንዲ ባና ኢቁⶣም ያይቆቢ ባ ባያ ባና ኬትን ባ ይስትንሱⶢስ ⶡኒ ይስቱዌ። ካሲ ኤሳውይ ዣግናስ አቲ ዣጊ ዎብቲ ይስቱዌ። ሪብቃ ያይቆቢስ ⶡና ይስቴን። ካሲ ይስሀቂ ኤሳው ⶡኒ ይስቱዌ።

ማጥን ጎቅን ኤሳውይ ዣግቃን ፔሽኪ አትናጉⶥን ቤሊ ቃጽ ይ ቤይሱ። ኤሳውይ ያይቆቢስ «ዬሪ ኒ ማሬ ኔና ካሣሱⶥ ሙእምቃን ታም ኮት ኡሦ!» ማኪ ቆሉ።ያይቆቢ «ዎስ አፓርቅን ኒ ኡዚስ ታም ኡሦ!» ማኩ። ኤሳውይ ባ ኡዚስ ይስን ኡሡ፤ ኡⶣም ያይቆቢ ሙኢስ ይስን ኡሡዌ።

ይስሀቂ ባ ናንሣ ኤሳውይስ ዲርኒ ኮዩ። ይ ፔታስን ጋሥ ይሲ ዲርሳርጉ ይስትንሪብቃ፥ ያይቆባ ይስሀቅስ ግያዴንዴ። ኡⶥ ይሲንድ ያይቆቢ ኤሳውዎጥን ሀርካንቂ ይስሀቅ ዳድን አቱ። ይስሀቅንድ ቃጽ ኤርጋንቂ ይ አፒ ያፓርጉⶣን ይስቱ። ኡⶤሽን ያይቆቢ ኤሳው ሲማር ማእንሲ ኬሥ ቤታ ቃⶻሽኑ ኤቲ ባ ኩቻ ባ ባራይስ ይያም ካብንሲ ይስሀቅ ዳድን ሺኪ ባ ዲሬሴ ማኪ ይ ግያዱዌ።

ያይቆቢባባባይስሀቅዳድንዬኢአታንቂ «ታናኤሳውዋጊዛዎ! ሀⶥታአቱዌ፤ኤስንታዲሮ!» ማኩ።ይስሀቂይጉዝኑⶥኬሥኩስትስታብቲቤቂይሲማርንድኪንቂቤቅንሲሀⶢኤሳውፔትንሱዌማኪታሥንሲይዲሩዌ።

ያይቆቢ ይ ኡዝ ⶣጣ፥ ዲርታይስ ግያዲ ኤቱዌሽን ኤሳውይ ያይቆቢስ ቃጽ ኩርቂ ኢቹ። ይሲንድ ኢሣይቅን ባቢ ሀይቁ ጌሽን ይ ዎጥኒ ታሡዌ።

ይ ፔታስን ሪብቃ ኤሳውይ ባ ኢች ዎጥኒ ታሢ ይስኩⶢስ ሲስኬን። ኡⶣም ይ ባባ ባና ኦሽትና ባ አሥንድ ዳድን ያይቆቢ ሀንቂ ይስትንሱዌሽን ሀካጋ ዶድን ይ ቲሤኔ።

ያያቆቢ ጳዳጋ ቤርግ ሪብቃ አሥንድ ዳድን ይስቱ። ኩሣ ኡⶥን ይስቲ ማይን እያርሲ 12 እያን ንያእንዳ፥ ማጥ ማይን ንያአ ዬይሱ። ዬርንድ ቃጽ ኬሕትናስ ይ አሡዌ።

ያይቆቢ ካናአን ዶድን 20 ቤርግ ባ ቤሱ ጌሽን ባ ማይና ባ ንያእንዳ፥ ባ ጊዝናዳ ባ ቃይጻስንዳ ካንግ አኪ ኤቲ ካናአንቃን ካርቲ ውንኒ ታሢ ዶንቱ።

ያይቆቢ ጋሢ ካይ ኤሳውይ ታ ዎጥንሱዌ ማኪ ባ ማይቱዋም ታሢ ሼርቁ። ይሲንድ ⶦዳጋ ጊዝንዲስ ይስን ኡሥ አሢ ቲሡዌ። ጊዝንዳ ኤንዲስ ኤሳውዌሽን ኤቲ ዬኤንድ ያይቆብ ቃይጻስንዲ ይያ ባና ቦድን ድያምሚ «ኒ ቃማ ያይቆቢ ጊዝንዳ ሀንዲስ ኒም ቲሡዌ፤ ይሲ ባ ቄር ኑ ጌሽካን ሀⶥ ሺክ ዬኢ ይስኩዌ!» ማኬንድ።

ኤሳውይ ይዝቅን ግያርን ባ ኢቻ ያይቆቤሽን ማር ይሥንሲ ይስቱ፤ ይያ ባና ባ ድይምምሱዌሽም ኮዪይ ካዥቂ ይስቱዌ። ኡⶣም ያይቆቢ ካናአን ዶድን ሶያም ቶኪ ይስቱ። ኡⶥ ጌሽን ኢሣይቅን ባባ ይስሀቂ ሀይቁ፤ ይሲንድ ባ ኢቻ ኤሳውዋ ባና ይ ዬኪ ዱኬንዴ። ኡⶣጋ ጌሽን ዬሮሥንዲ አብርሃማ ባና ባ ይሡⶥ ታሥ ጋሀ፥ ዎጋይስ ይስሀቅ ዳድን ይሢ ያይቆቤሽን ኤጋም አሢ ኡሡዌ።