49. ቃያጋ ዬር ዎግ

ማጣጋ ዬር ዎሳሲ ማርያም ማስታ ይስኬን ዎር ንያአ ሙምኒን ዳድን ዎስኪ ዬኡ። ይሲንድ ዬር ንያእ ማስትንሱⶥ ንያኢስ ውሳ ዬልንሱⶢስ ሀይጡዌ። ውሲንድ ጋሥ ዎር ንያአ ሙም ይስታ እያናስ ንያእ ዬላ ይ ሱሚስ ዬሱስ ማካ ሱምሤኔ። ኡⶤሽን ዬሱሲ ካሕንድ አሥንዳ ጊዝዎ።

ዬሱሲ ካሕ ባ ፔቱⶢስ ኢባር አሢ ሚጣሱⶥⶦዳጋ ዲሢ ይስኩ ቃይጽንዲስ ይሡዌ። ይሲንድ ሶእ ዴብም ዎብቲ ሀይቁ። ዙያ፥ ናርሳይስ ንያክ ሀይሳሱ። ፑግናስንዲስ ፕያሡ። ሶቴት ማⶥንዲስ አሥ ጉዝቃን ኬሱ። ዎጥንድ ዶንሡ። ኡⶫጋ ቡዳ ናም ኡሩዋም 5000 ዴብም ይስኬንድ አሥንዲስ ሙሱዌ።

ካሲ ዬሱሲ ኤዝጋ አስታማሪያ ጊዝዎ። ይሲንድ ዬራጋ ንያእ ባ ፔቱዌሽን ካንጉⶢስ ባ ሀካም ኤርሳሱዌ። ይንታቅን ቄር ⶡኒ ይንቲ ይስኩⶢዎጥን ዱማርንድ አሥንዲስ ⶡንዴ ማኪ ኤርሳሲ ሀይጡዌ።

ካሲ ይንታይቅን ጊዛ፥ ኬሔታ ካንጉⶣጋ ቤሽ ዬሪስ ⶡንንዴ፤ ይንታይቅን ማጥናሲንድ ይንት ካሦጥን ⶡንዴ ማኪ ኤርሳሱዌ።

ዬሱሲ ዬራጋ ጫር ባሳ ዶድ ቶሕን ይስኩⶥሀራጋ ቃይጼሽን ቤሽ ዎብስካንቃ ይስኬኔ ማኩ። አሣ ኦኔሽናጎን ይ ፔታን ዬራጋ ጫር ባስ ጋሂስ ኤሪ ዬር ኢንግ አቲ ቃጽ ኮይስቲ ይስኩዌ። አሢ ዬራጋ ፕያጽቃን ባ እያርድንሱዌሽን ይሲ ሶይቃን እያርዲ ፕያጽንሱⶢ ኮይስቲ ይስኩዌ።

ዬሱሲ ማጥማጥ አሥንዲ ይያም ጊባትኒ ፕያጽንሱⶣ ማጥማጥንዲ ጊባትንሳርጉⶣይስ ሀይጢ ኤርሳሱ። ማጥማጥ አሥንዲ ካⶭ ካማ ሶይ ሀርኬንዳ ጊዝዎ፤ ካዣጋ ሀይጢስ ሲስኪ ጊባትኒ ፕያጽንሴንዴ። ዱማርንዲ ዛራ ቦድ ጋሽና ንያላ ጫር ዴብማ ዎጡⶥ ሀርኬንዳ ጊዚዎ፤ አሥንዳ ኤንዲ አፕ ኡጥንሳርጌንድ ዬራጋ ጫር ባስካኒንድ እያርድንሳርጌንዳ ጊዝዎ! ማኪ ኤርሳሲ ይስቱዌ።

ካሲ ዬሱሲ ዬሪ ጩቡዋስንዲስ ቃጽ ⶡኒ ይስኩⶢስ ኤርሳሱ። ዬሪ አሣ ጩቡዋስንዴሽን ማር ይሢ ባ ንያእ ኢሣይቅን አሥኒ ኮዩይ ይስኩዌ ማኩ።

ካሲ ዬሱሲ ዬሪ ጩቡይስ ኩርቂ ሚዝኒ ይስኩⶢስ ሀይጡ። አዳማ፥ ሄዋና ጩቡ ቃይጹⶣም ኢሣይቅን ጩቡይ ኢሥ ዛርንዲስ ካንግ ኢራትካን ቦኩዌ። ኡⶣጋ ናባም ዶንቱⶥ አሣ ዶድ ቶሕን ይስኩⶢ ባ ካንግ ጩቡ ቃይጺ ዬር ዳድን ባድ አቲ ይስኩዌ። ኡⶣማን አሢ ባ ካንግ ዬራጋ ጋግናስንድ ፔቱዌ።

ይ ፔታስን ይያም ጊባትኒ ይስኬንዲ ካንግዎይናሙⶥ ካሥ ፕያጺ ኢሣይቅኔሽን ይስትንሳታማን ኢሣይቅኒ ባእንሳርጉዌሽን ዬሪ ባ ናንሣ ማጣፒስ ኤጋም አሢ ኡሢ ይያም ዶዲስ ካንግ ሀሪ ⶡኑዌ።

ይንታይቅኒ ይንት ጩቡ ናባም ዎጥ ማጋጪ ይንታይቅን ዴብም ቦስትንሱⶥ አሣ ጊዝዎ። ዬሪ ይንታይቅን ዴብም ያንቂ ሀራን ባ ባጭ ዎርሳስንሱዌ። ይ ፔታስን ባ ባጪስ ይንታይቅን ዴብም ባ ዎርሳስንሱⶥ ሺችንሲ ዬሱስ ዴብም ዎርሳሱዌ። ዬሱሲ ማስቃል ዴብም ባ ሀይቁⶣም ይንታይቅን ማጋጪስ ይ ካንግ ኤቱዌ።

ዬሱሲ ጪር ጩቡ ቃይጻርጉዌ። ይሲ ይንታይቅና ዶድ ቶሕን ይስኩⶥ አሥ ካንግ ጩቡይስ ባ ማራስንሱዌሽን ዬራጋ ማጋጭ ኤቲ ኡድ ፔታ ባ ሀይብምሱⶢስ ኩርሱዌ። ዬሱሲ ባ ቄሪስ ባ ኡድ አሡዌሽን ዬሪ ዎሳስ ይስኩⶥ ኢታጋ ጩቡዋጎን ካንግ ማሪ ሺችንሱዌ።

አሢ ሶይ ቃይጺስ ባ ቃይጻን ባ ፕያሥንሱዌ ማካስን ሶይ ቃይጺ አሥ ፕያሥንሳርጉዌ። ይንታይቅኒስ ዬራም ፓሺ ድያማስኒ ሀክንሱⶥ ማጥ ቃይጺ ካይጉዌ። ዬሱሲ ይንታይቅን ጩቡ ማስኪ ይንት ማርኒ ሀክንሱዌ። ይንታይቅኔሽን ኮይስቲ ይስኩⶢ ዬሱሲ ዬር ናንሥ ፔቱⶢስ ጊባትኒ፣ ይንታይቅን ቆድን ይሲ ማስቃል ዴብም ሀይቁⶣ፥ ዬሮሥንዲ ዎጥቃን ይ ዶንሡⶣን ይንታይቅኒ ጊባትንሱⶣጊ ኮይስቲ ይስኩዌ።

ዬሪዬሱሳምጊባትኒዬሱሲትያቴማኪይስኩⶥአሣኦናጎጥንፕያሥንሱዌ።ኬሔትናሲንድፔትማክግራሲንድ፣እያኒንድማይኒንድ፣አሣኤርግንድናይትንድኩሣሀኑⶥናጎንይሲይስታንይናብምሱⶢካይጉዌ።ዬሪይንታይቅናባናሺካጋድያምይሢይንታይቅንⶡንሡዌ።ይሲንድዬሱሳምይንታይቅኒጊባትንሱⶢስኮዩይይስኩዌ።

ዬሱሲ ጊባትኒ ጣማቃንስኒ ይንታይቅኒ ፕያጽንሱዌሽን ይንት ጼጊ ይስኩዌ። ዬሱሲ ፕያሣጉ ዬር ናንሥ ፔቱⶢስ ጊባትኒ ይስታዴ? ጩቡዋስ ይንታይቅኒ ፔቱⶣ፥ ዬሪ ይንታይቅን ዴብም ማጋጭ ቦክንሱⶥ ፔቱⶣይስ ጊባትኒ ይስታዴ? ዬሱሲ ጩቡ ማር ባ አሥንሱዌሽና ጩቡይስ ባ ማራ ባይስንሱዌሽን ማስቃል ዴብም ሀይቁⶢስ ጊባትኒ ይስታዴ?

ዬሱሳማ፥ይሲይንታይቅኔሽንቃይጹⶥቃይጻምይንታይቅኒጊባትናንኤስንይንታይቅኒክርስትያናጊዝዎ።ዬሪሼጣናኡርዳይሥካንይንታይቅንኬሲዬርጋጮብትንይስኬንድይንትአሥንሱዌ።ዬሪይዝቅናርሳኤርጋጩቡቦዳይስሺችንሲጋሀካንጉⶢስይያምይንታይቅኒይሥንሱⶥቃያ፥ፕያጻቦዲስይንታይቅኔሽንኡሥንሱዌ።

ይንታይቅኒ ኤስን ሀⶥ ጊባትኔንድ ክርስትያንዳ ጊዝዎ። ዬሱሲ ቃይጹⶥ ቃይጻም ዬሪ ይንታይቅን ጩቡይስ ሺድማኬ ማኪ ሺቻንቁዌ። ሀⶥ ኤስን ዬር ጋግናስ ኤሳራጊ ይ ኢንግ ይንታይቅኒ ፔታንቁዌ።

ዬራጋ ኢንጋትያታ ዬሱስ ቃይጻሳ ይንታይቅኒ ፔታማን፣ ዬሱሲ ይንታይቅን ኤርሳሱ ቦዳም ይስን ጎስትንሲንቱዌ። ክርስትያናጎን ይንታይቅኒ ፔታስን ሼጣኒ ጩቡ ይንታይቅን ቃይጻስኒ ማክንሱዌ። ይ ፔታስን ዬሪ ጊባታስናንቂ ይስኩⶣጊ ይንታይቅን ጩቡ ሀስትኒ ሶይቃን እያርዳጊንታን ይንት ጩቡይስ ማርንሱዌ። ጩቡይ ይያም ይንታይቅኒ ጋምሥንሱⶣ ይንታይቅን ዳድን ሀካስንሱⶣ ጊዲስ ይንትን ኡሥንሱዌ።

ዬር ዳድን ጾኪ ይ ሀይጢስ ሲስኪ ጊባትኒ ዱማርንድ ክርስትያንዳ ይንታ ጎይንሲንቱዌሽን ይንትን ጋሥንሱዌ። ካሲ ዱማርንዴሽኒንድ ሀይጥንስንቱዌሽን ኮዪይ ይስኩዌ። ጋሀ ኤንዲ ዬራይንታቅና ዴንትካን ሶያጋ ⶡና ድያማይ ይስትንሱዌሽን ጋሥንሱዌ።