31. ዬሱሲ ሶአ ባሀር ዴብም ዎብቲ ሀንቁ

ኡⶣም ዬሱሲ አሢስ ካርሲ ፑርቅን ቲሢ ይስቲ ባ ማⶥ ንያእንዲስ ዎምቃን (ጃልባቃን) እያርዲ ኢሣይቅኒ ሴጋም ኬስንሱዌሽን ሀይጡ። ኡⶣጋ ጌሽን ጾክኒ ሀይቅን ጉድ ባስን ኬስኩዌ። ይሲንድ ባ ካይ ኢክ ጾኪ ይስቱ፤ ዶዲ ዴንት ጾጽ አታጉ ሀክ ጾኪ ካይ ይስቱዌ።

ኡⶣጋ አብም ይ ማⶥ ንያእንዲ ባ ዎሚስ ጡርቂ ኤቲ ሀንቂ ይስቴንድ። ዶዲ ዴንት ጾጽ አታጉⶥን ኢሣይቅኒ ጋሥ ባሀራጋ ጾጽናን ይስቴንዴ። ናርሲንድ ቃጽ ናርሲ ኢሣይቅን ኢራታሱ።

አባ ኡⶥን ዬሱሲ ጻካ ባ ይስቱⶢስ ውርስንሲ ዶንቲ ባ ማⶥ ንያእንድ ዳድን ሀንቁ። ይሲንድ ሶአ ባሀር ዴብም ዎብቲ ዬኢ ኢሣይቅን ዎም ዳድን አቱ።

ይማⶥንያእንዲዬሱሲስቤቅንሲቃጽሼርቄንድ።ኢሣይቅኒንድአሥኤሳራጊሶቴታንባቤቁዌማኪታሥንሲቃጽዲቴንዴ።ኡⶣምዬሱሲኢሣይቅኒቃጽሼርቁⶢስኤርንሲ «ሼራሺድንዴ!ታናጊዛዎ!» ማኩዌ።

ኡⶣም ጴጥሮሲ ዬሱሲስ፣ «ዎ ኤርሳሳጉⶦ! ኢባሪ ኔን ኔ ፔታን ኒዮጥን ሶእ ዴብም ዎብታ ታ ሀምምሱዌሽን ሀይጦ!» ማኩ። ዬሱሲ ጴጥሮሲስ፣ «ውዎ!» ማኩ።

ጴጥሮሲንድ ዎምቃን ይስቲ ዎርትኒ ሶእ ዴብም ዎብቲ ሀንቂ ጋዱ። ይ ፔታስን ኮታቤቁ ባ ሀንቁ ጌሽን ባ አፒስ ዬሱስ ዳድን ይሢ ዳድን ካርሲ ዙያ፥ ናርሳ ባሀሪስ ቃጽ ⶡኪ ጎቂ ይስኩⶢስ ሲስክንሲ ሼርቁዌ።

ኡⶣም ጴጥሮሲ ሼርቅባኑዌሽን ሶአም ቆስቲ ጋዱ። ይሲንድ «ዎ ኤርሳሳጉⶦ! ታ ፕያሦ!» ማኪ ኬኡዌ። ዬሱሲ ግያርን ባ ኩች ይስን ቲሢ ይ ኩችካን ኡጡ። ኡⶣም «ዎ ሀⶣ ኒ ጊባቲ ዲርቃንቂ ይስኩⶦ! ሀሬሽናን ናም ታሣዳዎ?» ማኪ ሀይጡዌ።

ጴጥሮሳ ዬሱሳይ ዎሙቃን እያርዳጉⶥን ናርሳ ዙያይ ግያርን ንያክ ሀሱዌ።ኡⶣም ይ ማⶥ ንያእንዲ ፔቱⶥ ጋሀም ዲቴንዴ። ኢሣይቅኒንድ «ኢባሪ ኔና ዬራጋ ናንሣ ጊዛዎ!» ማኪ ይስን ጉራትኒ ጎይኔንዴ።