19. ኮናስንድ

ዬሮሥንዲ ኢስራኤል አሥንድ ዳድን ሀኑⶠ አባማጎን ይፔታን ኮናስንዲስ ኢሣይቅን ዳድን ዎሲ ቲሢ ይስቱ። ኮናስንዲ ዬርጋ ዎሳ ባ ሲስኩⶣ፥ ዬርጋ ሀይጣይስ ኢስራኤል አሥንዴሽን ኮኒ ሀይጢ ይስቴንዴ።

አካቢ ኢስራኤል አሥንድ ዴብም ትያታጉⶥን ኤልያሲ ኮናስ ይስቱ። አካቢ ኢስራኤል አሥንዲስ ባአል ማስቲ ይስኩⶥ ካሕይስ ጎይናሲ ኢሱⶥ ኢታጋ ትያታ ጊዝዎ። ኡⶣጋ አባም ኤልያሲ አካቤሽን፣ «ታና ሀይጣ ቡሳጉ ሀክ ኢስርኤል ዶድ ቶሕን ዎሊ ጪር ቡክንሳርጉዌ!» ማኪ ሀይጡ። ጋሀ ኡⶢ አካቢስ ቃጽ ያንቃሱዌ።

አካቢ ኤልያሲስ ዎጥኒ ኮያጉⶥን ዬሪ ዶዳ ኮልን ሀንቂ ይሲ አሽቴ ማኪ ኤልያስን ሀይጡ። ኤልያሴሽን ዱታማ፥ ሶካማ ካንግዎይን አⶫ፥ ቡዳይስ ክሪ ኤቲ ዬኢ ይ ሙሲ ይስቱ። አካባ ይ ማይትናስንዳይ ኤልያሲስ ዣጊ ካዪይ ይስቴንዴ። ይ ፔታስን ይ ያፕምሚ ሀካርጉ ይስቴንድ። ዎሊ ቡካርጉ ቃጽ ሀካጉⶥን ሶኢ ኮሊ ውሩዌ።

ኡⶣም ኤልያሲ ዬርጋ ሀይጣም ዱማርስ ዶድን ሀንቁ። ዶዳ ኡⶥካን አሥና ማጣ ቤስ ኤትኬና ባ ናንሣ ማጣባና ይስቴን። ኢሣይቅን ሙኢ ውራም ቃጽ ኢራትኒ ይስታጉⶥን ኤልያሲ ው ዳድን አቱ። ኡⶣም ኤልያሲ ው ቡድ ፑሕካ ኮታቤቅና ው ዛይታይ ውርንሳርጉዌሽን ይሢ ዎሊ ዶድ ቶሕን ቡካጉ ሀክ ኢሣይቅና ባና ሙኡዌ። ኤልያሲ ሾዳጋ ቤርግ አሥና ኤና ባና ው ኬትን ይስቱዌ።

ካዝቤርጋⶦጳጌሽንዬሪዎሊስባቡስንሱፔቱዌሽንሀንቃኢስራኤልትያታአካባኔናድያምሞማኪይስንሀይጡ።አካቢኤልያሲስባቤቁⶣም «ዎናሳአሢስኢራትቤሳቦንጣርሳይስኩⶥኔናአታኔ?» ማኩ።ኤልያሲካርሲይዬሽን «አሥኢራትሳይስኩⶢኔናጊዛዎ! ኢባራሙⶥካሐያህዌሂስሺችንሳባአሌሽንጎይናይስኩⶢኔናኒአሥንዳጊዝዎ፤ኤስንክያምሀⶥኢስራኤልአሥንዲስካንግታምቄርሜሎስንጉድንባስንዱብዳሶ!» ማኩ።

450 ካሐ ባአላጋ ኮናስዳ፥ ኢስራኤል አሣ ካንጋ ቄርሜሎስ ጉድ ባስን ዱብድኔንዴ። ኤልያሲ አቲ ኢስራኤል አሥንዴሽን «ይንታይቅኒ ዎስኬን ሀካንይንት ታሥ ሻዲ አሣ ቶእ ሴጋላሙⶦጥን ዶጊ ዎብቲ ናም ታሢ ካይ ይስትንሳጌዎ? ኤስን ሀⶥ ዬሪ ካሕ ፔታን ይስን ጎይንዴ! ሺዳን ባአላጊ ካሕ ፔታን ይስን ጎይንዴ! ሲስክንሲ ታምም ካርሱⶢ ኢባሪ ካሕ ፔትማኬ!» ማኩ።

ኡⶣጋ ጌሽን ናም ማንታ ዴሉሲ ኤስቲ ውንን ይ ማጢስ ካሐ ባአል ኮናስንዲ ⶡኪ ኡድ አሢ ሺርሼንድ። ኤልያሲ «ታማም ካርሱⶢ ካሕ ፔትማኬ!» ማኪ ሀይጥንሲ ይስቱዌሽን ታሚ ኡድ ቶእቃን ሶሣርጉዌ። ኡⶤሽን ታም ሶካርጉ ኡዳናን ኡዲ ይሤንዴ።

ኡⶢስ ኤስ ይሥንሲ ባአል ኮናስንዲ «ዎኑ ካሐ ባአላዎ! ኑም ሲስካ ካርሶ!» ማኪ ሀሆ ዱጊ ጾኪ ይስቴንድ። ዱታም ኡጥንሲ ሶክ ፓዥ ሀክ ኬኢ ጾኪ ይስቲ ባ ዶሶጥን ባጉዚስ ዶጊ ሱሢ ኮኒንድ ሀይጢ ይስቲ ኢሣይቅኒ ባ ካሕይስ ቆሎዳ ኤር ካርሳርጉዌ።

አባ ኡⶣም ጎቅን ሶክ ፓዥን ኤልያሲ ዬርን ኡዲስ ዬሻሱ። ማንታ ማጢስ ⶡኪ እንች ይሢ ይ ዴብም ኡዳ ኡⶢስ ይሡ፤ ኡድ ኩሥ ⶦራም ባም ይሻስንሲ 12 ኮንዳ ሶእስ ዎሀሲ ባማ ኡⶣም ⶾንⶫሱ።

ኡⶥ ጌሽን ኤልያሲ «ዎ ብርሃማ፥ ይስሀቃ፥ ያይቆባ ካሐ ያህዌዎ! ኔናጋ ኢስራኤል ካሕ ኔ ፔቱⶣ፥ ታና ኒ ቃይጻስ ፔቱⶣይስ ዎይንቴን ሀⶥን ኑ ቤሶ! ኢባሪ ኔናጋ ኢባር ካሕ ፔቱⶢስ አሥንዳ ሀንዲ ኤርንሱዌሽን ኒ ሱሜሽን ማካ ይሦ!» ማኪ ጾኩ።

ኡⶣም ግያርን ሀይቅን ጫርቃን ይስቲ ታሚ ዎርትኒ ኡዳ ኡⶣ፥ ቡይጣ፥ ንያላ፥ ባምቃኑⶥ ሶአ ይ ⶦራም ይስኩⶣይስ ካንግ ቡንሢ ሙኡዌ። ኢስራኤል አሥንዲ ኡⶢስ ባ ቤቁⶣን ባ አፓም ካርቲ ዶድ ዎጥ ጉራትንሲ «ኢባሪ ዬሮሥንዳ ያህዌሀጊ ካሔ! ያህዌሂ ካሐ ጊዝዎ!»ማኬንድ።

ኤልያሲ አሢስ «ባአል ኮናስንዲስ ማጣፓስ ፖንሣሽዲ ታም ኡጥንዴ» ማኩ። ኡⶣም አሥንዲ ካሐ ባአል ኮናስዲስ ካንግ ኡጢ ኤቲ ሀንቂ ዎጤንዴ።

ኡⶣጋ ጌሽን ኤልያሲ ትያታ አካቤሽን «ዎሊ ኤስን ሀⶥ ቡክንሱⶣጊስን ክያም ብትና ኒ ኬትን ሀሞ!» ማኩ። ግያርን ሀይቅን ጫሪ ጽድን ኤዛጋ ዎሊ ቡኩዌ። ኡⶣም ዬሮሥንዲ ታማም ካርሲ ዎልንድ ቡሲ ኢባራሙⶥ ካሕ ባ ፔቱⶢስ ቤሱዌ።

ኤልያሳጋ ጌሽን ዬሪ ኤልሳ ማስቲ ይስኩⶢስ ኮናስ አሢ ኩርሱ። ዬሮሥንዲ ኤልሳም ⶦድ አሥ ዲሢ ይስኩ ቃይጽ ይሢ ይስቱዌ። ቃጽ አሥ ዲሢ ይስኩⶥ ቃይጽቃን ማጢ ዬሪ ኢስራኤል አሥንድ ጋግናስንዳጋ ማይትናስንድ ኡካሪስ ፕያሡⶣ ጊዝዎ። ናሳ ኡⶢ ኑአሚን ማስቲ ይስኩⶣጊ ዶርⶥ ፑጋም ፑርስቲ ቃጽ ኩምሥናንቂ ይስቱ። ይሲንድ ባ ዶድን ይስቲ ኤልሳይ አሥ ፕያሢ ይስኩⶢስ ሲስክንሲ ኢስራኤል ዶድን ኤልሳ ዳድን ዬኡ። ኤልሳይ «ዮርዳኖስ ሶእቃን ሀንቃ ናፕም ካርሳ ኒ ማሶ!» ማኪ ይስን ሀይጡዌ።

ይ ጋድን ኒአሚኒ ያንቂ ባና ሀንቃ ማስንሳርጉዌ ማኩ። ይ አሥንዲ ይ ባጭን ይሲንድ ሀንቂ ዮርዳኖስ ሶእቃን እያርዲ ኬስኪ ናፕም ካል ባ ማስኩ፤ ይ ናፕምናስን ይሲ ሶእቃን እያርዲ ኬሳጉⶥን ዬሪ ይ ፕያሥን ይ ጉዚ ፕያጺ ሶይ አቱዌ።

ኡⶥ ጌሽኒንድ ዬሮሥንዲ ⶦዳስ ኮናስንዲስ ቲሡ። ኮናስንዳ ኤንዲ ኢስራኤል አሥንዳ ኢሣይቅን ትያትንዳዬሽን ዱማርስ ካሕንዴሽንጎይናርጉ ኢባር ባሥንድ ባሢ ማር ይሣጌንድ ሶይናስ ኢሣይቅኒ ፔትንሱዌሽን ኪቲ ሀይጤንዴ። ዬሮሥንዲ አሥንዲ ይስን ጎስቲ ሶይ ቃይጽ ቃይጺ ይ ሀይጣ ይ ትዛዛ ባቃርጉ ሺዳን ኢሣይቅን ዴብም ማጋጭ ባ ቦክንሱ ፔቱⶢስ ኬንዛሲ ሀይጢ ይስቱዌ።

ኢስራኤል አሥንዲ ⶦድ አብ ዬርን ጎስቲ ይ ትዛዝ ባቃርጌንዴ፤ ኮናስዳ ኢባር ኮን ሀይጢ ይስኬንዴሽኒንድ ሶይጣርጌንድ ኢሥ ኢራታስያን ይስቴንዴ። ማጥማጥ አባም ኮናስንዲስ ብያርትኒ ዎጢ ይስቴንዴ። ማጣጋ አባም ኮናሳ ኤርምያሲስ ሶእ ባምቃን ኡጢ ቦኪ ይ ዎጥንሳስባን ማኪ ቦክንሲ ሀንቄንዴ። ኤርምያሲ ባማ ኡⶥካን ቶግቃንእያርዲ ቆስታንቂ ይስቱ፤ ዬሪ አሣ ማጣም ባማ ኡⶥካን ይ ኬሳስን ፕያጹዌ።

ኢስራኤል አሥንዲ ኮናስንዲስ ⶦድ ካርቲ ኩርቂ ኢቻስን ኢሣይቅኒ ዬራጋ ዎሲስ ሀይጣ ባ ይስኩⶢስ ሺቻርጌንዴ። ሶይቃን ባ እያርዳሺዳን ኢሣይቅኒ ባእንሱ ፔቱⶢስ ኬንዛሲ ሀይጢ ይስቴንዴ። ካሲ ቃዝቂ ዬሪ ማስያ (ኪርስቶሳ) ፕያሥንሱⶢ ኤታ ባ ውንሱዌ ማኪ ሀይጡ ጋሂስ ኢሣይቅን ታሣሲ ይስቴንዴ።