17. ዬሪ ዳዊታ ባና ይሡ ዎግ

ሳኦሊ ይ ጋድኑⶥ ኢስራኤል አሥንድ ትያታ ጊዝዎ። ይሲ አሥንዲ ኮዩⶢዎጥን ጳዳ፥ ባ ⶣባም ቃጽ ሶይጢ ይስኩዌ። ሳኦሊ ይጋድን ኢስራኤል አሥንድ ዴብም ባ ትያታጉⶥን ሶይ ትያት ይስቱዌ። ጌሽን ዬርን ጎስታርጉ ሺዲ ኢታጋ አሥ ፔቱዌ። ኡⶣጋ ናባም ዬሪ ማጥን ጎቅን ይ ኩሥን ትያት ፔትንሱⶥ ማጣጋ አሥ ኩርሱዌ።

ዬሮሥንዲ ሳኦል ኩሥን ትያትንሱⶢስ ኢስራኤል ⶤት ንያእንድቃን ማጢስ ኩርሱዌ። ዳዊቲ ቤቴሌም ካታም ዬይስኩⶥ ዶር ኪምናሳጊ ይስቱ። ዳዊቲ ባ ባብ ዶርንዲስ ኪንቂ ይስታጉⶥን ⶦዳጋ አብ ዶድባሀ፥ ጌራይ ዶር ኡጥኒ አትናጉⶥን ዎጢ ይስቱዌ። ዳዊቲ ዬራም ጊባትኒ ይስኩⶥ ሶይናሳ ማይ ጋላሙⶣጊ ይስቱዌ።

ዳዊቲ ኤዛጋ ማይትናስንዳጋኡካር ፔታንቂ ይስቱ፤ ይሲንድ ጋሥ ⶤት ንያእ ይስቲ ጎልያድ ማስቲ ይስኩⶥ ኤዛ ጳዳጋ አሣ ባና ጫድኑ። ጎልያዲ ማይት ጫዴሽን ኤርትናሳ ዞላሳ ኤርታንቂ ይስኩⶣጊ ይስቱዌ። ይ ጳዲንድ ሳፕም ይር ሺዳን ካዝ ሜትር ይስቱ። ይ ፔታስን ዬሪ ዳዊቲ ይ ዎጥንሲ ኢስራኤል አሥንዲስ ፕያሥማኬ ማኪ ዳዊትን ጋሥኑዌ። ኡⶣጋ ጌሽን ዳዊቲ ⶣዳጋ ጫድ ጫድኒ አሢ ባ ካንግ ይ ጋላትኒ ይስቱⶥ ቃይጺስ ቃይጹዌ።

ሳኦሊኢስራኤልአሥንዲዳዊትስⶡኒናⶥኪይስኩⶢስቤቅንሲአይኒⶻንቁ።ኡⶣጋናባምⶦድካርቲሳኦሊዳዊትዎጥኒኮዩዌ።ኡⶥናባምሳኦሌሽንዳዊቲአሽቱ።ማጥንጎቅንሳኦሊዳዊትዎጥኒኮዪይይስቱ።ሳኦሊዳዊቲይቃንአሽታንቂይስኩንያልቆባልቃንሀንቂአቱ።ይሲንድዳዊቲስቤቃርጉይስቲይዳድንቃጽሺኩ።ኡⶣምሀራንዳዊቲሳኦልዎጥኒሀክንሱዌ።ይፔታስንይዎጣርጉሺችንሲይሲኤርንሱዌሽንይሲማርጻሊስጋዥቂኤቱ።

ይ ውርን ሳኦሊ ማይት ጫድቃን ሀይቁ፤ ኡⶣም ዳዊቲ ዬሪ ይስን ሀይጡⶢዎጥን ኢስራኤል ዴብም ይ ኩሥን ትያቱዌ።ዳዊቲ ሶይ ትያት ፔቱዌሽን ኢስራኤል አሥንዲ ይ ⶡኔንዴ። ዬሪ ዳዊትስ ዲሪ ይ ቃይጽንድ ካንግ ይስን ፒካሱ።ይሲንድ ⶦዳጋ ጫዲስ ጫድኒ ኢስራኤል አሥንዲስ ኢሣይቅን ጋግናስንድ ኩችካን ኬሲ ካሻሱንሱዌሽን ዬሪ ይስን ጋሥኑ። ዳዊቲ ዬሩሳላሚስ ጋምሢ ኡጢ ባ ካታም ው አሢ ውስን ዎጉዌ። ዳዊቲ ትያቱⶣም ኢስራኤላ ኬሔትኒና፥ ሀካሜና ዶድ ፔቴኔ።

ዳዊቲ ኢስራኤል አሥንዲ ይስን ጎይንሱⶣ፥ ዬርን ኡዲ ይስን ኡዳስኑⶥ ጎይን ኬቲስ ጊጽኒ ኮዩ። ኢስራኤል አሥንዲ 400 ቤርግ ሙሴይ ቃይጹⶥ ድያም ዱካም ኬትካናን ዬሪስ ጎይኒ ኡዲስ ይስን ኡዲ ይስቴንዴ።

ጋሀ ኡⶤሽን ዬሪ ኮናሳ ናታኒስ ዳዊት ዳድን ዎሲ ቲሡ። ኮናስ ናታኒ ዳዊቴሽን፣ «ኔና ⶦዳጋ ጫድ ጫድኑⶣጋ ታም ኬት ጊጽንሳርጉዌ፤ ይ ፔታስን ኒ ናንሣጊ ታምም ጎይን ኬትስ ጊጽንሱዌ፤ ኒ ናሢስ ቃጽ ዲርንታኑዌ፤ ኒ ዛርንድቃን ማጢ ካንግዎይናም ሀክ ዶድ ቶሕን ትያቲ ጎትንሱዌ፤» ማኪ ይስን ሀይጡ። ዳዊት ዛርቃን ካንግዎይናም ሀክ ትያትንሱⶢማስህ ማስቱⶥ ዬሱሳ ጊዝዎ፤ ማስህይ ዶድ ቶሕኑⶥ አሢስ ካንግ ኢሣይቅን ጩቡቃን ፕያሥንሱⶥ ዬራም ኩርስኩⶣ ጊዝዎ።

ዳዊቲ ጋሀ ኡⶢስ ባ ሲስኩⶣም ኤዛጋ ዎብሳ ዲርታይስ ባም ኡሡⶥ ዎግቃኒንድ ባም እያርዲ ታሥ ኡሡⶥ ባ ካሐ ዬሪስ ቃጽ ጋላትኑዌ። ዳዊቲ ጋሀ ባ ሀይጡⶢስ ዎስኬናን ይሥንሱ ፔታን ኤራርጉዌ። ይ ፔታስን ማሲህይ አትንሱⶢስ ኢስራኤል አሥንዲ 1000 ቤርግ ባቅንሱⶢ ኮይስቲ ይስቱዌ።

ዳዊቲ ኢስራኤል ቶሕን ኢባር ባሥ ባሢ ጊባታስናንቂ ይስኩ ፔታንቂ ⶦድ ቤርግ ትያቱ፤ ዬሪንድ ይ ዲሩዌ። ይ ፔታስን ባ ካሣጋ ውር አብም ዬራጋ ዴብም ኢታጋ ጩቡ ቃይጹ፤

ማጥን ጎቅን ዳዊት ማይትናስንዲ ባ ካንግ ጫድቃን ሀቅንሲ ይስታጉⶥን ይሲ ጫድቃን ሀማርጉ ባ ኬትን ይስቱ። ይሲንድ ሀይቅን ፖቅ ኬት ባንዝን ጉድኒ ዎብቲ ይስቲ ማይና ማጣ ሶይ ⶣባሜና ባ ጉዝ ማስካ ይስትን ቤቁ። ው ሱሚንድ ቤርሳቤህ ማሳቲ ይስኩዌ።

ዳዊቲ ው ቤቅንሳ ባ ንያክ ሺድንሱⶥ ቆድ ግያርን ው ጼሲ ኤቲ ዬኡ፤ ይሲንድ ውዋባና ባ ሱርቁ ጌሽን ካርሲ ው ኬትን ው ቲሡዌ። ኮት አብ ጌሽን ቤርሳቤሀ ታ ⶢልቃን ቃኑ አታንቁዌ ማካ ዳዊቴሽን ዎስ ቲሤኔ።

ኦሪዮን ማስቲ ይስኩⶢ ዳዊት ማይትናስንድቃን ቃጽ ዞላሳጊ ይስቱ፤ ኦሪዮኒ ቤርሳቤህ ቤሳ ጊዝዎ። ዳዊቲ ባ ቃይጺ ኤርስትንሳርጉዌሽን አችኒ ታሥንሲኦሪዮኒስ ጫድ ኩሥን ይስሢ ጼሲ ኤቲ ዬኡ፤ ኦሪዮኒ ይ ዳድን አቱⶣም ሀንቃ ኒ ማሽታ ኔና ይስቶ ማኪ ይ ኬትን ቲሡ። ይ ፔታስን ኦሪዮኒ ባ ኬትን ሀማርጉ ኢቼዌ። ኡⶣም ዳዊቲ ኢራትናንቂ ካርሲ ማይት ጫድድቃን ይ ቲሢ ዎጣሱዌ።

ኦሪዮኒ ሀይቁ ጌሽን ዳዊቲ ቤርሳቤሂስ ኤቲ ዬኢ ው እያርሱ፤ ውሲንድ ዳዊቴሽን እያን ንያእ ዬሌኔ። ዬሪ ዳዊቲ ቃይጹ ኢት ቃይጼሽን ቃጽ ያንቁ፤ ይ ኢት ቃይጻ ኡⶢ ቃጽ ኤዝ ፔቱⶢስ ኮናስ ናታኒ ይስን ሀይጤ ማኪ ዳዊት ዳድን ዎሱ። ዳዊቲንድ ባ ጩቡ ሀስትኒ ሶይቃን እያርዱⶣም ዬሪ ይ ማሩዌ። ዳዊቲ ሺዱⶥ ባቤርጋም ቃጽ ኢራታሲ ይስኩⶥ ኢራትካን እያርዳሲ ዬርን ጎስቲ ይ ዳቢ ይስቱዌ።

ዳዊቲ ቃይጹ ጩቡ ናባም ይ ናንሣ አሥና ቤርሳቤህካን ይሲ ዬይሱⶢ ሀይቁ። ኡⶥ ጌሽኒንድ ይ ፔታን ይ ኬት ጎብቃን ⶦድ ኢራታ ጫዳ ይስቱዌ። ይዝቅኑⶥ ዳዊታጋ ጊዳ ዞላይ ቃጽ ጋምጡ፤ ይሲ ጋምጡⶣም ዬሪ ታሥ ባና ይስን ኡሡ ጋሄሽን ጊባታስናቂ ይስቱዌ። ቤርሳቤሀ ባ ናንሣ ሀይቁ ጌሽን ዳዊትካን እያን ንያእ ዬሌን፤ ይ ሱሚንድ ሳላሞን ማስቲ ጼስቱዌ።