12. ኢስራኤል አሥንዲ ጊብጽቃን ይስቲ ኬስኬንድ

ኢስራኤል አሥንዲ ጊብጽቃን ይስታ ባ ኬስኩዌሽን ሶይሲ ካዥቄንድ። ኢሣይቅኒ ኤስን ሀⶥ ጌሽን ቃም ኤሳርጌንዴ። ዬሪ ታሥ ኡሤንድ ዶድን ኤስን ሀንቅያን ይስኬንዴ። ጊንጽ አሥንዲ ኢሣይቅኒ ኦጩⶥ አንሣ፥ ቢሪያ፥ ቂጻይስ ካንግ ኢሣይቅኔሽን ኡሢ ቲሤንዴ። ዱማርንድ አሥንዳ ዬራም ጊባትኔንዲንድ ኢስራኤል አሥንዳ ባና ኬስኪ ሀንቄንዴ።

ዬሮሥንዲ ኢሣይቅን አፓርቅን አታንቂ ፓዥዴንት ጳዳጋ ዱልዱል (ⶾም) ቡታም፣ ጡማስን ጳዳጋ ታም ሳም ቡታም ቤሲ ኤቲ ሀንቂ ይስቱዌ። ዬሪ ካንግዎይን ኢሣይቅኒ ሀማጉⶥን ኢሥ ቤሲ ይስቱዌ። ኢሣይቅኒ ይ ዳቢ ሀምሱዌሽን ሀይጡዌ።

ኮት አብ ጌሽን ፓሮና ጊብጽ አሥንዳይ ባ ታሥ ሻዲ ኢስራኤል አሥንዲ ካርቲ ዬኢ ባ ቃም አትንሱⶢስ ኮዬንድ። ዬሪ ባ ካይ ኢክ ካሕ ፔቱⶢስ ኢሣይቅኒ ቤቅንሱዌሽና፥ ይሲ ይስቱⶣ ይስትንሱⶥ (ያህዌ)፣ ካሲ ፓሮናጋካሕንድዴብምካምሀካሙⶥይሲፔቱⶢስኢሣይቅኒኤርንሱዌሽንፓሮኒካሲሀይጣስኒሲሳርጉአሡዌ።

ኡⶣም ፓሮኒ ባ ማይትናስንድ ዶንሢ ኤቲ ኢስራኤል አሥንዲስ ካርስኒ ኢሣይቅን ያፓርን ብያርትኒ ሀንቁ። ኢስራኤል አሥንዲ ጊብጽ ማይትናስንዲ ዬኢ ይስኩⶢስ ባ ቤቁⶣም ባሀራማ ፓሮን ማይትናስንዳማ ቆራስና ኡስታ ባ ይስኩⶢስ ኤሬንድ። ቃጽ ሼርቃንቂ «ሀር ጎዥቃንቆ ጊብጽቃን ይስታ ኬስካኖ? ኤስን ሀይቃ ውራን ኑ ይስኩዌ!» ማኪ ኬኤንዴ።

ኡⶣም ሙሴይ ዶንቲ ኢስራኤል አሥንዲስ «ሀይቂ ጪር ሼራሺድንዴ! ዎይንቴን ዬሮሥንዲ ይንታይቅኔሽን ጫድኒ ይንት ፕያሥንሱዌ!» ማኪ ሀይጡ። ካሲ ዬሪ ሙሴሽን፣«ኢስራኤል አሥንዲ ዞቅ ባሀርን ቦዳምሀምምሱዌሽን ሀይጦ» ማኩ። ኡⶥ ጌሽን ዬሪ ጊብጽ አሥንዲ ኢስራኤል አሥንዲስ ቤቅንሳርጉዌሽን ዱልዱል ቡቲስ ኢሣይቅን ዴንት ጾጽቃን ይሡዌ።

ዬሪ ሙሴሽን ባሀራጋ ዴብም ባ ኩች ፓራሲ ሶእስ ይሲ ቤⶥክንሱዌሽን ሀይጡ። ኡⶣም ባሀር ሶኢስ ዴጎጥን ይሥንሲ ይ ጎባማም ቦዲ ይስትንሱዌሽን ናርሳም ሶኢስ አዳርና ኡⶫርና ኤካ ሀካ ቤⶥኩዌ።

ኢስራኤል አሥንዴሽን ሶኢ ኤጋማ ሀጋማ ዴግ አታም ይ ጾጻም ዶዳ ኮልን ሀንቂ ሴጋም ኬስኬንዴ።

ኡⶥ ጌሽን ዬሮሥንዲ ጊብጽ አሥንዲ ኢስራኤል አሥንዲ ፖትኒ ሀንቂ ይስኩⶢስ ቤቅማኮ ማኪ ዱልዱሊስ ዶንሡ። ጊብጽ አሥንዲ ኢሣይቅን ያፓርን ዳቢ እያርደንዴ።

ጊብጽ አሥንዲ ባሀርቃን እያርዳጉⶥን ዬሪ ኢሣይቅኒስ ቃጽ ኢራታሲ ኢሥ ፓር ጋርንዲስ ጌሻም ካርሲ ቱኩ። ኡⶣም ጊብጽ አሥንዲ «ጌሽ ካርትንዴ! ዬሮሥንዲ ኢስራኤል አሥንዴሽን ጫድኒ ይስኩዌ!» ማኪ ኬኤንዴ።

ኢስራኤል አሥንዲ ሶያም ሴጋም ኬስኩ ጌሽን ዬሪ ሙሴን «ኒ ኩቺስ ባሀር ዴብም ካርሳ ፓራሶ!» ማኪ ሀይጡ። ይሲንድ ካርሲ ባ ኩቺስ ፓራሳጉⶥን ባሀር ሶኢ ጊብጽ አሥንድ ዴብም ካርቲ ኮⶥኩዌ። ኡⶣም ጊብጽ አሥንዲ ባሀር ሶአም ቆስቴንዴ።

ኢስራኤል አሥንዲ ጊብጽ አሥንዲ ሀይቂ ውሩⶢስ ባ ቤቁⶣም ዬራም ጊባትኔንዴ። ካሲ ሙሴይ ዬራጋ ኮናስ ፔቱⶢንድ ጊባትኔንዴ።

ካሲ ኢስራኤል አሥንዲ ዬሪ ዎጥቃና ቃም ጎስትካና ኢሣይቅን ኬሱዌሽን ቃጽ ካዥቄንዴ። ሀⶥ ዬርን ጎይና ባ ዎስካ ቃይጽንሱዌሽን ቃም ጎትካን ኬስኬንዴ። ኢስራኤል አሥንዲ ዬሪ ጊብጽ ማይትናስንድ ኩችካ ኢሥ ፕያሡዌሽና ዎጥቃና ቃም ጎትካና ባ ኬስኩዌሽን ዬሪስ ዎብሲ ይያም ባ ይ ጋላትንሱⶥⶦዳጋ ሻሊስ ሻሌንዴ።

ዬሪ ዎሳሳማን ጊብጽ አሥንዲስ ጋምሢ ቦክንሲ ቃም ኬትካን ኢሣይቅን ኬሲ ፕያሣሳን ኢሣይቅኒስ ታሣስንሱⶥ ማዳካም ባሪስ ቤርጋም ቤርጋም ይሢ ኢሣይቅኒ ዎብስንሱዌሽን ኢስራኤል አሥንዴሽን ቲዛዝ ኡሡ። ኢሣይቅኒንድ ዶር እያጉላ ⶾባሊስ ⶡኪ ጻይድናርጉⶥ ቃራ ቡዳም ፓሺ ሙኢ ይያም ካዥቄንዴ።