11. ማዳካም ባር

ዬሮሥንዲ ፓሮኒ ሀማጊ ኢስራኤል አሥንዲስ ፖንሣሽድኒ ኢቻን ጊዛ አሣጋ ኡዝ እያን ንያእንዲ ዎጣ ባ ውርስንሱⶢስ ኬንዛሲ ሀይጡ። ፓሮኒ ኡⶢስ ሲስክንሲ ዬራም ጊባትና ኢስራኤል አሥንዲስ ባ ፖሥንሱⶢስ ኢቹዌ።

ዬሪ ይያም ጊባትኒ ይስኩ አሣ ኦናጎን ይፔታን ይ ኡዝ ንያኢስ ባ ፕያሥንሱⶥ ቦዲስ ዬሻሱዌ። ኡⶥ ይሲንድ አሢ ባ ማጥማጣም ባ ኬትን ዶራማጢስ ዬሻሲ ⶡፕምሱዌሽን ሀይጡ።

ዬሪ ኢስራኤል አሥንዲ ዶር ⶡኪ ይ ሱትስ ባ ⶣንቅ ሜግን ቦጢ ይ አⶪስ ቃራ ቡዳም ብታሲ ሙእንሱዌሽን ሀይጡ። ካሲ ቃዝቂ ኡⶢስ ባ ሙኡ ጌሽን ጊብጽቃን ባ ኬስንሱዌሽን ኢሣይቅኒ ዬሽንሱዌሽን ሀይጡዌ።

ኢስራኤል አሥንዲ ዬሪ ቲዛዝ ኡሢ ሀይጡⶢዎጥን ካንጉⶥ ቃይጺስ ይሢ ዬሼንድ። ዶዲ ዴንት ጾጽ አታጉⶥን ዬሪ ጊብጽ ዶድ ቶሕን ካንግ ጉድኒ ዎብቲ ኡዝ ንያእስ ይ ካንግ ዎጡ።

ኢስራኤልአሥንድኬቲባካንግሱታምቦጣንቂይስቱዌ።ዬሪሱትቦጣንቂይስኩⶥኬትንኤጋምአቲሀንቁ፤ኬታኡⶥጎብቃንይስኩⶥአሢስካንግፕያሡ፤ኢስራኤልአሥንዲዶራⶾባልሱታምባሜግⶣንቅቦጢፕያጼንዴ።

ይ ፔታስን ጊብጽ አሥንዲ ዬራም ጊባትናርጌንዴ። ይ ቲዛዝንድ ይሣርጌንዴ። ኡⶤሽን ዬሪ ኢሣይቅን ኬት ዴብም ጻልቂ ኤጋም አታርጉ ኢሣይቅን ኡዝ ንያኢስ ካንግ ዎጢ ውርሱዌ።

ጊብጽ ዶድ ቶሕን ጽያጽ ኬትካን ይስኩⶥ ኡዝ ንያእን ጋድንሲ ፓሮናጋ ኡዝ ንያእ ሀክ ጊብጽ አሥንዳጋ ኡዝ ንያአ እያኒ ባ ካንግ ሀይቁ።አሢ ባ ካንግ ኤዛጋ አይናም ዶድ ቶሕን ካንግ ኬኢ ዬኩዌ።

ጡማኡⶣምፓሮኒሙሴያአሮናጼጊአሥንሲ «ኢስራኤልአሥንዲስኤቲክያምሀⶥዶንቲሀምምንዴ፣» ማኪሀይጡዌ።