6. ሳዓቢ ይሳቕካን ማዓ ክ ኡስስምሽ

ኣብራም ጋእሻ ክ ጋልቴርሳኬንክ ይሳቕት ቦንንክት ማዓ ቴይንትካን ዣእሼ፤ ካንካን ኣብራም ይንት ፕክሽዴድግራንክ ዎላቓብናም ይንት ሱሴን ፔጭግራንክ ይንሥስይንት ይሳቕካን ማዓ ክ ታዓድቴምሽ ኪም ኦይሤ።

ኣብራምት ሱሴን ዶዖቕዳክ ፔጭንግር ቤድሚ ሴጽካን ይ ሙክስንዴት ቡዑር ዣእሼ፤ ሳዓቤሬ ዪም ኦይቴርሳቓብን ኣብራምት ፕክሽዳብናም ርብቓዳ ኪም ዣእሼ፤ ርብቓ ኣብራምት እንዴፕስት ይንሥስንት ይንሢ ሃዓቔ።

ርብቓ ኤዔር ኤዔድይንታም ጋርሽዮ ኤዔሥን ኣብራምት ፕክሽዳብንት ራቕክ ካይንትካን ኤዔድምሴ፤ ይ ዣእሽምሼሬ ይሳቕት ኤዔር ይእሴ።

ቤድሚ ሴጽት ቡዑር ኣብራም ዴእሴ፤ ሳዓቢ ኣብራም ኪክን ክ ኣርዛቓክ ጉሜርንት ጫዓቓ ኬዔዜና ሙዳ ይሳቔን ዣእሼ፤ ሳዓቢ ኣብራሜን ፓይትዮ ማቕሽማይንዳ ካዓሥክት ዶዖቕድምሽ ካዔስታ ሃዓቔ፤ ዳዓኖንምሺ ይሳቕት ማይን ርብቓ ይንሢ ኣዽንቲ ኮዖን ማዓትክዬ።

ይሳቕ ዳይንክ ርብቓካን ምክስክ ርብቓ ምንቲ ይንሣም ኮ ሲርቴምሽ ማዓሤ፤ ይንሢ ቓስቴንና ርብቓት ኮዖርግር ኪክ ኪክዜን ዣቕሚ ዬዳቔኬ፤ ርብቓሬ ይንት ኮዖርግር ማዓዳክ ሃራ ዳይንኬሬ ሳዓባም ጎይሴ።

ሳዓቤሬ ርብቓካን ኮይን ጋይሴ፤ «ኮዖርግራንት ዳዬድ ቓስቴን ይንሥንግራንክ ቓስቴን ባዓቢ ዉትዴኬ ኬቴሬ ኪክ ኪክዜን ዣቕምዴኬ ቶይድስና ሜራብንካን ፕክሽዴ» ኮዖን ጋይሴ።

ርቓብት ይንሥና ኬ ኣዼርዳክ ሴጽንክ ቶይዲ ይንሥስን ዜይምኬ ዜኔንክቴሬ ስጽካምባብ ማዓሦ ኣዼርሴ <ኤሳ> ጋይሴሬ ናዓምክት ዎጄኬ፤ ሜራብን ይንሥስን ኤሳት ዱዑቲ ዬትዮ ኣዼርሴ ናዓምንክታሜሬ <ያይቖብ> ጋይሶ ዎጄኬ።