19. ማዓትካን ዬይዳኬታም ኬዔዝዴድና

ሳዓቢ እስራኤል ኤዔድንት ኣቴንግር ሙዳ ማዓትካን ዬይዳኬታም ኬዔዝዴድናም ኬዔን ኦይሤ፤ ሳዓብዳንክ ኬዔዜናም ኤሴርሴኬ ኮዖዛንኬሬ ሳዓብት ኬዔስቴናም ኤዔድንካን ኬዔዜኬ።

ኣካብ እስራኤል ኤዔድንዜን ክ ባዓምሳኬንክ ኤላስ ሳዓብት ማዓትካን ዬይዳኬታም ኬዔዝዳብ ሃዓቔ፤ ኣብ ባኣል ጋዓርዳክ ጾይስናም ኬ ምክስቴምሽ ኤዔድናም ዛፕስስዳብ ዳቕልባብ ኤዔድ ሃዓቔ፤ ኤላስ ኣካቤን «እ ኬዔስቴንክ ዬካ እእስራኤል ፔጭግር ዶዖቢ ዋይ ኦልካ ዶዖቓዬ» ኪን ጋይሴ፤ ኮዖና ኣካባም ጋእሻ ጋዓምስሴ።

ሳዓቢ ኪም ዴይስካን ዝግዳብስን ኣካብዳንክ ኪም ኣዓችንትካን ፔጫ ጉርንግር ዶዖቕዳክ ኖቔንዳ ክ ካይቴምሽ ኤላስካን ኬዔዜ፤ ዣሜክ ሃክስንክ ኣፕትና ባልሽኬ ዋዓክ ኪን ታዓዳቔኬ፤ ኣካብኬ ክት ዳዓሚ ዶብዴድንክ ኤላሳም ዝግዜኬ፤ ዳይንኬሬ ኪም ሃዓፕንትካን ኬዔን ማዓትክዬ፤ ሉሜና ፔጬንዜን ጋእሻ ዛብዝንካን ማቕንቴዜን ኖቔና ኣሤ።

ካንካን ኤላስ ዎላቔንዳ ሞሬግር ዶዖቕድንዳ ፔጬንግር ካዬ፤ ፔጬን ኮዖግር ሉሜንዛንክ ዻዓምሳቕንዳ ማዓ ቡና ዎላቔንዳ ኣንግ ይንሥኮት ዎላቕባብንክ እሥምንኬት ማቕካን ዬይታ ሃዓቔ፤ ዳይንኬሬ ኤላሳም እሥሣኬትክ ሳዓቤሬ እሌና ቲሌንግራንክ ዛይትኔሬ ዚጌንግራንክ ዦዖግራይምሽ ማዓስሶ ኬዔም እሥሴ፤ ዳዓቕን ሴጽንክ ሙዳ እሥምኬት ዶዖቓ ሃዓቔ፤ ኤላስ ኮዖግር ቤድሚ ቦንካን ዶዖቕሴ።ካንካን ኤላስ ዎላቔንዳ ሞሬግር ዶዖቕድንዳ ፔጬንግር ካዬ፤ ፔጬን ኮዖግር ሉሜንዛንክ ዻዓምሳቕንዳ ማዓ ቡና ዎላቔንዳ ኣንግ ይንሥኮት ዎላቕባብንክ እሥምንኬት ማቕካን ዬይታ ሃዓቔ፤ ዳይንኬሬ ኤላሳም እሥሣኬትክ ሳዓቤሬ እሌና ቲሌንግራንክ ዛይትኔሬ ዚጌንግራንክ ዦዖግራይምሽ ማዓስሶ ኬዔም እሥሴ፤ ዳዓቕን ሴጽንክ ሙዳ እሥምኬት ዶዖቓ ሃዓቔ፤ ኤላስ ኮዖግር ቤድሚ ቦንካን ዶዖቕሴ።

ቦን ማኬንኬ ባግክ ዶዖቕሳኬት ቡዑር ዶዖቢ ቓንድምሽ እስራኤል ፔጭንት ባዓብንካን ማዓትዮ ኣካብካን ክ ኬዔስቴምሽ ሳዓቢ ኤላስካን ኬዔዜ፤ ኣካብ ኤላሳም ይ ሼጃኬንክ «ሃዓና ካልሚ ፕዥዳብስን ሃዓዳዮ!» ኪን ጋይሴ፤ ኤላሴሬ ኮይን ኪን ጋይሴ፤ «ካልሚ ፕዥዳብስን ሃዓኔ! ዶዖፔናምባብ ሳዓቢ ሙዴናም ማዓስዳብናም ጋርታዬ፤ ባኣላም ምክስታዬ እስራኤልት ባዓምንግር ዶዖቕዴድ ኤዔድናም ሙዳ ቔርሜሎስ ባሌዜን ሱዽካ።» ኪን ጋይሴ።

ኦይዲ ማቶ ዶንቕ ታም ማዓትካን ዬይዳኬታም ኬዔዝዴዴድን ኪክን እስራኤልግር ዶዖቕዴድ ኤዔድን ሙዳ ቔርሜሎስ ባሌዜን ሃዓዴኬ፤ ኤላስ ኤዔድንካን «ሃይንትክ ዬኬ ጶቕሽዬንታም ኦዖክዴ? ሳዓቢ ኖዖ ሳዓቢ ክ ማዓሥንክ ክካን ፕክሽኬቴ ባኣል ሳዓቢ ክ ማዓሥንክ ክካን ፕክሽኬቴ» ኬዔን ጋይሴ።

ኮዖዛንኬሬ ኤላስ ባኣልት ማዓካን ዬይዳኬታም ኬዔዝዴድንካን «ዋዓኪ ዚያ ዎላቕ ቴቼቶ ጪልሽት እማ ማዓስንትክ ታዓድኬቴ፤ ዳይንኬሬ ኖዖ ጎይሪ ሃይ ኦዖስኬቴ፤ እቴሬ ኮይን ዬይድቴ፤ ኖዖክ ማዓስዳብ ሳዓቢ ኖዖ ዶዖፔናምባብ ሳዓብዬ» ኬዔን ጋይሴ፤ ካንካን ባኣልት ፕክሽዴድና ጪልሽት እሜናም ኣክሼኬ፤ ዳይንኬሬ ኖዖ ጎይሪ ኦዖስኬኬ።ኮዖዛንኬሬ ኤላስ ባኣልት ማዓካን ዬይዳኬታም ኬዔዝዴድንካን «ዋዓኪ ዚያ ዎላቕ ቴቼቶ ጪልሽት እማ ማዓስንትክ ታዓድኬቴ፤ ዳይንኬሬ ኖዖ ጎይሪ ሃይ ኦዖስኬቴ፤ እቴሬ ኮይን ዬይድቴ፤ ኖዖክ ማዓስዳብ ሳዓቢ ኖዖ ዶዖፔናምባብ ሳዓብዬ» ኬዔን ጋይሴ፤ ካንካን ባኣልት ፕክሽዴድና ጪልሽት እሜናም ኣክሼኬ፤ ዳይንኬሬ ኖዖ ጎይሪ ኦዖስኬኬ።

ኮዖት ቡዑር ባኣልት ማዓትካን ዬይዳኬታም ኬዔዝዴድና «ባኣሎ፥ ዎራ ኤሴርካዮ!» ጋዓሮ ባኣልዳ ምክሴኬ፤ ሴጼናም ሙዳ ሃዓቕንታ ምክሴኬ ኡዑግምሴኬ ኮይኔሬ ዜኔይንታም ሃልፔክ ቴቼኬ ዳይንኬሬ ማዓሲ ዳክ ሃዓቔ።

ማቕንቴዜን ኤላስ ሳዓብካን ጪልሽት ኤማ ካር ኣክሼ፤ ዜናንኬሬ ዋዓም፥ ሃዓቓም፥ ኮይኔሬ ጪልሽ ካርንት ሼዔጌክ ዶዖቕዳክ ፔጬን ጫፕሽቴንክ ዬካ ታሜኬ ቓስቴን ቲላ ጾዖጺ ኖቓ ጪልሽት እማ ካርዜን ኬ ላልቴምሽ ኤዔድኔን ኬዔዜ።

ኮዖዛንኬሬ ኤላስ ኮይን ጋይሶ ምክሴ፤ «ሙዴና ሃዓን ኤዔእዳብ ኣብራምቴኬ ይሳቕቴክ ያይቖብቴሬ ሃዓና እስራኤልት ሳዓብስን ሃ ማዓድምሽኬ እቴሬ ሃንት ፕክሽዳብስን እ ማዓሥምሽክ ኬዔና ኤዔድን ኤስቴምሽ ኢን ማዓስካዮ» ጋይሴ።

ሳዓኔሬ ኖዖ ርኬግራንክ ዋዓቾ ዋዓናም፥ ሃዓቔናም፥ ሴይንናም፥ ሃዓጽሜናም ኮይኔርሬ ጪልሽት እሜንት ሼዔጌክ ሃዓቓክ ኖቔናም ሙዳ ኣሤ፤ ኤዔድና ኮዖም ይ ሼጃኬንክ ፔጬዜን ቡኬልሴኮ «ሙዴን ዪን ኤዔእዳብ ሳዓብዬ!» ጋይሴኬ።

ኮዖዛንኬሬ ኤላስ «ባኣልት ማዓካን ዬይዳኬታም ኬዔዝዴድንግራንክ ዎላቓቤሴሬ ዻቖ ካያይምሼ!» ጋይሴ፤ ካንካን ኤዔድና ዬትዮ ካዮ ኬዔም ዴይሴኬ።

ኮዖት ቡዑር ኤልስ ባዓብስን ኣካቤን «ዶዖቢ ሃዓታ ማዓሣቕንካን ሳዓና ካትሜንግር ማዓትካ» ኪን ጋይሴ፤ ሳዓና ርኬና ጫልሼ ጋእሼንዳ ዶዖቤሬ ቓን ዬዜ ሙዴና ዪን ኤዔእዳብ ሉሜናም ኔክሼ ዶዖፔናምባብ ሳዓቢ ማዓንትይንታሜሬ ዶዖፕስሴ።

ኤላስት ቦንንት ቡዑር ሳዓቢ ይንት ማዓትካን ዬይዳኬታም ኬዔዝዳብ ክ ማዓቴምሽ ኤልሳእ ጋዓርዳብ ኤዔዳም እዜ፤ ሳዓቢ ኤልስጎክ ቤድሚ ክላ ሬያም ዎዖንሴ፤ ክላ ሬይንግራንክ ዎላቔና ዳቕልንዳ እሣ ሃዥም ዪም ዬዛቓብ ይዥዴድንት ዳዓሚ ዶብዴድናም ኤንሥዳብን ንእማንዜን ሃዥምና ሃዓፔርሴ፤ ኤልሳእጎ ኤሴርታ ይ ሃዓቕንካን እሤንግራንክ ዪም ክ ሃልሽሽቴምሽ ኤልሳኣም ካይዮ ጎይሴ፤ ኤልሳኤሬ ዮርዳኖስ ኖቔንግር ታብዛ ካርክ ካዮ ዋዓር ኣርዝዮ ዉት ኣርዝዮ ዉትክ ክ ዬይቴምሽ ንእማንካን ኬዔዜ።

ብሬዜን ንእማን ጋዓምሴ ጋዴርሚ ኪን ካምስንካን ኤልሳእ ኪን ኬዔዛቓኬታም ዎዖናቕዬ፤ ቡዑር ዳይንክ ጶቕይንታም ኦዖክንትክ ዮርዳኖስ ኖቔንግር ታብዛ ካርክ ዉትኬ ኣይድክ ማዓሤ፤ ማቕንቴዜን ኖቔንግራንክ ክ ዉታቕሳኬንክ ዜኔንክት ሃልሼ! ሳዓቢ ኪም ሃልሽሼ።

ሳዓቢ ኣቤድ ቤድሚ ማዓትካን ዬይዳኬታም ኬዔዝዴድናም ኦይሤ፤ ሙዴና ጾይስናም ምክስንትን ኬ ጋርቴምሽኬ ኣቤድንካን ኡዝማ ኬ ቤዔርቴምሽ ኔጋኔ ጋይንታም ኬ ዬቴምሽ ኤዔድንካን ኬዔዜ፤ ማዓትካን ዬይዳኬታም ኬዔዝዴድን ዳቕልንዳ ሬያም ዎዖንንትን ኬ ጋርክንኬ ሳዓብካን ኤዔእንት ኬ ዬትክንክ ሳዓቢ ባሥንኬትምሽ ኬዜን ክ ቤዔርድምሽኬ ክ ቓእስድምሽክ ኤዔድንካን ኤስምስኬቴ።

ቤድሚ ሴጽካን ሳዓብካን ኤዔእኬኬ ቤድሚ ሴጽግር ማዓትካን ዬይዳኬታም ኬዔዝዴድናም ዳቕልምክ ኬዔም ዬዳቔኬ ዋይንንክ ኬዔም ዴይስዳቔኬ፤ ዋይንንክ ማዓትካን ዬይዳኬታም ኬዔዝዳብን ኤርማስ ዎቻ ማዓሣቔድ ኖቓ ኦዖልግር ዪም ዣቔርሽክ ዋዓር ክ ዴኣን ኪም ጋሬርታ ሃዓቔ፤ ኦዖሌንት ማቕንቴዜን ዶዖቕዳክ ቓኔንግር ኣርዜ፤ ዳይንኬሬ ኮዖ ሴጽንክ ባዓብስን ክካን ኣትርንትክ ክ ዴእካኬት ብሬዜን ኦዖሌንግራንክ ጎችትዮ ኪም ኬ ዉሥቴምሽ ይንት ፕክሽዴዴን ኬዔዜ።

ማዓትካን ዬይዳኬታም ኬዔዝዴድና ኤዔድን ኬዔም ይዥድንኬሴ ሳዓብጎካን ኬዔዜናም ጋርኬኬ ሳዓብዳ ኬ ማዓትክንክ ሳዓቢ ኬዔም ካይስድምሽ ኤዔድኔን ዛፕስትዮ ኬዔዜኬ፤ ታዓሬ ሳዓቢ ሳይይሳቓብን ሃዓድምሽ ኬዔዜርሳቓክ ጉሜርናም ኤዔድንካን ጶቕሽሼኬ።