9. Yalli Moosah deecima

Yoosuf rabemko sarrah, kaa zamad inkoh Masrille defeyen. Ten kee tenko raddam lel inkoh mango iggidit amalle sugeniyaako mango cindham baahen. Israa-eel xiyaw akkay yinin.

Boolaat iggidiyaako sarrah, Israa-el xiyaw mangum yemmengin. Masri xiyaw Yoosuf mece gedih kaa biyashshiiteenih, usuk en xatoh abem gantah mazzakkarinnooni. Israa-el xiyaw yemmengiinimhi sabbatah akko mashshiiten. Amaa max Masrille reezeh yine Fircawun lel Israa-eel xiyawuk garuuza akkabe.

Masri xiyaw, Israa-eel xiyaw naba makun, amayim balih katamum ginoona ten xaylishen. Birthic ciyyo ten aniina toshshoome, Yalli laakin adde yebeerekeyaako ziyaada mango cindham baahen.

Fircawun Israa-eel xiyaw mango cindham baaha yaniinim yuble. Amaymih lel ishi xiyaw inkoh Israa-eel xiyaw zabulti labeeto yigdifiinih Niil nahaaradde cidoona ten yeemere.

Wuli Israa-eelta kin numa barha bahte. Tee kee bacla lel amaa zabalo dhiicaanam fanah sucusen.

Kayya sucusaanam alle tigbide gedde, gidfooko kaa naggoyshoona ciloh Niil nahaar hi gimamalle tine wuli randat fanadde seleelekitta jambiilidde kaa hayen. Naba kaa sacla lel ayim yakkem tablo kaa waacensiita tine.

Wuli Fircawun barhä amaa jambiil tubleyaako addadde kulux akko terhxe. Amaa zabalo tuble gedda lel ishi barha akkabitto beyte. Kaa dhoyishsho ciloh lel kaa ina kinam aarhigekkah casbeh amaa Israa-eeltälle toxoye. khaddaamitih bahte. Ishi lel amaa cindhooki yenebeh inat xan kaa farhshiishinnixam yekke gedda, amaa 'Moosa' yan migac akah teyyeece, Fircawun barhä fanah tedebbe.

Wuli max, Moosa yenebe gedda, wuli Masriiti Israa-eelti garuzza aatukii yuble. Muusa lel ishi Israa-eelto kin kaa zoobatto gargeero yicikkine.

Inketti kaa ablii miyinem yuble gedda lel Moosa amaa Masriita yigdifeh yoocoge. Moosa abeh yinem laakin wuliti yuble.

Fircawun Moosa abem yoobe gedda, kaa yagdafo farhe. Moosa lel Masriiko amaa Fircawun caskarko alle naggowah iggidin zibolle kude.

Moosa Masriiko mirixta kin zibolle lel saci loyna yekke. Amaa dikille wuli numa marcishiteh lel lamma barha adde baahe.

Wuli max, Moosa ishi ciidohi zan abitak, wuli garabadde gira abbirhii yuble. Amaa garab laakin mixararo. Moosa lel meceetih yablo amaa garabhi gabolle kab-yerhxe. Amaa gira adde tibbirhe garabhi gabolle kab-arhxik, Yallih dhaw: "Moosa, ishi kabel eyyec. Quddus kin baarholle kinni daw-arhxii tanitom" ake.

Yalli: "Inni xiyawhi cazaab ubleh aniyo. Atu Israa-eel xiyaw Masriiti garuuzinnaako ten tayyaaco ciloh lel Fircawun fanah ku dhirhiyo kiyo. Anu Abraahim, Isxaaq kee Yacqoobuh wacde akah saye Kancaan baarho tenah axaw kiyo" ake.

Moosa: "Amaa xiyaw miyatti yi farem yaarhagoona farhan gedda, ayim arhxo?" yeh essere. Yalli: "ANU KIYOTIYA KIYO, 'ANU KIYO yi fareh yane' akke. Anu Yahweh, sin abo kin Abraahim, Isxaaq kee Yacqoob Yalla kiyom gantah akah warish. Tati umman geedit yi migac kinni" ake.

Moosa meceetih waanisho mirhiicam yekkeleyaako mashshiiteh Fircawun fanah yadaw farhe waye gedda, Yalli, kaa sacal kin Ahaaroon, xatoh aalih dhirhiye. Yalli lel amaa Fircawun akxino kinam Moosa kee Ahaaroon ten asuuseh yine.