43. Ranukkun Asusunan

Jisun ruangban dayarre yirren atiki, hanangna maranji jirusalem lingan basule Jisun engale banaihan tiyetin etile lumleji. Mandranji rukuan rukkulin gabri jielin garbirnji.

Dile mihuman anelai abduran 50 adinna atiki jiudinji aboij murda dinna ganabrin deli antati penticost. Penticoston adinna lingan Jiudinji goma saran abdurteji. Jiudinji rder ayaryar maneng saring Jirusalemban yerre penticost abduran lumleji.kan amijhun penticost Jisun ruangan adaijten atiki apalli penticost ardutai.

Ayinganti ayam derna maranji rukkulinji, abubmung dagi ayinganti asing ling aninji dakulinji guyurdi ringan ambrij surda ringgin si’ng lingan atiki alang tudan ambrij kuddub dirna maranji abobanji alininka gijtali. Marid Janggardan batti aninji barij leji do beggarda lang langan batti Kitungan adong abguguleji. Aninji kan akuddub lang langan adgalameji, bindo kan akuddub lang langan abirnabin tiyetid.

Ayinganti ayam jirusalem amandraji kan asanaddan amdangleji, aninji parjanji amangban yirre itin dele gamle iylai gijeji. Kun dirna maranji amanglingan kitungan ayinganti asurda bara lumetin antati appingbaleji, aninji rubmang daleji itin asan gamlenden aninji beggarda beggarda adisa marji do beggarda beggarda lang lang maranji dakuleji

kun lingan asuij madranji gamleji do hanangna maranji gasalinji bindo pitoran tanangan tanangle aninji adong gametin, “birnahen amdangba! kan akuddub madranji atadaedji! bindo ayinganti ati ambina agijte Juel tumaggij maran abirna pungeli:kitungan gametin ‘tanakud ayam lingan jaggardahen lataij

“E Israel, Jisun bo mandra dakule anin butin kan ati absuijben asan ateng rubmang baran lumetin. Anin kitungan aranabtin bati ateng rumang daman abaran lumetin. Kan ati ambin agalamle etin asan gamlenden kan ati ambin agijle. Bindo ambin anin adong arakkadanglingan amdaijle!”

“Jisun kahidle, bindo kitungan anin adong karahidan saring abyarmengetin.Itinti Tumaggij maran anidole antati anojoraiyan dele : ambin manarid maran adong kintolod lingan anobsoed.’ Anlen sakkin daku do kitungan Jisun adong abdietin.

“Ua Kitungan namijhen Jisun adong ajandrum siban abgob gable abgugutin. Bar Jisun mangbalen marid janggardan appayaitid yanti gamle anin jibjible ittegoi anin lumetin. Marid janggardan kan ati lumte itinti amben agijle do amdangle!”

“Ambin kun amandra, Jisun ado’ng arakkadangling amdaijle.bindo sakaij galamba do kitungan Jisun adong kuddub janaban akitung messiah.

Mandranji Pitoran abirna monnan tiyle amdangleji. atiki aninji pitoran do hanangna maranji ado’ng buhangji namihen itin lumtebi.

Pitor aninji ado’ng jalangle gametin, kuddubin Kitungan amang pintubin appingbabin deti, kuddubin abyerjielin Jisun amang tabubdan hangba.atiki kitungan marid jaggardan tiytabin.

Pitoran anobling biran amdangle derren 3000 mandra Jisun ahanangna mar deleji. Aninji tabubdalinji do Jirusalem aranukku lingan maidamlinji

Mandranji hanang marn ahanang amdangle dakulinji. aninji ateng tara arrabangleji do mailin gagalinji, do ateng tara di-dargam apsele garbirleji. Aninji kitungan adong mailin abguguleji, ayinganti ajanab amanglinganji dakuli antati artiyleji. kun gardalingan akuddub mandran kan ati bangsa gamle ogandileji. dile dinnan dirna maranji atengleji.