44. Pitoran Do Jon Gargar Maran Absamangteji

Bo dinna Pitoran do Jon sareba singban yirreji. Bo garde maran sareba singan agaranaba goble gargarnetid.

Pitor kun mandran ado’ng gijle gametin, “Manglinghen itidja lebun agasa dongan atiybin asan, itinti mangling hen daku antati tiytam.Jisun ahimlingan, dilin hana!”

Atabdong, Kitungan garde maran ado’ng absamangetid. anin hanabin susunetin yaryar manengan lilidamlin Kitungan ado’ng sinkkindraetin.sereba singban arondardiban adakulin amandranji kan ati gijan gijle rubmang daleji.

Anlamaranji sanamangan adeli amandran adong agijbin asan bayale yirraji. Pitor aninji adong gametin, kun mandran bangsali, bindo kun apsele arubmang dagi adedong. ranabtilen batti anin ado’ng er-abbangsa, bindo kitungan aranobtin batti. Osantan kan ati Jisun kun amandran ado’ng aranabtin batti absamangetin, itin asan gamleden anlen jisun adirtinai.”

“Aman ayinganti amarda Jisun atubbin asan Rom gabornar sai ado’ng opungle. ayinganti amadra kuddub mandranji absele mandrengnan tiyte. Anin ado’ng ambin atuble. Bindo Kitungan anin ado’ng karahidan saring abyarmengetid.ambin itnti alumle antati galamle arabtied, bindon ayinganti ayam kan ati alumle, tumadgij maranji abirna anobajarayan deli .aninji gamleji Messian bo dinna danukkan do karahidan deti. Kitungan kan ambrij kanati lumetid.antin asan, abyarjinaba kitungan amang yiraiba,adtiden anin kuddub pintubin tabmadte.”

Ayingati ayam sereba singan amurda dene maranji amdangleji do, Pitoran do Jon boi boi danukka lingan dakuleji. Atiki aninji ado’ng hamjle korojo singlingan pidleji.binod Pitor ayinganti abirnan birren ateng mandra dirrenji. Jisun amang aderrinan amaranji adanisaman 5000 saring aur.

Anabiyo tagaldan jiudinji abmanggod maranji murda buyan do beggarda abmanggod maranji atemang lingan urunglaji. aninji Garde maran ado’ng janang urunglaji.aninji Pitoran do jon ado’ng apungleji itin aranabtin batti ambin kan garde maran adong absamangle?”

Pitoran aninji jalanggetid “ayinganti amandra mukkababin atanang anin messian jisu kristun aranabtin batti absamangte.ambin jisun ado’ng arakkaddang lingan tangle akabhidle, bindo kitungan anin ado’ng mandrengnan tiyetid! Ambin anin ado’ng ajjaed, bindo jisun arabtin sadan sadle ranabraban agasa!”

Abmang god maranji Pitoran do Jonan aumang bir amdangan amdangle juggardamdam deliji. aninji gijleji do kan aninji osengdagi amadranji do er-hangna marji dakuleji. bindo atiki aninji ayimleji do kan amandranji jisun ampra dakuleji. Atiki aninji aninji adong gamleji. “Bogad ambin kun amandra, Jisun, absele bangsa anoblingan aoblinglen den Anlen dongbin atenng pandradan atiytai.” atiki kan ambrij ateng birranji opungan opungle, Pitoran do jon ado’ng omdaleji.