37. Jisun Lajaran Adong Karahiddan Saring Abdite

Lajar gamle bo mandra dakule. Bagu a tonananji dakuli anin ahimanji Meri do Marta. Aninji Jisun a gardinji na. Bo dinna bo mandran Jisun a do’ng gadlamle gametin do Lajaran a-ur bimbim lingan daku. Anganti Jisun amdangetin anin gametin, “kuni kanalkal Lajaran akarahiddan bati adnahide. Bindo, kan batti Kitungan asaninsinan deti.

Jisun a gardinji ado’ng timyimten, bindo kun lingan bagu dinna sikoijja anin omdietin. Bagu dinna atiki, anin a hanangna maranji a do’ng gametin, “maba bar okij Juda desaban ayarnaba.” A hanangna maranji anin a do’ng abyar birreji “E hanghang mar,” nami asui ayam abmang kun amandraji dongnam atuabbin asan saijlamji!” Jisun jalangle gametenji, “gardi marlen Lajaran adimad, do hen anin abdeben deti.”

Jisun ahanangna maranji abyar birreji, “E Gamang, bogad Lajaran dimadlinanden, anin samangte.” Jisun aninji adong bangsale oblingetinji, “Lajaran kahidli. hen manoihdam do hen kun titti a ddakulih. Yanti gamel ambin nami addirtin.”

Anganti Lajaran a basulen a garjangban ardule, Lajaran kahiddan kahidle inreng unji dinna deli. Martan Jisun a do’ng rabangben asan si’ngan saring dungan dunglin gametin. E Gamang, bogad aman satta tedne dakulamanden, u-bba hen akkahide badih. Bindo hen der-derna hen daku do itenti anin apsele garte antate Kitungan tiytam.

Jisun anin a do’ng abyar biretin, “Yanarmenggan do mandrengnan henina. Buttinti mangling hen dirtin anin kahidle janangden meengti. Buti buti mangling hen dertinji aninji angaja a kahiddeji. Kan ati aman dertin po? Martan anin a do’ng gametin, “O, Gamang! hen kanate dertenai aman na Kitungan a-onan Messian.”

Ansaring Merin dayaraiten. Bar jisun a jingba anin turdumle gameten, “E Gamang, bogad aman tidne dakulamanden u-bba hen akahide badih.” Jisun anin a do’ng ualle gametin, “amben Lajaran ado’ng u-an a dakkule?” Aninji gadlamle gamleji, “tariltillung lingan. Yirai ageijja. Ansaring Jisun e-danetin.

Kun tariltillungan bo lunggaran na kun at’odlung lingan bo a rengan ranuban dele. Anganti Jisun tariltillungban arduaitin, aninji a do’ng gametin, “arenggan debba.” Bindo Martan anin adong gametin, “inrang kahidan kahidle unji dinna deli. Do kan ati so’li.

Jisun anin ado’ng abyar biretin, “hen dongnam adnopunglam po bogad aman mangling hen dirrinanden Kitungan aranapti gijte?” Saliten aninji arengan kudleji.

Bar Jisun ruangan a langka mukkale gameten, “E u-ang aman Berna hen amdangle asan sentam. Hen galam bernahen ditordong aman a mdangte, bindo tidne a tanangan a onla maranji sayambin asan hen kan ate opinglai yante gamle aman a ppailih anti ati aninji rapti dirtinji.” Ansaring Jisun uai saranggan batte guetin, E Lajar Dunglin yierai!”

Bar Lajaran dunglin yiraitin! Sindrikaban batti anin abanolod dungnaitin. Jisun aninji a do’ng gametin, “Kun sindrikaban tabba do anin adong urba!” Kun arubmang baran batti ateng Jiudinji Jisun amanglingan derrenji.

Bar Jiudinji aderna badloyim maranji loinle Jisun a do’ng a sanggemlaji, bar aninji rukkuan rukkulin yan gamle Jisun do Lajaran tuabbin deti anti asan osbalinji.