28. Bitti Danggardan Anabhana mar

Bo dinna, bo bitti danggardan anab hanamar Jisun amang ban yerre ualetid, “Bangsa hanghang mar, ir-ahiddan amandrengna ahangbin asan hen itin lumai? Jisun anin ado’ng gameted, “Bansa hanghang mar gamle aman iten asan do’nghen gudinglih? Bo mandran satan bangsa maran daku, anti ati Gamangtungan. Bindo bogad aman ir-ahindan amandrengnan a hangbin itsumlenden, Kitungan a banai biran mania.”

“Uan ate hen mania? Anin ualetid. Jisun jalangle gametid, “Tuab mardong ne, Jundarda baran lumdo’ng, Jumbwrdo’ngne, Jolda birdo’ngne. U’anam do yangnam abgugua, do engale aman timyimdamtin kun ambrij toi toi si’ng marnam ado’ng timyima.”

Bindo kun dangarda gametid, “Hen pandrasij hen saring kan a kuddub anosoi biranji manilai. Ir-ahid mandrengnan a’hangbin asan hen itin lumai? “Jisun anin ado’ng tumyimle gij gijjetid.

Jisun abyar biretid, “Aman bogad roitad adebin itsumlenden, aman yirra do bitti damnam timle banagi maranji ado’ng tiya, Do aman apsele Ruang lingan bittin iyte hange. Ansaring yerai do donghen sandungih.”

Anganti Jisun a birna dangardan amdangentid, Anin boi boi duka dagi deli itin asan gamlenden anin boi boi biti mar dakuli do anin a kuddub bittin umdrengbin asan ad’nitsumed. Anin Jisun amang saring dayare yirretid.

Ansaring Jisun a hanangna maranji ado’ng gametid, “Kan ati jardihna gamang maran Kitungan arajam aganbin asan boi boi kalkaldam! Kan ati hadab Sunsin apatud lingan Sisbongdan ganle ayirbin boi boi rojoldam bindo gamang maran Kitungan arajaman rapti adgane.

Anganti hanangna maranji Jisun a birna amdangleji, Aninji kilkal kilamgi deleji. Aninji gamleji, “Bogad kan ati kan ambrij den, Kitungan butin ado’ng rabrabte?”

Jisun hanangana maranji ado’ng gijle gametidji, “Mandran aninji daman a rabrabdamnabin tungnatid. Bindo Kitungan sanle ite janang ir-tungnatid.

Pitoron Jisun ado’ng gametid, “Anlen hanangna maranji kuddub umdrengle aman a sadunglam. Uhul kuijlen iten daku?”

Jisun jalangle gametid, “Buti buti si’ngbin, buhangbinji, tonanbinji, u’abin, yangbin, onbinji, orde bittibin hen asan a omdrengle bo sua saring awr uhulkuijan a hangte do ir-ahidan amandrengnan janang a hangte. Bindo abmang maranji juluteji, do julu maranji abmangteji.”