4. Maganu Abirihaami Ledo Eino Gondooro

Baote wayi dayihunni lowo diri gedensaanni mannu galagale baattote aana bati’ri. Baalunku mitto afoo coyidhanno. Maganu hajajinonsa garinni baattote aana hala’la agurte mitteenni gamba yite katama mi’nitu.

Insano lowo geeshsha naaxxaleeyyetenna Maganu coyi’rino coye diqorophitinoreeti. Qolteno gordo iillate seeda mine mina hanaffino. Maganuno kuni manni bunshe loosinotanna higa giwinota lai. Hakkiinni saino cubbono loosa dandiitanno deerrira no.

Kunnira Maganu afoonsa batinyu addi addi afiira soorre manna kalqe baalate billaallisino. Loosa hanaffino katami su’ma Baabilooni yinanni. Hatto yaa <<Burduuqamate>> woy <<Gara hawate>> yaate.

Xibbuu diri gedensaanni Maganu Abiraami yinanni manchira coyi’ri. Maganu, <<Gobbakkinna ayiddekki agurte ani leellisheemmohe gobba ha’ri. Hakkiicho maassi’reemmohe. Low gosa asseemmohe; su’makkino jawa asseemmo; maassidhannohere maassi’reemmo; runtannohere rumeemmo. Atenni kainohunni baattote aana noo manni baalu maassamanno.

Abiraamino Maganoho hajajami; galtesi Soora, soqqamaanosi baalanna jajjasi baala adhe Maganu leellishannosita Kana”aani gobba ha’ri.

Abiraami Kana”aani iilli yannara Maganu, <<Qooxeessakki baala lai; la”atto gobba baala ateranna sirchikkira iqqa asse eemmo>> yiinosi. Abiraamino hatte gobbara hee’ri.

Mitto barra Abiraami Melketsedeqi yinannihunni jawu Maganunnihu Qeesootu Roorrichinni xaadi. Melketsedeqi Abiraami, <> yee maassi’risi. Abiraamino Melketsedeqira noosihu baalu giddonni tonnikkiha uyi.

Lowo diri sai geeshsha Abiraaminna Soora ila afi’rikkinni hee’rino. Maganu Abiraamira xaano hexxo uyisi. Ila afi’rannotanna sirchisino gordu beeddahe gede bati’rannota kulinosi. Abiraami Maganu uyino hexxo ammani. Abiraami Maganu uyino hexxo ammanino daafira keeraanchoho yine kiirrisi. Maganu Abiraami ledo gondooro ei. Gondooru lame ragaanni noori kalaqidhanno sheemaateeti. Maganu Abiraami, <<Guluchikki giddonni ila eemmohe>> yiinosi. <<Sirchikkirano Kana”aani baatto eemmo>> yiino. Abiraami kayinni hatte yannara ila diafi’rino.

Maganu Abiraami ledo gondooro ei. Gondooru lame ragaanni noori kalaqidhanno sheemaateeti. Maganu Abiraami, <<Guluchikki giddonni ila eemmohe>> yiinosi. <<Sirchikkirano Kana”aani baatto eemmo>> yiino. Abiraami kayinni hatte yannara ila diafi’rino.