39. Yesuusa Yoote Shiqishshusi

Xa yanna hashshu taalooteeti. Qeesootu Roorrichi xa’masira gaaddo Yesuusa haadhe minisira massitusi. Pheexiroosi xeerti’re ha’runsanni no. Yesuusa qeesootu Roorrichi minira eessitusita, Pheexiroosi gobbaanni gate giira giwaa’ranni no.

Mine Ayihudete sooreeyye Yesuusa yoote shiqishshino. Beebba coyidhannore kaphu naqaashshe haadhe abbitu. Ikkollana, qaalinsa mimmitu ledo dixaadino; Kunnira, Ayihudete sooreeyye Yesuusi sao assinoronna hooginoro buuxateqarrantu.

Goofimarchoho, Qeesootu Roorrichi Yesuusa qixxi asse lae, <<Hanni kulinke ati Buuramootto Moote Maganu Beettooti?>> yiisi.

Yesuusi, <<Aneeti; Maganu ledo ofollannanna gordunni daanna la”atto>> yiisi. Qeesootu Roorrichi hanqe uddanosi dare woloota amma’note sooreeyye, <<WoleNaqaashshe dihasiissanno! <Ani Maganu Beettooti> yaanna macciishshitinoonni. Xa mayitinanni?>> yee canci.

Ayihudete sooreeyye baalunku, <<Reya hasiissannosi!>> yite Qeesootu Roorrichira dawartu. Hakkunni gedensaanni albasi fugge, anja tuffusi; gantusi; qacifattusi.

Pheexiroosi gobbaanni galaalchanni hee’reenna mine soqqantanno beetto la’e,<<Atino Yesuusi ledo noottoho!>> yitusi. Pheexiroosi ise yitinota diammanino.Hakkunni gedensaanni wole soqqamaanchono dagge hattonni yitinosi; Pheexiroosi xaano diammanino. Goofimarchoho mannu, <<Lamunku Galiilunnire ikkitinoonni daafira atino Yesuusi ledoha ikkakki anfoommo>> yitu.

Hakkunni gedensaanni Pheexiroosi, <<Konne mancho egennoommoha ikkiro Maganu rumo iillitoe!>> yee xaari. Hakko mereero lukkichu boroodi; Yesuusi caaqqi yee Pheexiroosi lai.

Pheexiroosi ha’re hururame wi’li. Tenne giddo Yesuusa sayise uyi Yihudi Ayihudete sooreeyye Yesuusi reyanno gede yoo yitinota afi. Dadillu egemmeennasi ha’re qalxi’re reyi.

Layinki soodo guto Ayihudete sooreeyye Yesuusa haadhe Roomu gashshaanchiwa massitu. Philaaxoosi sao noosi yee reyanno gede assanno yite heddino. Philaaxoosi Yesuusa, <<Ati Ayihudete mooteetiini?>> yee xa’misi.

Yesuusi daware, <<Atinni diyiitto; ikkollana gashshooti’ya tenne baattoha di”ikkino. Hatto ikkoommero, soqqamaano’ya gaarantannoe. Maganu daafira halaale coyi’rate tenne gobba dayommo. Halaale baxannohu baalu ani yeemmoremacciishshanno>> yii. Philaaxoosi qole, <<Halaalu maati?>> yii.

Philaaxoosi Yesuusi ledo hasaawihu gedensaanni mannunniwa daye, <<Kunni manchi aana mitte saono diafoommo>> yii. Ayihudete sooreeyye kayinni, <<Suti!>> yitanni cancitu. Philaaxoosi kayinni, <<Sao dinosi>> yee dawarinsa.Insa kayinni ledde cancitu. Hakkunni gedensaanni Philaaxoosi sayikkimeeshsho, <<Sao dinosi>> yii.

Philaaxoosi mannu cancamanno yee waajjino; kunnira Yesuusa suttanno gedeGaaddo hajaji. Roomu gaaddo Yesuusa gante duume uddanno uddisiissinosi;utu ba’latto umoho wortinosi. Hakkunni gedensaanni, <<Kuneeti, Ayihudete moote!>> yitanni qacifattusi.