24. Yohaannisi Yesuusa Cuui

Zakkariyaasinna Elsaabeexi beetti Yohaannisi lophe himanaancho ikki. Halallitte gobbara hee’rino; godu malawonna kanchafare saga’lino; gaalu ordanni gannoonni imaana uddi’rino.

Lowo manni Yohaannisi yaannore macciishshate halallira dayi. Isi,<<Maganu Gashshooti gambisinona aagiintaabbe>> yee kulino.

Mannu Yohaannisi sokka macciishshe, rooru manni cubbonsa ifaaxxi; Yohaannisi cuuinsa. Haammatu amma’note sooreeyyeno Yohaannisi cuuansara daggu; ikkollana diaagintaabbino woy cubbo di”ifaxxitino.

Yohaannisi amma’note sooreeyyera, <<Ki’ne buutete ooso! Aagintaabbine looso’ne soorridhe. Dancha guma laalannokki haqqicho murre giirate tunganni>> yiinsa. Himanaano Yohaannisi, << <Kune doogo seekkannoha sokkaancho’ya alba qole soyemmo> yiino>> yite himantino himana wonshi.

Mite mite Ayihude Yohaannisi Buuramino Moote ikkinoronna hooginoro xa’mitino. Yohaannisi, <<Ani Buuramino Moote di”ikkoommo; ane gedensaanni kayinni mittu daannohu no. Isi rooreho. Ani koattesi suncho nafa tirate di”ikkoommoho.

Aane noo barra Yesuusi cuuasira Yohaannisiwa kae dayi. Yohaannisi iso afe, <<Kune la’e! Kalqete cubbo hoolannohu Maganu wilii’lichi Isooti!>> yii.

Yohaannisi Yesuusa, <<Ani ate cuuate maloommoha di”ikkoommo. Hatteentenni ane ati cuuie>> yii. Yesuusi kayinni, <<Kuni assate hasiisino coyetina ati ane cuua hasiissannohe>> yii. Kunnira Yesuusi horonta cubbo loosinokkiha ikkirono Yohaannisi Yesuusa cuuinosi.

Yesuusi cuuamihu gedensaanni wayi giddonni fuli; Maganu Ayyaani lemboolidaninni leellanni dirre aanasi ofolli. Hakko mereero Maganu huuro gordunni, <<Baxeemmohehu beetti’ya ateeti; atenni lowo geeshsha tashshi yaannoe>> yitanni daggu.

Maganu Yohaannisira, <<Qullaawu Ayyaani dirre ate cuuattohu aana ofollanno.Isi Maganu Beettooti>> yee coyi’rinosi. Mittu Magani callu no.Ikkollana Yohaannisi Yesuusa cuui yannara, Maganu Annu coyi’ranna macciishshi. Magano Beetto afino. Hakku Yesuusaati. Qullaawa Ayyaanano laino.