22. Yohaannisi Ilami

Maganu sokkaasinetenna himanaanote widoonni mannaho balaxe coyi’rino. Ikkollana insa widoonni qole coyi’rikkinni 400 diri saino. Mittu sokkaasinchi hedeweelcho Zakkariyaasi yinannihuwa geerchu qeesichiwa Maganu sokka haa’re dayi. Zakkariyaasinna galtesi Elsaabeexi Magano waajjannoreeti. Ikkollana ise ooso ila didandiitino.

Sokkaasinchu Zakkariyaasira, <<Galtekki labbaa qaaqqo iltanno. Su’mano Yohaannisi yaattosi. Isira Qullaawu Ayyaani wo’mannosi; mannano Buuramino Mootera qixxeessanno!>> yiisi. Zakkariyaasi, <<Aninna galte’ya ooso ilate geedhinoommo! Kuni coyi ikkannota mayinni afeemmo?>> yee dawari.

Sokkaasinchu Zakkariyaasira, <<Tenne sokka abbeemmo’ne gede Maganu soyinoe. Ammanoottokki daafira qaaqqu ilama geeshsha coyi’ra didandaatto>> yiisi. Hakkawoyintenni Zakkariyaasi danqicha ikki. Hakkunni gedensaanni Zakkariyaasi minira ha’ri; galtesino godobbu.

Elsaabeexira lee agani godowinni heedheenna, hakku sokkaasinchinni hedeweelcho Elsaabeexi fiixa ikkitinotewa Maariyaamiwa dayi. Ise seemo ikkitino daafira Yooseefi yinanni manchira mine assi’rate huuccante no. Sokkaasinchu, <<Godowatta; labbaa beettono ilatta. Su’masino yaatta. Iso, yinanni. Hegere gashshaancho ikkanno> >> yii.

Maariyaami, <<Ani seemote; kuni coyi hiitto ikke ikkanno?>> yite dawartu. Sokkaasinchu, <<Qullaawu Ayyaani atewa daanno; Wo’munkura Aliidihu wolqa caalshiishshannohe>> yee xawisise. Maariyaami ammantu; sokkaasinchu yiinoreno adhitu.

Sokkaasinchu Maariyaamira coyi’rihu gedensaanni hakkawoyintenni Elsaabeexi keere haadhara hadhu. Elsaabeexi Maariyaami keere macciishshitanni heedheennanni godowisera noo qaaqqi kubbi. Meentu Maganu assino coyira ledose hagiidhi. Maariyaami Elsaabeexi ledo sase agana keeshshituhu gedensaanni galagalte kaera hadhu.

Elsaabeexi labbaa beettose iltuhu gedensaanni, Zakkariyaasinna Elsaabeexi Sokkaasinchu hajajinonsa garinni qaaqqoho su’ma Yohaannisi yitu. Hatte yannaraMaganu Zakkariyaasi galagale coyi’ra dandaanno gede assisi. Zakkariyaasi,<<Mannasi qaaginona Maganu galatamo! Ati beetto’ya, mannu cubbinsara maaro afi’ranno gara kulattora Wo’munkura Aliidi Magani himanaancho ikkatto>> yiinosi.