11. Agure Sa”ate Ayyaana

Israeeloota agurannokkiha ikkiro mannunniha umo ilaminohanna saadanniha umo qalaminoha baala shaannota kule Feriooni qorophisiisino. Feriooni konne coyeno macciishshe ammananna Maganohono hajajama giwi.

11. Agure Sa”ate Ayyaana — illustration 2

Maganu Iso ammaninosi baalita umi ila gatisate doogo qixxeessino. Mitte mittenti maate muso afi’rinokki wilii’licho doorte gorridhino.

11. Agure Sa”ate Ayyaana — illustration 3

Maganu Israeelootaho wilii’lichu mundee mininsa waalchira ga’nitanno gede, maalano du’rishshe shiishikkinni gannoonni timi ledo rakke ittanno gede kulinonsa. Ittanno woyiteno Gibitsetenni fulate qixxaabbanno gede kulinonsa.

11. Agure Sa”ate Ayyaana — illustration 4

Israeelootu wo’manka coye Maganu hajajinonsa garinni assitu. Hashsu wa’rakkara Maganu Gibitse baalate giddoonni sa”anni umiha baala shii.

11. Agure Sa”ate Ayyaana — illustration 5

Israeelootu minna baalate waalchira mundee ganneenna no; kunnira Maganu agure sai. Hatte minna giddo noo manni baalu gati. Israeelootu wilii’lichu mundee widoonni higge gattino.

11. Agure Sa”ate Ayyaana — illustration 6

Gibitsootu kayinni Magano diammantino; hajajosino diwonshitino. Kunnira Maganu minnansa agure disaino. Maganu Gibitsootunniha umiha baala shiino. .

11. Agure Sa”ate Ayyaana — illustration 7

Usuru mine noohunni kayise Ferioooni mine noohu geeshsha mittu mittunku Gibitsennihu bayiru beetti reyino. Manchitu bati’reennansa Gibitsennihu lowo manni kooce wi’li.

11. Agure Sa”ate Ayyaana — illustration 8

Hakko hashshanni Feriooni Musenna Aarooni woshshe, <<Israeeloota haadhine xaanni hadhe>> yii.

Qullaawu Maxaafi Dhagge:- Fulo 11:1-12:32

Read in the reader

Free to use, adapt, and share under an open license (CC BY-SA 4.0).