10. Tonne Qoomama

Musenna Aarooni Feriooniwa marte, <<Israeelete Magani yiinohe>> yitu. Feriooni kayinni dimacciishshino. Israeelootu keere flute hadhanno gede assa agure daafursanno looso loossanno gede wolqa assinonsa.

Feriooni manna diagureemmo yaasi diuurrisino. Kunnira Maganu Gibitsete aana tonne qoomama soyino. Maganu tenne qoomamma widoonni qole Feriooninna Gibitsete maganna baalatenni roore ikkinota Ferioonira leellishinosi.

Maganu Abbayi Waa mundeete soorri. Feriooni kayinni xaano Israeeloota diagurinonsa.

Maganu Gibitsete aana beche’naama soyi. Feriooni Muse beche’naama hoolannosi gede huucci’rino. Ikkeennano hoogeennano beche’naama reyite Gooffino. Feriooni kayinni wodanasi dilleesse Israeeloota Gibitsetenni fula diuyino.

Kunnira maganu biinne soyi. Aanche teenne soyi. Feriooni Musenna Aarooni woshshe qoomamu uurriro Israeelootu Gibitsetenni fula dandiitannota kulinonsa. Muse huuccita Maganu teenne baalanka Gibitsete baattonni hoolino. Ikkollana Feriooni wodanasi dilleesse manna ha’rara diagurino.

Aanche Maganu Gibitsootu saada baala dhiwante reyitanno gede assi. Ikkollana Feriooni wodani dillaaweenna Israeeloota diagurino.

Hakkunni gedensaanni Maganu Musera Feriooni albaanni buluulo iima qole fincanno gede kulinosi. Buluulo fincita Gibitsootu aana dhibbanno mada kalaqantu. Israeelootu aana kayinni dikalaqantino. Maganu Feriooni wodana dilleesseenna Israeeloota diagurino.

Hakkunni gedensaanni Maganu Gibitsete nooha rooriidi jajja huntannotanna minira e’inokki saada baala guddanno kaade soyi. Feriooni Musenna Aarooni woshshe, <> yiinsa. Kunnira Muse Magano huucci; dirritanni noo kaadeno uurritu.

Feriooni kayinni xaano cubbo loosi; wodanasino dilleessi. Israeelootano diagurino.

Kunnira Maganu Gibitsete aana kanchafaru biite soyi. Kuni kanchafari kaadetewiinni gatino jajja baala gudi.

Hakkunni gedensaanni Maganu sasu barri tunsicho soyino. Gibitsootu mininni fula hoogga geeshsha digimmi yee tunsino. Israeelootu noo qachi kayinni xawe no.

Kuri honsu qoomami gedensaanni nafa Feriooni xaano Israeeloota diagureemmo yiino. Feriooni macciishsha giwinohura Maganu mittu jeefote qoomama soyate hirqino. Kuni Feriooni hedo soorranno.