28. अमीर जवान अधिकारी

एक दिवस, एक अमीर जवान अधिकारी न यीशु को जवर आयसारि ओको सीन पूछिस, “अ ऊत्तम गुरु, हमेशा को जीवन पावन लाईक मोला का करणों पड़े ?” यीशु न ओको सीन कहीस, “तू मोला ऊत्तम कायला कसेस? मात्र एकच ऊत्तम से अखिन ऊ परमेश्वर से | पर अगर तोला हमेशा को जीवन पावनों से त परमेशवर को व्यवस्था ला मान | ”

“ मोला कौन कौन सो आज्ञाहिन ला मान की जरूरत से ? ” वन पूछिस | यीशु न जवाब देईस , “ हत्या नोको करजो | व्यभिचार नोको करजो | चोरी नारी नोको करजो | झूठ नोको बोलजो | आपरो बाप अखिन माय को आज्ञाहिन ला मानजो , अखिन आपरो पड़ोसी ला आपरो वाणी प्रेम करजो | ”

पर वन जवान आदमी न कहीस , “ मी आपरो लाहानपन पासून नच एन पुरो आज्ञाहिन ला मानत आईसेव | मोला हमेशा को लाईक जिनदो रवण लाईक आता भी काई करण की जरूरत से ? ” यीशु न ओला देखिस अना ओकोसीन प्रेम करिस |

यीशु न जवाब देईस , “ अगर तू सिद्द होन ला चाव्हसे त जायसारि आपरो सपाई चीजहिन ला बिक सारी ऊ धन गरीबहिन ला देए दे , अखिन तब तोला स्वर्ग मा धन मिले | तब आए सारी मोरो मंग होय जाय | ”

जो यीशु न कहीस जब वन जवान आदमी न आयकिस त ऊ बहुत उदास भय गएव , काहेकी ऊ बहुत धनी होतो अखिन वन आपरो पुरो जमापुंजी ला देनला नहीं चाव्हत होतो | ऊ लोवट सारी यीशु को जवर लक चली गएव |

तब यीशु न आपरो चेलाहिन सीन कहीस , “ परमेश्वर को राज्य मा धनी लोखहिन को प्रवेश करणों बहुत मुसकिल से ! हव , एक धनी आदमी को परमेश्वर को राज्य मा प्रवेश करन की तुलना मा कोई ऊंट को सुई को नाक मालक निकल जानो सहज से | ”

जो यीशु न कहीस चेलाहिन न आयकीन त वय चकित भयगा | ऊन कहीन , “ अगर यव असो से त परमेश्वर कोनला बचाए ? ”

यीशु न चेलाहिन कर देखिस अखिन कहीस , “ लोखहिन को लाईक खुद को उद्धार करणों मुश्किल से | पर परमेश्वर लाईक काही भी करणों मिश्किल नाहाय | ”

पतरस न यीशु सीन कहीस , “ आमी चेला आपरो सब काई ला छोड़ सारी तोरो मंग आया सेजन | त आमला का मिले ? ”

यीशु न जवाब देईस , “ सपाई जन जेन मोरो वजह लक घर , भाई , बहिन , बाप , माय , लेकरू , या जमापुंजी ला छोड़ , ऊ ओको मा 100 गुना जादा वोला मिले अखिन हमेशा को जीवन भी मिले | पर बहुत सा जो पहेले सेती वय मंग होय जायेत , अखिन बहुत सा जो मंघ सेती वय पहेले होए जायेती | ”