29. निर्दयी नवकर की कहानी

एक दिवस , पतरस न यीशु सिन पूछिस , “ अ स्वामी , मोला आपरो भाई ला केतरो बार माप करणों से जब ऊ मोरो बिरुद पाप करेत ? का सात बार वरी ? ” यीशु न कहीस , “ सात बार नहीं, पर सात को सत्तर बार!” एको लका , यीशु को कव्हनों से की आमला हमेशा माप करतो रहे पाहिजे | तब यीशु न यन कहानी सागीस |

यीशु न कहीस , “ परमेश्वर को राज्य एक राजा को जसो से जो आपरो दास सीन लेखा लेनला चाव्हत होतो | ओको एक दास 2,00,000 सालहिन की मजदूरी को एक मोठों कर्ज को कर्जदार होतो | ”

पर ऊ दास आपरो कर्ज ला देय नहीं सिकिस , एकोलाईक राजा न कहीस , “ एको कर्ज ला देन लाईक एन आदमी ला अखिन एको परिवार ला नवकर को रूप मा बिक देव | ”

“ वन दास न राजा को सामुर आपरा टोघराहिन पर पढ सारी कहीस , ‘ कूपया मोरो पर दया कर , अखिन मी आपरो कर्ज की पूरो रकम को भुगतान कर देऊ |’ राजा न दास पर दया करिस , एकोलाईक वन ओको पुरो कर्ज ला माप कर देईस अखिन ओला जान देईस | ”

“ पर जब ऊ नवकर राजा को जवर लक बाहेर गएव , त ओला ओको एक संगी नवकर मिलेव जो ओको चार महिना मजदूरी को कर्जदार होतो | वन नवकर न आपरो संगी नवकर ला धर लेईस अखिन कहीस , ‘ जेव तोरो पर मोरो कर्ज से मोला ओको भुगतान कर ! ”

“ वन संगी दास न ठोगराईन पर पड़ सारी कहीस , ‘ कृपया मोरो पर दया कर , अखिन मी आपरो कर्ज को पुरो रकम को भुगतान कर देऊ | ’ पर एकोअलावा , वन दास न आपरो संगी दास ला जेलखानों मा ढाक देईस जब तक की ऊ कर्ज को भुगतान नहीं कर देए | ”

“ जो काही भएव होतो ओला काई दूसरा नवकरहिन न देखिन अखिन वय बहुत परेशान भया | वय राजा को जवर गया अखिन पुरो काई सांगीस | ”

“ राजा न वन दास ला बुलाए कर कहीस , ‘ अ दुष्ट नवकर ! मीन तोरो कर्ज ला एकोलाईक माप करेव होतो का काहेकी तुन मोरो लक विनती करेव होतोस | त तोला भी तसोच करणों होतो | ’ राजा एतरों गुसा मा होतो की वन ओला दुष्ट नवकर ला जेलखानों मा डाक देईस जब वरी की ऊ आपरो पुरो कर्ज ला वापिस भुगतान नहीं कर देए | ”

तब यीशु न कहीस , “ मोरो स्वर्ग मा बसेव बाप तुमारों मालक एक को संग यवच करे अगर तुमि आपरो भाईहिन ला आपरो ह्रदय लक माप नहीं करो त | ”