៤-ការតាំងសញ្ញារបស់ព្រះជាមួយលោកអ័ប្រាហាំ

ច្រើនឆ្នាំកន្លងទៅបន្ទាប់ពីគ្រាទឹកជំនន់ មនុស្សក៏ចាប់ផ្តើមកើតមានកាន់តែច្រើនឡើង ម្តងទៀតលើផែនដី ហើយ

កាលនោះមនុស្សប្រើប្រាស់ភាសាតែមួយទេ។ មិនតែប៉ុណ្ណោះជំនួសអោយការស្តាប់បង្គាប់ព្រះ ដែលទ្រង់បានបញ្ជា

អោយចេញទៅនៅពាសពេញផែនដី មនុស្សបានប្រមូលគ្នាមកតែមួយដើម្បីសាងសង់ទីក្រុងមួយ។

ពួកគេចាប់ផ្តើមមានអំណួតលើខ្លួន​ឯងកាន់តែខ្លាំងឡើងៗ ហើយបានរួមគ្នាសាងសង់ប៉មមួយ ដែលមានកំពស់

ខ្ពស់ដើម្បីទៅដល់ស្ថានសួគ៌ ទាំងមិនបានអើពើពីព្រះបន្ទូលរបស់ព្រះនោះឡើយ។ ព្រះទ្រង់បានទតឃើញថា

បើគេរួមគ្នាធ្វើការអាក្រក់ នោះគេនឹងប្រព្រឹត្តអំពើបាបបានកាន់តែច្រើនឡើងៗ។

ដូច្នេះព្រះបានផ្លាស់ប្តូរភាសារបស់គេអោយមានភាពខុសប្លែកពីគ្នា ហើយបែងចែកគេអោយរស់នៅគ្រប់ទាំង

តំបន់ពាសពេញផែនដី។ ហើយឈ្មោះទីក្រុងដែលគេបានចាប់ផ្តើមសាងសង់នោះមានឈ្មោះថា បាបិល

ដែលមានន័យថា “ភ័ណ្ឌច្រឡំ”។

រាប់រយឆ្នាំក្រោយមក ព្រះបានមានបន្ទូលទៅបុរសម្នាក់ឈ្មោះ អាប់រ៉ាមថា៖ “ចូរចាកចេញពីទឹកដី និងក្រុមគ្រួសារ

របស់ឯងទៅ ហើយឆ្ពោះទៅកាន់កន្លែងមួយទៀតដែលអញនឹងបង្ហាញដល់ឯង។ អញនឹងប្រទានពរដល់ឯង

ហើយអោយឯងក្លាយជាប្រជាជាតិមួយដ៏ធំអស្ចារ្យ។ អញនិងធ្វើអោយឈ្មោះឯងល្បីរន្ទឺ។ អញនឹងដាក់បណ្តាសារ

ដល់អ្នកណាដែលដាក់បណ្តាសារដល់ឯង ហើយប្រទានពរដល់អស់អ្នកណាដែលអោយពរដល់ឯង។

គ្រប់ទាំងគ្រួសារនៅលើផែនដីនឹង បានពរដោយសារឯងដែរ។”

ដូចច្នេះ អាប់រ៉ាមក៏ស្តាប់បង្គាប់ព្រះជាម្ចាស់។ គាត់បាននាំប្រពន្ធរបស់គាត់ សារ៉ាយ ព្រមទាំងបាវបំរើ និងរបស់

ទ្រព្យទាំងអស់របស់គាត់ ចាកចេញពីស្រុកកំនើត ហើយឆ្ពោះទៅកាន់ទឹកដីដែលព្រះបានបង្ហាញគាត់ គឺជាទឹកដីកាណាន។

នៅពេលដែលអាប់រ៉ាមបានមកដល់ទឹកដីកាណាន ព្រះមានបន្ទូលទៅគាត់ថា៖ “ចូរមើលជុំវិញខ្លួនឯងទៅ! អញ

នឹងអោយឯង និងពូជពង្សឯងនូវទឹកដីដែលឯងមើលឃើញនេះជាមរតក។” បន្ទាប់មកគាត់ក៏រៀបចំបោះទីតាំងនៅទីនោះទៅ។

ថ្ងៃមួយ អាប់រ៉ាម បានជួប ម៊ិលគីស្សាដែក ដែលជាសង្ឃរបស់ព្រះដ៏ខ្ពស់បំផុត។ ម៊ិលគីស្សាដែក បានអោយពរទៅ

អាប់រ៉ាមហើយនិយាយថា៖ “សូមអោយព្រះដ៏ខ្ពស់បំផុត ជាម្ចាស់នៃផែនដី និងស្ថានសួគ៌ ទាំងមូល ប្រទានពរដល់

អាប់រ៉ាម។” បន្ទាប់មកអាប់រ៉ាមយក មួយភាគដប់នៃចំណែកទ្រព្យដែលគាត់មានអោយទៅ ម៊ិលគីស្សាដែកទៅ។

ជាច្រើនឆ្នាំកន្លងផុតទៅ អាប់រ៉ាម និងសារ៉ាយនៅតែមិនទាន់មានកូនទៀត។ ព្រះបានសន្យាមកគាត់ម្តងទៀត

ថាគាត់នឹងមានកូនប្រុសមួយ ហើយគាត់នឹងមានពូជពង្ស ជាច្រើនដូចជាផ្កាយនៅលើមេឃ។ អាប់រ៉ាមបានជឿ

លើការសន្យានោះ។ ព្រះបានប្រកាសថា អាប់រ៉ាមជាមនុស្សសុច្ចរិតដោយព្រោះគាត់បានជឿលើសេចក្តីសន្យារបស់ព្រះ។

បន្ទាប់មកព្រះបានតាំងសញ្ញានឹងអាប់រ៉ាម។ ការតាំងសញ្ញាគឺជាការព្រមព្រាងមួយរវាងពីរភាគី។ ព្រះមានបន្ទូលថា៖

“អញនឹងអោយឯងមានកូនប្រុសមួយ ជាកូនឯងផ្ទាល់ ហើយនឹងអោយទឹកដីកាណានទៅពូជពង្សឯង។” ប៉ុន្តែអាប់រ៉ាម

នៅតែមិនទាន់មានកូនមួយដដែល៕