30. Yesuusi Uuche Hume Asheena'oyin Maanjjo

Yesuusi mishiraachee qaaroon boonoshi gettemmoyich meeti gafeena'ooch bi dabbeena'o daachiihe. Yesuusi beetooch Boonoshi wotteehoba, boonoshi tuniiton biich gettiyeete. Arooye gubb baharoon kimiree cookoo aalli xaa'ooch biinna tookki boonoshi hammemmonaa giishechoon boonoshi kasheemmonoyich ataalliye. Ebich marikaboona baharoon kimmiiyeete.

Tunebaani Yesuusinaa bi dabbeena'ona marikaboona boonoshi hammii beeta beeggitina'o meeti asheena'one. Eboshi asheena'o boonoshin shiichiya bahare gashoona woceheete. Ebich Yesuusinaa bi dabbeena'ona aachee baqach boonoshi shaggimmona, meeti asheena'o shiichii shaggii'i arooch quyee beeheete.

Maachoonaa bushiishoona giyaanoon 5000'ye beshe anaamina'o arooch kiceeheete. Yesuusi asheena'oyich oogeton ariqqeehe. Yesuusich ebi asheena'o qiddaalli bagoommina'one. Ebich boonoshin dojjii boonoshi daggooch beeti biiyechina'onoo wodiihe.

Aroobee xum bi dabbeena'o biich ishichii'i gettiyeete, “No beeto gafoo aalli xaa'oochiye; andoo showoo xumetone. Ebich hini dofee asheena'on boonoshi maayemmon boonoshi kememmoyich diggiiree daachiibe!” iyeete.

Tunetaa Yesuusi wochi'i, “Hammaayeete; ittoshi maanjjibote!” iye. Boonoshiyoo, “Hiniich nooch beeto uuche xeke koshonaa gutte haashoona baachiye” iyeete.

Aaachi aachoo tuneeree asheena'on gaddooch boonoshi kotiyeemmon bi dabbeena'oyich gettiye.

Aroochee Yesuusi uuche xeke koshonaa gutte haashoonon tiijjii yechi'i, shimaajj ciinniichii Yeerin galletehe.

Aroochee Yesuusi Koshonaa haashoonon tiichi'i bi dabbeena'oyich immiye. Boonoshiyoo daammi'i asheena'oyich qoomeheete. Asheena'o bulliyoo maa'i michiyeete.

Aroochee bi dabbeena'o echeti kochi ooyoon aaraa gutte ogooge mokoona ceechi'i tiijjiyeete. Ebi bulli maayo bi abbeteto uuche koshonaa gutte haashoonoocheeniye.