29. Maaraalli Guunochi Kiino

Arooba Pheexiroosi Yesuus waan gidde'i, “Ta Doonocho! Ta manoo taan bi xu'i gaata, ambiche wottooniye biin ta maaremmo? Shabaatte wottoon maaribota?” iye. Yesuusiyoo wochi'i ishichiye:- “Shabe wottaa shabaatte kaalloonani, ‘Shabaatte wottoon baach maaribe!’ getaache” iye. Yesuusi ebin bi iyito bulli aaboon no maaremmoyichiye. Arooche Yesuusi hini kiinoon gettiye.

Yesuusi ishichiye, “Illa shimaajji taatittine bi gijjeechon bi ukkuriitina'on echeya qaawiti taatoommine. Boonoshi daggoochee ikkoo, aashire hum bede birewoon erettetone.

Ebi uroo bi hiishoon qoco bi mawiitoyich, taatoo “Neennaa ne mecheena, ne bushiishoona, neech beeto bulli kecheeree hini ne maati gijjoon qoce!”i'i gettiye.

“Ebich are uro taatoochi baatooch dihii'i, ‘Ta Doonocho! Haa'iibe! Bullin qoccemmo taane’ ii qollehe. Taatoo are uroyich oogichii ariqqee'i gawukkiye; bi eretteti gijjoonoo maarii qajjiye.”

“Tunebaani are uro kechii hammii bi beetaa, bi waanee awudde agene damooz bede birewoon eretteti bi nuucheena'o daggooche ikkoon dane'i, ‘Ta hiishoon qoce!’i'i bi qettoona yechiye.”

“Ebich bi nuuchoo bi baatooch dihii'i, ‘Haa'iibe! Bullin qoccemmo taane’ ii qollehe. Tunebaani aroo bi hiishoon bi qoccimmi wottoon cuyee kexooch cuchiihe.”

“Bare nuucheena'o tuneti mooyon beeggii'i oogichii ayiniyeete; hammi'ino tuneti mooyo bullin taatoyich gettiyeete.”

“Ebiyee gubb, taatoo are ukkuroon ceeggii'i ishichiye:- ‘Hini gonde ukkuroocho! Taan ne qolletoyich, ne eretteti gijjoo bullin neech qajja'a maaraano taane? Neen maaraa ta qayoommon, ne nuuchoo tuneti are ukkuroyich qayo neech qaawiyaache?’” iye. “Ebich taatoo ippee'i bi eretteti gijjoo bullin bi qoccimmi wottoon ebi are ukkuroon sheeremmina'oyich beshii'i immiye.”

Aroochee Yesuusi ishichiye, “Illa ittoshi ikkiikkoo bi manoon bi mulloochee tiijjii'i maaroo qayi gaata, shimaayeexi ta nihoo ebiyoommon bi toommooch tuniiyemmone” iye.