28. Dargaggeessa Dureessicha

Gaafa tokko dargaggeessi dureessichi tokko gara Yesuusii dhufee, <<Barsiisaa arja’a; jiruu bara baraa dhaaliisaaf, ani maan godhuu qaba?>> jedhee gaafate. Yesuus, <<Ati, <Maaf arjaa> anaan jetta. Arjaan tokko qofattuu jira; innille Waaqa. Ati ammoo jiruu bara baraa dhaaliisa yoo barbaadde, seera Waaqaatiif ajajami>> jedheen.

Inni, <<Seerri kun kam fa’a inni?>> jedhee gaafate. Yesuus deebisee, <<Hin ijjeesin; hin gaarayyeeffatin; hin hatin; dhara hin dubbatin; haadhaa fi abbaa keetiif ulfinna kenni; akkama ifi jaalattu namalle jaaladhu>> jedheen.

Te’uu malee dargageessi sun, <<Ani ijoollummaa tiyyaa jalqabee, seera kana mara muummesseera. Haga bara baraa le’iisaaf waan dhibiille maan godhuu na barbaachisa>> jedhe. Yesuus isa ilaalee jaalate.

Yesuus, <<Ka dhidhinna hin qanne te’iisa yoo barbaadde, waan qaddu mara gurguriitii beesee san worra hiyyeeyyi’iif kenni; ol-gubba’atti galmee hin dhaggatta. Achiin duuba koyiitii na hordof>> jedhee isaaf deebise.

Dargaggeessi sun waan Yesuus dubbate yennaa dhage’e, guddoo dureessa waan te’eef, waan qabu mara kenniisa waan hin barbaadiniif guddoo gadde. Inni fuula ifii Yesuusirra deebifatee deeme.

Yennaa san Yesuus barattoota ifiitiin, <<Worri dureeyyiin gara mootummaa Waaqaa galiisi attam attam rakkisa’a! Ee; dureessi tokko gara mootummaa Waaqaa galiisa irra gaalli qowa lilmo’oo keessa yoo hulluuqe isrra kaso’o>> jedhe.

Barattooti waan Yesuus dubbate yennaa dhage’ane, refatanee, <<Eagasuu eentu fayyuu dande’a ree?>> jedhane.

Yesuus gara barattoota ifii iaalee, <<Wonni kun nama biratti hin dande’antu; Waaqa biratti ammoo hin dande’anti>> jedhe.

Pheexroos, Yesuusiin, <<Nuuti waan mara lakkinnee si hordonneera; nuuti maan dhaggatu’uu jirra ree?>> jedhe.

Yesuus, <<Marroo tiyyaaf mana, obboleeyyan, obboleetota, abbaa, haadha yookiin karra ka lakkise marti dacha dhibba hin fudhata; jiruu bara baraalle hin dhaala. Ammoo warri hedduun amma dura jiru worra duuba jiru hin te'a; worri amma duuba jiru heeduulle worra dura jiru hin te'a>> jedhe.