40. ዬሱሲ ሶቲንቲዴ።

ዎታዳራን ዬሱሳ ጋልዳ ቃልዳፖ ዎሃ ኢያ ሶታንዳብ ኤጚዴ። ፌ ዓይቃዚን ቶካምፔኒ ዎቲዴ።

ዎታዴራን ዬሱሳ «ቆም ጎይስ ጌያ ጼጊንታን ቤሲን ኤሄሪ ኢኩሽንዲኬ ኢ ቶሂን ማስቃላ ጋልዳ ቃቺዴ ዬሱሲ ዎቲናካሬ ታባባዶ ኢንቲ ፌ ዎታዝ ባዚን ኤሪባሴ ኢንታ ኣቶ ጋቤ » ጌይዴ ጲላጦሲ ማላባራ «ኣይሁዳ ካቴ ጋሪ ጻፋሪዬሱሳ ቆማቺን ጋልዳ ማስቃሊን ጋልዳ ጋዳምፔን ኪቲዴ።

ዎታዳራን ዬሱሳ ኣፊልን ጋልዳ ዎልኣ ኢጻ ቃጺዴ። ይኖ ዎቲኖ ኬልምባራ «ኣላፋን ፋጊንቲዴ ታ ኣፊልን ጋልዳ ኢጻ ቃጺዴ» ይዝ ጋዚን ሚን ናቢ ሶሊኖን ፎቲንታዴ።

ዬሱሲ ናምኢ ፋናን ጊዳ ሶቲንቲዴ። ፔታናዲ ዬሱሳ ጋልዳ ቃላዲዴ ሜላዲ «ኣን ኔኒ ጾሳቦ ኢጫባሳ ኑኒ ኢታን ዓ ናሳዲ ኣባካር ኢትባዝ ኢ ጋልዳ ባዬ ጌይዴ ኢናፖ ዬሱሳኮ «ዋዴ ኔ ካቲቲን ጋርታ ታብ ቆፓቤ»ጌይዴ ዬሱሳሬ «ዓታብ ኔ ታባር ዶኣሬ» ጋሪ ማሂዴ።

ኣይሁዳን ቲንዝንኬ ዎርዣ ጊዳ ዎሜላን ኣሳን ዬሱሳ ጋልዳ ቃልዲዴ «ኔኒ ጾሳ ናኢኮ ማስቃልን ፋልዳፖ ሶባራ ኔና ፋቤ ኢናፖ ዎሃ ኔና ኣማናንዳ» ጌይዴ።

ይና ኢዝባራብጋላስ ኣዋ ኮሊ ማቂኔካሬ ላፍባር ዎይቤሲ ኣፎ ሳዝን ዹም ማቃዴ። ጋላስ ኣዋ ኮሊፖ ኤር ሳካል ሳኣታ ዬላር ዹሚኖንዲፌን ጋማኣዴ።

ይኒፖ ዎሃ ዬሱሲ «ፎቲንቲዴ ታባባዶ ቴ ሼምፒን ኔ ኩሽታ ቴ ኢምኔ ጋሪ ዉይሲዴ ኢናፖ ፌ ቆሚን ዴሽ ዎታሪ ፌ ሼምፒን ኢምዴ። ዓይቂኖፖ ሳዚ ኤንኢ ጾሳ ኬ ጋርታ ዎ ዎርዣዲ ጾሳዲኬ ፋጊኖ ጴች ማጋራጂንዳ ኖናፖ ጻና ዬላር ናምኢ ቆቂንታዴ።

ዬሱሲ ፌ ዓይቂን ጎይባር ጾሳኮ ዬምፔኒ ኣሳንቦ ጎይ ፊርቂዴ ዬሱሳ ናጊዛ ዎታዳራን ማቂኖ ባዚን ዎይ ቤቃሪ «ኪንባራ ዓ ናሳዲ ኢ ጋልዳ ኢት ባዚ ባዬ ጾሳ ናኤ» ጌይዴ።

ይና ኢዝባራ ዬሱሲ ማሳ ማቂኖን ኣማኒኖ ናምኢ ኣይሁዳን ቲኒዛን ዮሶፋኬ ኒቆድማሳኬ ዬሱሳ ኣህን ኢማፔን ጲላጦሳ ጌሽዴ ኣሂን ጫርቃባር ቃቻሪ ሹች ቦኪኖ ጎሪ ጋርታ ዱኪዴ ኢናፖ ዊራ ቤሲን ይብጻንዳብ ጎርምፖ ቲን ጴች ሹች ፍርሲዴ።