38. ዬሱሲ ኣር ኢምንቲዴ

ኣይሁዳን ላይባራ ፋስጋ ባል ቦንቺሬ። ይ ባላዲ ዎይሊን ላይፖ ቲን ጾሲ ሚኖ ማይንታን ጊብጻ ጋዳ ኣይላ ማቃር ዎን ጋርታፖ ዎዛርታር ፋሲኖኮ ቦንቺሬ ዬሱሲ ትኒ ፋላ ጋልዳ ሳባካዚንዲኬ ታማርሳዚን ኤኖን ማ ኣዝባር ኢና ኢያ ዎዝንዳር ፌ ታማራንቦ ሶልዴ።

ዬሱሳ ታማራን ጋርታፖ ፔታና ይሁዳ ጌይ ጼጊንቲዛ ናሳዳ ይሁዳ ኢታማራንቦ ሚሽ ኤዝ ቃርጺሪቲን ኤዛ ኢያ ዎቲናካሬ ኢ ሚሽ ዶሳዝን ኮታቦ ዎይልን ቶህ ቃርጺሪቲን ጋርታፖ ሚሽ ዉቂሬ። ዬሱሳኬ ኢ ታማራን ሩሳሌማ ዬሊኖፖ ዎሃ ይሁዳ ኣይሁዳን ቲኒዝ ኣሳንኮ ሉካሪ ዬሱሳ ሚሻባር ኢንታብ ኣ ኢማንዳብ ሶልንቲዴ። ዬሱሲ ማሳ ማቂኖን ኣይሁዳን ቲኒዛን ካዲዴ ኢያ ዎንዳቦ ጎይ ኮያዛን ኤርዴ።

ኣይሁዳን ቲኒዝ ኣስን ቄሳ ኣላቃባራ ቲኒንቲሙታ ዬሱሳ ኣ ኢማፔኒ ይሁዳቦ ዓይዚ ታጳ ቢራ ጪጊዴ። ኪን ናባን ሶልኖንዲፌኒ ማቃዴ። ይሁዳሬ ኤኤ ጌይዴ ሚሽን ኤካር ሉክዴ ዬሱሳ ኤምፔኒ ኢንታ ማዳንዳቦ ጎይ ኮይ ኤዴ።

ሩሳላማ ዬሱሲ ፌ ታማራንባራ ዎልኣ ፋሲጋ ባሊን ቦንቺዴ። ፋስጋ ፊሺን ዬሱሲ ኡፊን ዲንሪ ዳርሳሪ «ዓሺቴ ኣኖ ሙብቴ ዓና ይንታ ጊሻቦ ኢምንቲኖ ታ ኣይሽንዶ ጌይዴ። ይና ይንታቦ ቆፊብ ማሂብቴ» ይኒባራ ዬሱሲ ፌ ኣይሺን ይንታኮታቦ ዣርሻዝን ሶልዴ።

ኢናፖ ዬሱሲ ጺዊን ዲንሪ «ዓና ኡሽኪብቴ ይንታ ናጋሪምቦ ኣቶ ጌይንታምፔን ዉሊንታዝ ኦራ ጫቃ ቴ ሱንዶ። ይኖ ኡሽካሪ ዎይ ጋላስ ይንታቦ ቆፊብ ዎቲብቴ።

ኢናፖ ዬሱሲ ፌ ታማራንኮ «ይንታ ጋርታፖ ፔታናዲ ታና ኣ ኢምሬ» ጌይዴ ኢታማራንሬ ዲርጭ ጋሪ ይፌኖ ባዝ ኦ ዎቲራ ጋር ኦይጪዴ ዬሱሲ «ይኖ ዳርሲ ኡፋ ኢምዝ ኣሲ ታና ኣ ኢምሬ» ጌይዴ ኢናፖ ዎሃ ኡፊን ይሁዳብ ኢምዴ።

ይሁዶ ኡፊን ኤኪኖፖ ዎሃ ሴጣኖ ኢ ጋርታ ጌልዴ ይሁዳ ዬሱሳ ኤምፔን ኣይሁዳን ትኒዛን ማዳንድቦ ሉኪዴ ኬላዳ ኣማ

ዬሱሳኬ ኢ ታማራን ኣራት ሙይኖፖ ዎሃ ዳብርዛይታ ሉኪዴ ዬሱሲ ኢንታኮ «ዓትብ ኦማ ይንቲ ዎይን ታና ኣሺሬ። ጋይጫና ቡካናዳ ዶራን ዎይ ላሊንቲሬ ጌይ ጻፊንቲኔ» ጌይዴ።

ጴጥሮሲ ኢኮ «ሜላን ዎይ ኔና ኣሼ ጌይን ዎቲናካሬ ቴ ይ ዎታባሴ» ጋር ማሂዴ። ይኒ ኬልምባራ ዬሱሲ ጴጥሮሳኮ «ሴጣኖ ይንታ ዎይን ኤካንዳብ ኮይሬ ዎቲናካሬ ጴጥሮሲ ኔ ኦማኒን ዳቡራካይፌን ቴ ኔብ ዎሲኔ ይፌን ዎቲናካሬ ዓታብ ኦማ ኮቶ ኦላዚምፖ ቲን ኔ ታና ኤራባሶዲፌን ዓይዚ ቶህ ማልቲታሬ።

ይኒባራ ጴጥሮሲ ዬሱሳኮ «ዓይቂዝ ባዝ ማቄ ጌይን ዉርሳ ማ ልቲታባሴ» ጌይዴ። ሜላን ኢ ታማራን ዎይ ይና ኢዝ ጌይዴ።

ይኒፖ ዎሃ ዬሱሲ ፌ ታማራንባር ዎልኣ ጌቲ ማና ጌይዝ ቤስ ሉኪዴ ዬሱሲ ኢንቲ ሜታ ጋልዳ ኬዳካዮዲፌን ዎሳምፔን ፌ ታማራንቦ ሶልዴ።

ዬሱሲ ዓይዚ ቶህ ዎሲዴ «ታ ባባዶ ጌብ ዳንዳኢንታርኮ ዓና ሜቲን ጺዊን ቴ ኡሻካይፌኒ ዎታቤ ዎቲናካሬ ኣሳን ናጋራ ኣቶ ጌይንቲዝ ሜሎ ጎይ ባይኮ ኔ ጌኖን ማቆጋቤ» ዬሱሲ ዎይልን ዎይዴ ኢ ጫዊንዳሬ ሱ ማቃዴ። ጾሳዳሬ ኢያ ሚንምፔን ኢብ ኪታንቻ ሚሺዴ።

ዱማ ዱማ ኢ ጌሺኖ ጌሺምፖ ዎሃ ኢዬሱሲ ፌ ታማራንኮ ብርንቲዴ ኢንቲ ሱርቂኔ ዓይዚ ማቃር ዬሪ «ዳንዳብቴ» ታና ኣ ኢሚዛ ዓይዲ ዎ» ጌይዴ።

ይሁዳ ኣሁዳን ቲኒዝ ኣሳንባራ ዎታዳራንባር ዎይልን ዎርዣባር ዎልኣ ማቃር ዬይዴ። ማሽኬ ጉፋኬ ኤኔ ይሁዳ ዬሱሳክ ዬሪ «ኣስታማራዶ ሳሪቲ ኔብ ማቆ» ጌይዴ። ዬርቂዴ ይዳሬ ኣይሁዳን ቲንዛን ኢንቲ ኦና ኤርኮ ማላቦ። ኢናፖ ዬሱሲ ኢኮ «ይሁዳ ጌ ታና ዬርሳባር ኣር ኢማኔ?» ጌይዴ።

ዎታዴራን ዬሱሳ ኤዲፌኒ ጴጥሮሶ ፌ ማሺን ጎቺ ኬሳሪ ቄሳን ኣላቃ ኣሽካራ ዋይን ቃጺዴ ዬሱሲ «ኢኮ ማሺን ኢዝ ቤስን ማሃቤ ታና ቦቲሳምፔን ኪታንቻ ታብ ሚሻምፔን ታባባ ኦይጫንዳብ ዳንዳኣሬ» ጌይዴ። ኢናፖ ዬሱሲ ናሳ ዋይን ፋዴ። ዬሱስ ኤዴ ቲኖፖ ዎሃ ኢ ታማራን ዎይ ኢያ ኣሻር ዎጺ ዴ።