37. ዬሱሲ ኣላዛራ ዓይቃጋርፖ ዲንዴ።

ፔቲ ጋላስ ዬሱሲ ኣላዛሪ ዎይልን ማኔ ጌይዝ ክቶ ዬልዴ ኣላዛራኬ ኢ ሚሺንታ ናምኣን ማራሚኬ ማርቲኬ ዬሱሲ ኢንታ ኩሻ ላጋ ዬሱሲ ይኖ ዎሪን ሲሲካሪ «ይና ዓርጊንዶ ጾሳ ቦንቻብዶኬ ዓይቃብ ጊዳካዬ» ጌይዴ። ዬሱሲ ፌ ላጋን ካሬ ዎቲናካሬ ናምኢ ቃም ፌ ዎዾ ቤስ ጋምኢዴ።

ናምኢ ቃማን ጵኖፖ ዎሃ ዬሱሲ ፌ ታማራንኮ «ኑኒ ይሁዳ ሉኪስቶ» ጌይዴ። «ዎቲናካሬ ኣስታማራዶ ዓቲ ጊላ ጊዛፖ ቲን ኢና ዎን ዎርዣን ኔና ዎንዳቦ ኮይሬ ጋር ኢታማንቦ ማሂዴ ዬሱሲ «ኑ ላጋ ኣላዛሪ ሱርቂኔ ኢ ሱርሲን ጋርታፖ ቴ ኢያ ዲንንዳብ ሉካሬ» ጌይዴ።

ዬሱሳ ታማራን «ጎዳዶ ኣላዛር ሱርቂንኮ ዲንዳሬ» ጋሪ ማሂዴ። ይና ኢዝባራ ዬሱሲ ፋል ሶልዴ «ኣላዛር ዓይቂኔ ይንቲታባር ኣማኒንታምፔኒ ቴ ኢና ባዮንዶ ታና ኡፋይሲኔ።

ዬሱሲ ኣላዛር ዬሊንቲኖ ካታሚን ዬላሪ ኣላዛር ዓይቂኖፖ ኦይዲ ቃም ማቂኔ። ማርታ ዬሱሳ ዬላንዳብ ኬስካራ ጎዳዶ ኔ ዓዲ ዎፌንኮ ቴ ኢናኣ ዓይቂባስዶን ዎቲናካሬ ጾሳዲ ኔጎሻዚን ዎይ ሲስካዚን ታኒ ኣምማናሬ።

ዬሱሲ ኢዝኮ «ታኒ ዲንዳኬ ሼምፖዲኬ ታባር ኣማኒሃ ዎይ ዓይቄ ጌይናር ሜላኣቲን ሼምፓባር ማቂሬ ታባር ኣማኒዛ ዎይ ዉርሲ ዓይቂባሴ ይኖ ኔኒ ኣማናራ? ማርታሬ « ኣሃ ጎዳዶ ኔኒ ማሳ ጾሳ ናኣ ማቂኖን ታ ኣማናሬ» ጋራ ማሃዴ።

ኢናፖ ማራማ ዬዴ ዬሱሳ ቶሂን ጋልዳ ኬዳራ «ጎዳዶ ኔኒ ዓይዲ ዎኮ ቴ ኢናኣ ዓይቂባስዶን » ጋዴ ዬሱሲ «ኣላዛር ዎዲ ጋዲና ?» ጋር ኦይጪዴ «ጎሪ ጋርታ ዓይ ዬር ቤቃቤ» ጋር ሶልዴ ኢናፖ ዬሱሲ ዬኪዴ።

ጎራዲ ጋዊዬ ኢዝ ካሪን ጋልዳ ሹች ኤይኔ ዬሱሲ ጎሪንኮ ዬላሪ ሹቺን ፋራሲብቴ ይዝጋር ሶልዴ። ዎቲናካሬ «ዓይቂኖፖ ኦይዲ ቃም ማቂኔ ዓት ዛይቂሬ» ጋዴ።

ዬሱሲ «ኔ ታባር ኣማኒንኮ ጾሳ ቦንችን ቤቃዝን ቴ ኔብ ሶላካያ ? ጌይዴ ይኮታቦ ሹቺን ፋራሲዴ።

ይኒፖ ዎሃ ዬሱሲ ፉዳ ኣፋ ቤቃሪ «ታ ባባዶ ኔ ታኮን ሲሲካዝን ኮታቦ ቴ ኔና ጋላታሬ። ኔኒ ዎይ ጋላስ ታኮን ሲሲካዝን ኤኣራሬ ዎቲናካሬ ኔኒ ታና ሚሽኖን ኢንቲ ኣማናምፔን ዓንዳ ኤቂኖ ኣሳን ዎይን ጊሻቦ ታኒ ዓና ኔኮ ጋሬ» ጌይዴ። ኢናፖ ዬሱሲ «ኣሌሮ ዓይ ዛና ዬ» ጋር ዉይሲዴ።

ይኮታቦ ኣልዛሪ ኬሲኪዴ ፋላባር ሲፊንቲኖንዲፌኔ ዬሱሳሬ ኢንታብኮ «ብላጌይዶ ሉካቤ ኣሺብቴ » ጌይዴ ኣይሁዳን ጋርታፖ ዎይሊን ይ ኦቲኖ ታምራታ ጎይባራ ዬሱሳባር ኣማኒዴ።

ዎቲናካሬ ኣይሁዳ ሃይማኖታ ቲኒዛን ቃናኢዴ። ይኮታቦ ዬሱሳኬ ኣላዝራ ዎዛርታር ዎንዳብ ኮሺርኮ ቶባንዳቦ ዎልፔታን ሺቂዴ።