28. ናሳ ዱራ ናኢቲዳ

ፔቲ ጋላስ ፔቲ ናኢቲ ዱርዶሪ ዬሱሳክ ዬይዴ «ኮሽ ኣሳታማራዶ ሜናብ ሼምፖ ኤካንዳቦ ታኒ ኣብዝ ዎታኖ? ጋር ኦይጪዴ። ዬሱስ ኢኮ «ኔታክ ኣባቦ ኮሻዳ ጋራ? ኮሻዲ ፔታኒ ሙታ ኢያሬ ጾሳዳ። ዎቲናካሬ ኔኒ ሜናብ ሼምፓ ኔብ ዶኣምፔኒ ኮያዲኮ ጽሳ ሂጋቦ ኪቲንታቤ» ጌይዴ።

«ታኒ ዎንቦ ኪቲንታኖ? ጋር ኦይጪዴ። ዬሱስ ኢቦ «ዎፔ ላማፔ ዉቃፔ ማቃፔ። ኔባባኬ ኔ ኢንዲኪ ቦንቻቤ ኔ ላጋዳ ኔ ኔና ካዝንዲፌን ካቤ።» ጋር ማሂዴ።

ዎቲናካሬ ናራ ናኢቲዲ ኢብ «ቴ ናኢቲፖ ኤራ ይን ሂጋን ዎይ ቴ ፋጊኒሽዋ። ሜናብ ዶኣንዳቦ ሜላ ኣብዝ ዎታንዳብ ኮሻራ ?» ጌይዴ። ዬሱስ ኢያ ቤቃሪ ካዺዴ።

ዬሱስ ኢኮ «ኔኒ ፎቲ ማቃንዳቦ ኮያዲኮ ኔብ ዎ ቆልንን ዎይ ዎጛራ ሚሽንዶ ዎርባያንቦ ኢማቤ። ኔኒ ኣፋፖ ኤካሬ ኢናፖ ዎሃ ዓይዬራ ቴ ዎሂን ዬቤ » ጋር ኢብ ማሂዴ።

ናራ ናኢቲዲ ዬሱስ ኢብ ሶልኖን ሲስካሪ ኢ ዎይላን ዱሪ ማቂኖኮታቦ ፌብ ዎ ባዚን ዎይ ኢማንዳቦ ኮያካዮኮታቦ ዎይልን ሞርኢዴ። ዬሱሳ ጋልዳፖ ፌ ኣፊን ጌዳ ማሃር ሉኪዴ።

ይን ኢዝ ኬልምባራ ዬሱስ ፌ ታማራንቦ «ዱራን ጾሳ ኬ ጋርታ ጌላንዳቦ ዎይልን ዋይሬ። ኣ ዱሪ ጾሳ ካቲቲ ጋርታ ጌላዝምፖ ጌላዝናዳ ቃላላ»

ኢታማራን ኢ ሶልኖን ሲስካሪ ዲርጭ ጋር «ዓት ይዲኮ ኦኖ ፋጻንዳብ ዳንዳኢዛዲ? ጌይዴ።

ዬሱስ ፌ ታማራን ቤቃሪ ኢንታኮ «ይዲ ኣሳብ ዳንዳኢንቲባሴ ጾሳብ ዎቲናካሬ ዎይ ባዚ ዳንዳኢንቲሬ» ጌይዴ።

ጴጢሮሲ ዬሱሳኮ « ኑኒ ዎይ ባእ ኣሻሪ ኔ ዎሂን ዬሬ ኑ ጋቲን ኣብዝ ዶኔ» ጌይዴ።

ዬሱስ ኢኮ «ቴጊሻቦ ጋር ፌ ኣልንዶ ፌ ኢሺንታን ፌ ሚሽንታን ፌ ባባ ፌ ኢንዶ ዎይ ፌብ ዎ ቆልንን ኣሽኖ ኣሲ ዎይ ጼታ ቶህ ኤኪሬ ሜናብ ሼምፓሬ ኤኪሬ ዎቲናካሬ ቲን ማቂኖን ዎይልንን ጋስ ማቂሬ ጋስ ማቂኖን ዎልንን ቲን ማቂሬ» ጋር ኢብ ማሂዴ።