26. ዬሱስ ፌ ኦሳ ኤዴ

ዬሱስ ሴጣና ፋጪን ጋሚኖፖ ዎሃ ጌሻ ኣያና ዎልቃ ባራ ፌ ዶኣዝ ቤሲን ጋሊላ ኣውራጃ ማቂዴ ዬሱስ ቤስ ሜልን ጋልዳፖ ቤስ ሜልን ሉኪ ሙታ ታማርሲዴ ዎይ ኦሲ ኢ ኮሽ ማቂኖን ሶልሬ።

ዬሱስ ናኣቲዶር ዶኢኖ ናዝሬታ ካታሚን ካታሚን ጋርታ ማቂዴ። ሳንባታ ባራ ጾሳቦ ጎሽታንዳቦ ሉኪዴ ናባ ኢሳሳ ማጻፊን ናባባምፌን ኢምዴ። ዬሱስ ቁርቂ ማጻፊን ፊርቃሪ ዶኪን ዎርዣቦ ናባቢዴ።

ዬሱስ «ዎርባያንቦ ኮሽ ሶላ ካቲንቲኖንቦ ናጻ ኬሳካዝን ኣፋ ዎባን ቤቃዚን ቃቺንቲኖን ባልንታዝን ሳባካምፔኒ ጾሳዲ ፌ ኣያና ታብ ኢምኔ ይና ዶሲቲኖ ጎዳ ላይ» ጋር ናባቢዴ።

ኢናፖ ዬሱስ ዶኢዴ። ዎይን ኡክባር ቤቂዴ። ኪን ዓት ናባቢኖ ጾሳ ቃላ ንባባዲ ማሳ ቤይሳሬ ዬሱስ «ፋና ቴ ይን ታብ ናባቢኖ ቃል ኪን ዓት ፎቲንቲሙታ ጌይዴ ዎርዣ ዎይ ጋራሚንቲዴ። «ይ ዮስፋ ናኣዳባያ?» ጌይዴ።

ኢናፖ ዬሱስ «ናቢ ፌ ጋዳ ቦንቺቲባሶን ኪን። ናባ ኤላሳ ኬልባራ ኢስሬላ ጋዳ ዎይልን ኣሲኒ ባዮ ማጫን ዎ ዎቲናካሬ ኣይዚ ላይኬ ባጋክ ኢሪ ኬዳካዮ ኬልባራ ጾሳዲ ኤላሳ ሜላ ጋዳ ዶኬ ኢስሬላ ጋዳ ዎ ኣሲን ማዳምፔን ሚሻካዬ።» ጌይዴ።

ዬሱስ ናባ ኤልሳኢ ላይባራሬ ኢስሬላ ጋዳ ቁራ ዓርጋ ኤንቲኖ ዎይልን ኣሳን ዎዼ ዎቲናካሬ ኤልሳኢ ፔታናር ፋካዬ። ኢስሬላ ጻላታንቦ ኣላቃ ማቂኖ ኒኢማኒ ቁራ ዓርጊን ሙታ ፋጺዴ። ዬሱሳኮን ሲሲኪኖ ዎርዣን ኬልባራ ጎይልዴ።

ናዝሬቶ ዎርዣ ዬሱስ ጾሳ ጎሽቲዝ ቤሳ ጋልዳፖ ጋቺ ዡጊዳሪ ዎጻንዳብ ኢንዳ ስን ጋልዳ ኤኪ ሉኪዴ ዎቲናካሬ ዬሱስ ዎርዣ ጊዳ ዬጺሙታ ናዝሬታ ካታማ ሉኪዴ።

ኢናፖ ዬሱስ ጌሊላ ኣዉራጃ ዎይ ቢርንቲ ዎይልን ዎርዣሬ ኢክ ዬይዴ ቤቂ ኢና ቢርንቲ ዬ ሲሲኪ ወይ ሶላንዳቦ ዳንዳኢባሶን ጉጃር ዎይልን?ማቂኖን ኣሳን ኤሄይዴ።

ኢታ ኣያናባር ኤንቲኖ ዎይልን ኣሳን ዬሱሳክ ኤሄይዴ ዬሱሳ ኪታባር ኢታ ኣያናዲ ኣሳን ጋልዳፖ ኬሲኪዴ። ዎይሊን ጎይ «ኔኒ ጾሳ ናኤ» ጋሪ ዉሲዴ። ዎርዣ ጋራምንታሪ ጾሳቦ ጎሺቲዴ።

ኢናፖ ዬሱሲ ፌ ታማራን ጌይ ጼጊንቲዛን ታጶ ናምኢ ኦሳን ማራጺዴ። ኪቲንታር ኬሲኪኖን ዬሱባር ዬሪ ኢጋልዳፖ ታማሪዴ።