25. ሴጣኖ ዬሱሳ ፋጪዴ።

ዬሱሳ ጻማቂንቲኖፖ ዎሃ ጌሻ ኣያኖ ኤልባር ኢያ ኣስ ባዮ ቤሲ ኤጚዴ። ኢና ኦይዲ ታጳ ቃሚኬ ኦይዲ ታጳ ጋላስ ጾሚዴ። ኢናፖ ሴጣኖ ዬሱሳክ ዬሪ ኢ ናጋራ ኦምፔን ዬሱሳ ፋጪዴ።

«ኔን ጾሳ ናኣኮ ሞንዳብ ዳንዳንፔኒ ዓን ሹቻን ኡፋ ማሃራ ጌይ ሴጣኖ ዬሱሳ ፋጪዴ።

ዬሱስ ኢኮ «ኣሳ? ዶኣንዳቦ ኡፋ ሙታ ኮሽባሴ ዎቲናካሬ ጾሳ ሶልዛ ቃላ ባራ ጋር ጻፊንቲኔ» ጋር ማሂዴ።

ኢናፖ ሴጣኖ ዬሱሳ ጾሳ ኬ ኩሲቲን ጋልዳ ዓጛራ «ኔኒ ጾሳ ናኣኮ ኔና ጎርጋራ ጁጊዳቤ ኣባ ጌይን ሹቺ ኔቶሂን ቡካካይፌን ኔና ቶካምፔኒ ጾሳዲ ፌ ኪታንቻ ኔብ ኪቲሬ ጋር ጻፍኒቲኔ» ጌይዴ።

ዎቲናካሬ ዬሱሲ ጾሳ ቃላ ጋልዳፖ ሶላር ሴጣናኮ ማሂዴ «ጾሳ ቃላ ጋልዳ ኔ ጎዳ ጾሳ ፋጫፔ ጋር ዎርዣ ኪቲኔ» ጌይዴ

ኢናፖ ሴጣኖ ሳዛ ጋልዳ ዎዾ ካቲንታንኬ ኢንታ ዎ ቦንችን ዎይ ቤይሳር «ኔ ኬዳራ ታብ ሞጊንቲንኮ ዓ ዎይ ቴኔብ ኢማንዳ » ጌይዴ።

ዬሱስ ኢኮ «ሉካቤ ኔ ሴጣናዲ ጾሳ ቃላ ጋልዳ ዎርዣኮ ኔ ጎዳ ጾሳቦ ሞጊንታቤ ኢብ ሙታ ጊሽታቤ ጋር ኪቲኔ»ጌይዴ።

ዬሱስ ሴጣና ኢያ ፋጪን ኢ ጋሚንታካዬ ይኮታቦ ሴጣኖ ኢያ ይና ኬልምበራ ኣሺዴ ኢናፖ ዎሃ ኪታንቻ ዬር ዬሱሳ ማዲዴ።