21. ጾሳዲ ማሳቦ ታስፋ ቃላ ኢሚዴ።

ቢርት ኤን ጋልዳ ጾሳዲ ማሳ ሚሻንዳብ ቆፒዴ ማሳቦ ኢሚንቲኖ ታስፊን ቲኖኒዳ ኣዳማኬ ሔዋንክ ዬዴ። ጾሳዲ ሾሻ ቆምን ቡኪዝ ኣስ ሔዋኒ ዜር ጋርታፖ ዬልንቲዝን ታስፋ ኢሚዴ። ሔዋና ማቂኖን ሾሻዲ ሴጣና። ታስፋ ኢሚኖ ማሲዴ ሴጣና ዉርሲ ጋሚሬ ጌንቴ።

ኢ ጎይምባራ ሳዝ ኤሻ ጋልዳ ዎርዣዲ ማ ዜርን ዎይ ኣንጃ ኤካምፔን ጾሳዲ ኣብራማብ ታስፋ ኢሚዴ። ይና ኣንጂንዳ ጊዳክ ማሳ ዬዬጌይን ፎቲንታሬ። ኢ ሳዝ ኤሻ ጋልዳ ዎ ዎይ ዎርዣፖ ማ ዜር ማቂኖ ዎርዣ ፋጻምፔን ዎቲሬ።

ጊዳክ ሙሳፌኖ ሜላ ናቢ ዲንዳዚን ጾሳዲ ሙሳቦ ታስፋ ኢሚዴ ይና ጋምኣራ ዬይዛ ኮታቦ ማሲ ኢምኖ ሜላ ታስፋ ዎ።

ኢንቲ ዜር ጋርታፖ ፔታናዲ ጾሳ ዎርዣ ጋልዳ ካቲ ማቃሪ ሜዽናብ ዎርዣ ኣቂስዛን ጾሳዲ ካታ ዳዉታብ ታስፋ ኢሚኔ ይዳሬ ማሳዲ ዳዉቲ ዜርን ጋራታፖ ፔታና ማቂሬ ጌንቴ።

ጾሳዲ ኦራ ጫቃ ቃላ ጌላዝን ናባ ኤርማሳ ጎይባር ታሳፋ ኢሚዴ ይና ጫቃ ቃልንዳ ሲና ኢንዲን ጋልዳ ኢስሬላንባራ ጌልኖ ጫቃ ቃልንዲፌን ባዬ። ኦራ ጫቃ ቃልምባራ ጾሳዲ ፌ ሂጊን ፌ ዎርዣ ቡዳ ጋርታ ጻፊሬ ዎርዣዲ ፌ ቆማብ ጾሳ ኤሪሬ ኢ ዎርዣ ማቂሬ ጾሳዲ ኢንታ ናጋርን ኣቶ ጌይሬ ማሳዲ ኦራ ጫቃ ቃሊን ኦሳ ኤሬ።

ማ ጾሳ ናቢ ማሳ ናቢ ቄሳ ይፓሬ ካቲ ማቂሬ ጌይዴ። ናባዲ ጾሳ ቃሊን ሲሲካሪ ኢናፖ ጾሳ ቃሊን ዎርዣብ ጬቂ ሶሊዝ ኣሴ። ጾሳ ካቲ ሚሻንዳብ ታስፋ ኢሚኖ ማሳ ዉርሳ ናቢ ማቂሬ።

ኢስሬላን ቄሳን ኢንታ ናጋሪን ጊሻቦ ኢንታ ጋልዳ ዬልዝ ዓጊን ክኮታ ዎርዣ ጊሽ ጾሳቦ ዣርሽ ሺሺሬ። ማ ቄሳንሬ ዎርዣ ኮታቦ ጾሳቦ ጌሺሬ። ማሳዳሬ ዉርሲ ዣርሳ ማሃሪ ፌና ጾሳቦ ሺቂዝ ፎት ቄስ ኣላቃ ማቂሬ።

ካታዲ ፌ ኣቂሳዝ ጋዲን ጋልዳ ዎርዣ ኣቂሳንዳብኬ ፊርዳንዳብ ዎዾ ኣሴ። ማሳዲ ሚኖ ማይንታን ባራ ዳዉታ ዙፋና ጋልዳ ዶኣዝ ዉር ፎቲ ኣስ ማቂሬ ሳዝ ኤሻ ዎይ ጋልዳ ሜዽናብ ኣቂሳሬ ይኒፓሬ ዎይ ጋላስ ኪን ባር ፋራዲ ኪን ፍርዳ ኢሚሬ።

ጾሳ ናባን ማሳ ጎይ ሜላ ዎይሊን ባዝ ሶሊኔ ናባ ሚልካሳሬ ማሳ ዬዚምፖ ቲን ጴች ናቢ ዬኢን ቲንታር ሶልኔ ማሳዲ ፔቲ ዉዲር ና ኢንዳ ዬላዚን ናባ ኢሳሲ ሶልኔ ናባ ሚካሲ ማሳዲ ቤቴላም ካታማ ዬልንቲሬ ጌይኔ።

ናባ ኢሳሲ ጌይርዶሪ ማሳዲ ጋልሳ ዶኢሬ ቡዳ ሜቂኖ ሙዳዲኖ ኦሳን ሚንሬ ይፓሬ ካትንቲኖን ናጻ ኬሲሬ ቃቺንቲኖንር ኢንቲ ብልንታዝን ሶልሬ ማናባዲ ጌይር ዶሪ ማሳዲ ማዽኖን ሲስኪን ፋጻዝን ሶልኔ።

ማ ናባ ኢሳሲ ማሳዲ ጋሻ ቤይ ኢጺንታ ዝንዲ ኢሲ ኢ ጋልዳ ኢቲ ባዝ ሶላዝንዶ ሶልኔ። ሜላን ናባን ማሳ ዎዺኖን ኢንቲ ኢ ኣፊልን ጋልዳ ኢጻ ቶጚንታዝንዶ ኢ ላጋን ኢያ ካዳእንዶ ቲንታሪ ሶልኔ ናባ ዛካራሲ ማሳ ካዲዛን ኢ ላጋንቦ ኣይዛ ታጳ ጪግዝንዶ ሶልኔ።

ማ ናባዲ ማሳ ዓይቃዝ ጎይን ሶልኔ ኢሳሲ ኣሳን ማሳ ጋልዳ ጩታዝንዶ ኢ ጋልዳ ሚጫዝንዶ ኢያ ቡካዝንዶ ሶልኔ ኢ ኣባካር ኢታ ባዝ ኦካይካሬ ኢያ ጫዲሬ ዎይልን ኡሽንታሪ ሜቲባር ዓይቂሬ።

ማ ናባን ማሳዲ ናጋራ ኢጋልዳ ባዮን ፎቲ ኣስ ማቂሬ ጌይዴ ሜላ ኣሳን ናጋሪን ጊሻብ ዓጋ ኤካንዳብ ኢ ዓይቂዴ። ዓጊንታዚንዳ ጾሳቢኬ ኣሳንቦ ጊዳኪ ሳርቲ ኤካዬሬ። ይኒ ጊሻቦ ማሳዲ ቆጺንቲ ሊቃዝንዳ ጾሳ ፊቃዳ።

ማሳ ዓይቃዝንዲኬ ጾሳዲ ማ ኢያ ዓይቃ ጋርታፖ ዲንዝን ናባን ቲንታር ሶልኔ ጾሳዲ ማሳ ዓይቃምባርኬ ዲንዲን ጌይ ጋራንቻን ፋንዳብ ቆፒኖን ፎታሪ ኦራ ጫቃ ቃሊንዌዺሬ።

ጾሳዲ ናባንቦ ማሳ ጎይን ዎይልን ባዝ ቤይሲኔ። ዎቲናካሬ ማሳዲ ይን ናብንኮን ጋርታፖ ኦናካር ፔታናኮምባር ዬካዬ። ይን ኢንታ ሶልኔ ቲንቢታን ዉርስን ሶልንቲኖፖ ኦይዳ ጼታ ላይፖ ዎሃ ኪን ፌ ጌይኖ ኬልምባራ ጾሳዲ ማሳዳ ኣላማ ጋልዳ ሚሺሬ።