20. ካቲንትኬ ካቲንታፖ ማቂ

ኢስሬላ ካቲኬ ይሁዳ ካቲ ናምኣን ጾሳ ቲን ናጋራ ኦዴ። ጾስ ኢንቲባራ ሲና ኢንዲን ጋልዳ ጌልኖን ጫቃ ቃልን ኣሽዴ ጾስዲ ኢንቲ ማርት ጌላምፔንኬ ማቃር ኢብ ጎሽታምፔን ሶሎ ጌይ ናብን ሚሽኔ ኢንቲ ዎትናካሬ ኪቲንቲባዳ ጌይዴ።

ይኮታቦ ጾስዲ ኢንታ ጻላታን ኢንታ ይሳምፔን ጋር ናምኢ ካታን ዓጊዴ። ዎልቃባሮንዶ ዛብስ ማቂኖጋዲን ጋርታፖ ዎይልንን ሚሽዴ።

ኢስሬላን ቲንዛን ዱራን ማ ኮሻ ኦ ኢንታብ ዎ ኣሳን ዎይ ሺሻሪ ኣሶራ ጋዳ ኤጚዴ ዎንታካይ ኣቲኖን ዎንታካዮን ዎይሊን ዎርባያንኬ ኢስሬላን ሙታ ኢስሬላን ጋዳ ኣትኔ።

ኢናፖ ኣሶራን ኢስሬላ ጋዲን ዎ ሳዚን ጋልዳ ዶኣምፔን ኦሳ ጋዶ ኣሳን ኤኔይዴ። ኣሳ ጋዶ ኣስን ላልንቲኖ ካታምን ማቂ ኦሪ ኢና ኣቲኖ ኢስሬላን ማጫ ኤኪዴ ኣሳጋዶ ኣሳን ኤኪኖ ኢስሬላ ኣስን ዜርን ሳማራ ጋዶ ኣሳን ጌይ ጼጊንቲሬ።

ኢስሬላ ጋዶ ዎርዣዲ ጾሳ ኣማናካይ ኣቲኖ ኮታብኬ ኪቲንታካይ ኣቲኖ ኮታቦ ዎዛርፌን ዚንታ ዓጊንኮ ይሁዳ ጋዶ ዎን ጾሳዳ ጉጃር ማቃ ጾሳንቦ ጎሽቲዴ ጾሳዳሬ ኢንታ ዬኢምፔን ናባን ኪቲ ሚሺዴ። ኢንቲ ዎቲናካሬ ናባንኮን ሲሲካብዳ ጌይዴ።

ኣሶራ ጋዶ ኣስን ኢስሬላ ጋዶ ኣስን ይስኖፖ ጼታ ላይፖ ዎሃ ይሁዳ ጋዳ ኣስን ኦላምፔን ጾሳዲ ባቢሎና ኣሳን ሚሽዴ። ባቢሎና ዎልቃማ ካቲንታ ጋዴ። ይሁዳ ካታዲ ናቡኬዶናጾራ ኣሽካራ ማቃንዳቦ ላይ ላይ ባራ ዎይልን ሚሽ ጪጋንዳቦ ኤኤ ጌይዴ።

ዎቲናካሬ ጊላ ላይፖ ዎሃ ይሁዳ ካታዲ ባቢሎና ጋልዳ ዉጪቲዴ። ይኮታቦ ባቢሎና ጋዶ ኣሳን ማቂ ዬሪ ይሁዳ ጋዲን ኦልዴ። ሩሳሌማ ካታሚን ኤዺዴ ጾሳ ኬን ይሲዴ። ይንፓሬ ካታሚንዲኬ ጾሳ ኬ ጋርታ ዎ ቆልን ዎይ ኤኪዴ።

ይሁዳ ካታዲ ዉጪቲኖ ኮታቦ ዓጋንዳቦ ናባኬዲንጾራ ዎታዴራን ይሁዳ ካታቦ ኣቲና ናኣን ኢንቲ ዎዴ። ኢብ ኣፊን ዎብሲዴ። ይፖ ዎሃ ባቢሎና ቃሺ ኣል ዓይቃምፔኒ ካታ ኤኪዴ።

ናቡኬዳናጾሮኬ ኢ ዎታዴራን ዎት ዎታምፔን ዎይልን ዎርባያ ማቂኖ ኣሳን ሙታ ኣሻር ጉጽናካሬ ይሁዳ ጋዶ ዎርዣን ዎይባቢሎና ካቲ ኤኪዴ። ጾሳ ዎርዣዲ ታስፋ ኢምኖ ሳዝን ዎልቃባር ኢንታ ኣሻምፔን ዎቲዴ። ይና ኬልንዳ ካቲ ጋያ ጼጊንታሬ።

ኣባካር ማቂን ጾሲ ኢንቲ ካቲንታር ሉኪንካሬ ዎርዣዲ ኢንቲ ኦኖ ናጋራ ጊሻብ ዓጊናካሬ ኢንታኬ ኢንታብ ጌልኖ ታስፋን ጾሲ ቦቲጛካዬ። ጾሳዲ ፌ ዎርዣ ናጋዝንዲኬ ናባን ጎይባራ ኢንታባር ሶልንታዝን ኣሻካዬ። ታብዛ ላፖ ዎሃ ኢንታብ ኢምኖ ታስፋ ሳዝን ጋልዳ ማቃምፔን ኢንታብ ታስፋ ኢሚዴ።

ታብዛ ላይ ማቂኖፖ ዎሃ ፋርሳ ካታዲ ባቢሎና ጋሚዴ ይኮታቦ ፋርሳ ካታዲ ባቢሎና ካታ ቤሲን ኤዺዴ ዓቲ ኢስሬላን ኣይሁዳን ጌይ ጼጊንቲዴ። ዎይልን ዎይልን ላይ ዌይ ፌ ላይን ዎይ ባቢሎና ዶኢኖ ኣሳን ዎይልንስ ጪጚኖ ጊላ ኣይሁዳን ሙታ ይሁዳ ጋዶን ኤልቅ ዎቲዴ።

ፋርሳ ካታዲኬ ኢ ኤኖ ጋዲንዳ ሚን ዎቲናካሬ ፌ ኤኖ ዎርዣንቦ ምጪንቲሬ። ቂሮስ ፋርሳ ኣስን ጋልዳ ካቲ ማቃር ጊላ ኬል ጋምኢኖፖ ዓኒ ይሁዳ ጋዳ ማቃንዳብ ኮይኖ ኣስ ኦናካር ኣይሁዳ ኣስ ፋርሳ ጋዲን ኣሻር ይሁዳ ጋዳ ማቃንዳብ ዳንዳኣዝን ኪታ ኢምዴ። ጾሳ ኬን ኦምፔኒ ሚሽ ጎይባራር ማዲዝ ባዝ ዎይ ዎቲዴ ይኮታቦ ካቲንቲኖ ቤሳ ጋልዳ ታብዛ ላይ ጋምኢኖፖ ዎሃ ጊላ ኣይሁዳን ጩጋ ዎጾ ይሁዳ ዋጳ ሩሳሌማ ካታም ማቂዴ።

ዎርዣዲ ሩሳሌማ ዬሊኖ ኬልባራ ጾሳ ኬንዲኬ ካታሚ ቡጊድባር ዎ ኣጺርን ማቃር ኢዴ። ኦባካር ማቂን ዓኖዬላር ሜላን ዎርዣን ጻና ኣቂኖ ማቂናካሬ ማ ማቃሪ ታስፋ ኢምኖ ቤሲን ጋልዳ ዶኣንዳቦ ጾሳ ኬ ጋርታ ጾሳብ ጎሽቲዴ።