17. ጾሳዲ ዳዉታባር ጌልኖ ጫቃ ቃላ

ሳኦል ቲኖ ኢስሬላን ካታ ኢያ ኢ ኪን ዎርዣ ኮይኖንዲፌን ጳርንኬ ኮሽ ቆይስዛዳ ሳኦሊ ኢስሬላን ጋላዳ ካዉታናፖ ቲኖ ጊላ ላይን ጋርታ ኮሻ ካቴ ይኒፖ ዎሃ ጾሳቦ ኪቲንታካዮ ኢታ ኣሲ ማቂዴ ይኮታቦ ጾሳዲ ፔቲ ጋልሲ ሳኢላ ቤሲን ካቲ ማቂዛ ሜላ ኣሲ ማራጺዴ።

ጾሳዲ ሳኦላፖ ዎሃ ካቲ ማቃምፔን ዳዉታ ጌይዛ ኢስሬላ ጋዶ ናኢቲ ማራጺዴ ዳዉቲ ቤቲሊሄማ ካታማፖ ዶሪ ዬጚዝ ጋይጪ ናኤ። ዳውቲ ዱማ ዱማ ኬላ ጋርታ ፌ ባባ ዶራን ናጋምባራ ዶራን ሞንዳብ ዞብኬ ዲብ ጌይዝ ማታ ባዚን ውኔ ዳዉቲ ጾሳባራ ኣማኒንቲ ኢብ ኪቲንቲ ማ ኮሽዴ ጺላ ኣሴ።

ዳዉቲ ጴች ዎታዳራኬ ቲብዝ ኣስ ማቂዴ ዳዉቲ ቢርቲ ናኢቲዶሪ ጎላዳ ጌይ ጼጊንቲዛ ጴች ናሳባር ኦልንቲዴ። ጎላዲ ዎይልን ታማሪኖ ዎታዴራ ዎይልን ሚን ይናሬ ዎይልን ጳርን ሌሂ ዋዽ ማቃምፔን ጳርን ዎቲናካሬ ጾሳዲ ጎላዳ ዎዽሬ ኢስሬላን ፋንዳቦ ዳዉታ ማዲዴ። ኢናፖ ዓኒ ዳዉቲ ዎርዣ ቲን ኣንጂኖን ኢስሬላን ጻላታን ጋልዳ ዎይልን ጺላ ዲጚዴ።

ሳኦል ዎርዣ ዳዉታብ ዎ ካንን ቤቃሪ ቃናኢዴ። ሳኦል ዎይልን ጎይ ዳዉታ ዎዻንዳቦ ኮይዴ። ይኮታቦ ዳዉቲ ሳኦላ ጋልዳፖ ባይዴ። ፔቲ ጋልስ ሳኦል ዳዉታ ዎዻንዳብ ኮይሙታ ዎዼ ሳኦሊ ዳዉቶ ባያር ዎዾ ጋዊን ጋርታ ሉኪዴ። ዎቲናካሬ ሳኦል ቤቃካዬ ዳዉቲ ሳኦላኮ ኮሺንች ኡካሪ ዎዻንዳብ ዳንዳኢርዶን ዎቲናካሬ ዎዻካዬ ይና ኢዝኮታቦ ዳዉቲ ካቲ ማቃንዳቦ ዎዻካይ ኣቲኖን ሳኦላ ቤይሳንዳቦ ሳኦላ ኣፊላ ማጫሪን ቃጺዴ።

ዉርሲ ጋልዳ ሳኦሊ ኦልባር ዓይቂዴ። ዳዉታሬ ኢስሬላንቦ ካቲ ማቂዴ። ዳዉቲ ኮሺ ካቴ ዎርዣዳር ኢያ ዶሲዴ። ጾሲ ዳዉታ ኣንጂዴ ኢባዛን ዎይ ፎቲንትጋምፔን ዎቲዴ። ዳዉቲ ዎይልን ኦል ኦልንቲዴ ኢስሬላ ጻላታን ጋማምፔን ጾሲ ኢንታ ማዲዴ። ዳዉቲ ሩሳላማ ጋሚ ኤዻሪ ኢዞ ጴች ካታማ ማሂዴ። ዳዉቲ ካታ ማቂኖ ኬልባራ ኢስሬላን ጴችኬ ዱር ማቂዴ።

ዳዉቲ ኢስሬላን ዎይልን ጾሳቦ ጎሺታዝንዲኬ ኢብ ዣርሺ ኢምዝ ጾስ ኬ ኬጻንዳብ ኮይዴ ዎርዣዲ ኦይዲ ጼታ ላይ ማቃፔኒ ሙሶ ኬጺኖ ዎል ዬልዛ ዱንካኒን ጋርታ ጾሳቦ ጎሽቲ ማ ዣርሻር ሺሺ ዎቲ ዎ።

ዎቲናካሬ ጾሳዲ ይኖ ኪቲን ኤይሪ ናባ ናታና ዳዉታክ ሚሺዴ። «ኔኒ ኦል ኦሊዝ ኣስ ማቂኖ ኮታቦ ዓና ጾሳ ኬን ኔ ታብ ኬጻባሴ ኔ ናኣ ኬጺሬ ዎቲናካሬ ዎይልን ኔና ኣንጃንዳ። ኔ ዜር ጋርታፖ ፔታኒ ቴ ዎርዣ ጋልዳ ካቲ ማቃሪ ሜናብ ቴ ዎርዣ ኣቂስሬ ሜናብ ኣቂስዛዲ ፌብ ሙታ ማቂኖ ዳዉታ ዜር ማሳዳ። ማሳዲ ኣምና ዎርዣ ኢንታ ናጋራጋር ታፖ ኢንታ ፋዛዲ ጾሲ ማራጺኖዳ።

ዳዉቲ ይን ቃላን ሲሲኪኖፖ ዎሃ ጴች ቦንቻንዲኬ ዎይልን ኣንጃን ኢብ ኢማንዳብ ቃላ ጌልኖ ኮታቦ ኤልባር ጾሳ ጋላቲዴ ሾኪሾክ ዎቲዴ። ዳዉቲ ጾሲ ይን ባዛን ኢንታ ዎቲርኮ ኤራካዬ ዎቲናካሬ ኪንንዲፌንኮ ኢስሬላን ማሳ ዬዚምፖ ቲን ዻርን ቃም ጉጺዴ ጌይን ፔቲ ሙኪላ ላይ ናጋንዳብ ኮሽሬ።

ዳዉቲ ኪንባር ኣምንታር ዎይልን ላይ ኣቂስዴ ጾስር ኢያ ኣንጂዴ። ማቂናካሬ ኢ ዶኢን ዉርሲን ጋልዳ ጾስ ጋልዳ ኢታ ናጋራ ኦዴ።

ፔቲ ጋላስ ዳዉቲ ዎታዴራን ዎይ ፌ ኣላፖ ሉካሪ ኦል ኦላምባራ ኢ ካታ ኬፖ ዛና ዶኣሪ ፔቲ ቆይስዝ ማጪዶራ ፌ ጋል ሜጫምባር ቤቂዴ። ኢዝ ሱሚንዳር ቤርሳባ ጌይንታሬ።

ዳዉቲ ፌ ኣፍን ዓኒ ማሃዝ ኣሻሪ ፌብ ኢዞ ኤኪ ዬምፔን ኣስ ሚሽዴ። ኢዝባር ሱርቃሪ ማሂ ኢዝ ኣል ሚሺዴ። ጊላ ቃማፖ ዎሃ ቤርሳባ ቴ ዎዳጺኔ ይዝጋራ ዳዉታብ ኪታ ሚሻዴ።

ኦራ ጌይ ጼጊንቲዛ ቤርሳባ ኣስናዳ ዳዉቲ ማራጺኖ ዎታዴራን ጋርታፖ ፔታናዳ። ዳዉቲ ኦልን ጋርታፖ ኦራ ጼጋሪ ኢ ፌ ማጪምባር ዶኣምፔን ሶልዴ ዎቲናካሬ ኢሮ ጌይርዶሪ ኣቲኖ ሜላ ዎታዴራን ኦል ጋልዳ ዶኢን ታኒ ኣል ሉካብዳ ጌይዴ። ይኮታቦ ዳዉቲ ኦራ ኦል ቤሲን ማሂ ሚሽርዶሪ ኢያ ዎምፔን ጻላታ ዎይልን ሚን ማቂኖ ቤሳ ጋልዳ ሚሻምፔን ኣላቃቦ ሶሊዴ።

ኦሮ ዎንቲኖፖ ዎሃ ዳዉቲ ቤርሳባ ፌብ ማጫ ማሂ ኤኪዴ። ዎሃ ኢዛ ዳዉታብ ኣቲና ናኢ ዬላዴ። ጾሳዲ ዳዉቲ ዎቲኖ ባዛንቦ ዎይልን ጎይልዴ ኢ ኦኖ ናጋርን ዎዛርፌን ኢቲኮ ዳዉታብ ሶላምፔን ጾሳዲ ናባ ናታና ሚሽዴ። ዳዉቲ ፌ ናጋሪን ቡጺን ጾሲ ኢብ ኣቶ ጌይዴ ዳዉቲ ኣቲኖ ፌ ዶኢ ላይን ኢት ዋይዝ ኬል ጋርታ ሜላ ኣቲን ጾሳ ዎሂን ዬ ኢብ ኪቲንቲዴ።

ዎቲናካሬ ? ኦኖ ናጋርምቦ ዓጋ ማቃራ ናኣ ዓይቂዴ። ማ ፌ ዶኣዝ ላይን ዳዉቲ _ኣላሳ_ ጋርታ ኣሊ ዎ ዳዉታብ ዎዾ ዎልቃ ዎይልን ዳቡርዴ ዳዉቲ ጾሳቦ ኣማንታካይካሬ ጾሲ ፌ ኢምኖ ታስፋ ቃላንቦ ኣማንቲዴ። ዎሃ ዳዉቲኬ ቤርሳቢክ ሜላ ኣቲና ናኢ ዬልዴ ኢ ሱምን ሶሎሞና ጌይዴ።