15. ታሲፋ ኢምኖ ጋዲንዶ

ዉርስ ጋልዳ ኢስሬልን ታስፋ ኢምኖ ጋዲን ካናና ጌይዝ ኬልን ዬልዴ። ኢያሶ ሚን ጊምባ ኣጺራባር ናጊንታር ዎን ካናና ካታሚን ሜዛሚፔን ናምኢ ሜላ ኣሳን ሚሺዴ። ይና ካታሚን ጋርታ ሜዛ ኣሳን ኣቻራ ዎሃ ኢንቲ ቡታምፔን ማዲኖንዳ ኣሲን ራብ ጋዝ ቡዲና ዶር ዎ ኢዛ ጾሳ ኣማንዛ ኮታቦ ይኒፌን ዎታዴ ሜዛ ኣሳን ኢስሬላን ኢያርካ ካታሚን ይሲርዶሪ ራብኬ ኢዝ ኣሎ ኣሳን ኣሽኣዝን ኢዛባር ቃላ ጌልዴ።

ኢስሬላን ታስፋ እምኖ ጋዲን ጋርታ ጌላንዳቦ ዮርዳኖሳ ዋን ፊጛንዳብ ኮሺሬ።

ዎርዣን ዮርዳኖሳ ዋን ፊጚኖፖ ዎሃ ጾሳዲ ጴቻ ካታሚን ኢያካ ዎዛርታሪ ኦላር ጋምርፌንኮ ኢያስብ ሶላዴ ዎርዣድ ጾሳቦ ኪቲንቲዴ ዎታዳራንኬ ቄሳን ኪን ጾሲ ኢንታብ ሶልኖዲፌን ቃናባራ ፔታን ፔታን ሌሂ ቃም ኢያርካ ካታሚን ቡርንታዴ።

ኢናፖ ታብዝ ቃምንባራ ኢስሬልን ታብዛ ቶህ ካታሚን ቡርንታዴ። ዉርሲን ጋልዳ ኢንቲ ካትሚን ብርንታምባራ ዎታዴራን ዉይሲዴ ቄሳንሬ ፌ ናሳ ፑጊዴ።

ኢናፖ ኢያርካ ካታሚን ቡጊድባር ዎዾ ሹቻ ኣጺራ ኬዲዴ ጾሳዲ ኪቲኖዲፌን ኢስሬላን ካታሚን ጋርታ ዎዾ ባዛ ዎይ ይስዴ ኢስሬላንቦ ኣላስ ማቂኖን ራብኬ ኢዝ ኣሎ ኣስን ሙታ ኣሺዴ። ካናና ዳዚ ሜላ ዎርዣዲ ኢስሬላን ኢያርካ ይስኖን ሲሲኪኖፕፖ ዓኒ ኢስሬላን ኢንታ ማ ኣላዝን ቆፓር ኢጪዴ።

ጾሳዲ ካናና ዎዾ ኦናካር ዎርዣ ዜርንባር ሳርቲቲኬ ኮሺቲናር ዳኦምፔን ኢስሬላን ኪቲኔ። ዎቲናካሬ ጋባኣና ኣሳን ካናና ዎርዣ ጋርታፖ ፔታንዲ ካናና ኣሳፖ ጎቲ ቤሳ ጋልዳፖ ዬይኖ ማቂኖን ኢያሳብ ማምቃር ሶልዴ። ኢንቲባራ ሳርቲባር ኮሽባራ ዶ ኣምፔን ኢይሳ ኦይጪዴ ጋባኣና ኣሳን ኢንት ዎይዳፒኮ ኢያሳኬ ኢስሬልን ጾሳዲ ኦይጫካዬ። ይኮታቦ ኢያስ ኢንቲባራ ሳርቲባርኬ ኮሽቲባራ ዶኢዴ።

ጋባኣና ኢንታ ማቂኖን ኤራሪ ኢስሬላን ዛልቂዴ። ዎቲናካሬ ጾሳ ቲን ኢንቲ ጌልኖ ቃላ ዎዾ ኮታቦ ኢንቲባር ኦኖ ሳርቲንዲኬ ኮሽቲን ናጊዴ። ማ ጋምኣሪ ሜላ ጋላስ ካናና ዎ ሜላ ኣሳን ዎርዣንቦ ካቲንታን ኣምራዋን ጋባኣና ኣሳን ኢስሬላንባራ ሳርቲኬ ኮሺት ዎቲኖን ሲስኪዴ። ይኮታቦ ፌ ዎታዴራን ዎልኣ ፔታን ሽሻር ጋባኣናን ኦልዴ። ጋባኣናን ፔና ማዳምፔን ኢይሳኮ ኪታ ሚሺዴ።

ይኮታቦ ኢያሶ ኢስሬላ ዎታዴራን ሺሻር ጋባኣና ኣሳን ዬላንዳቦ ቃሚን ዎይ ዬዴ። ጌሺ ቃምን ጋርታ ኢንቲ ቆፓካይዶን ኣሞራን ዎታዴራን ኦልዴ።

ይና ኢዝ ቃሚንባራ ጾሳዲ ኢስሬላን ጊሻቦ ኢንቲባር ኦልንትዴ። ኣሞራ ዎታዴራን ቱቲንር ጴች ሻቻ ሹች ሚሻሪ ኣሞራን ኣሳን ዎይልን ዎዴ።

ማ ጾሳዲ ኢስሬላን ኣሞራ ኣሳን ውርሳር ጋማንዳብ ጊድዝ ኬል ዶኣምፔን ኣፋ ኣዋ ኣፍን ፔቲ ቤስ ኤቃር ዳምፔን ዎቲዴ። ይና ኢዝ ቃምባር ጾሳዲ ኢስሬላንቦ ጋሚዝ ዎልቃ ሚን ኢምዴ።

ጾሳዲ ይን ዎታዴራን ጋምኖፖ ዓኒ ዎይልን ካናና ዎርዣዲ ኢስሬላን ኦላንዳቦ ዎልፔታን ሺቂዴ። ኢያሳኬ ሜላን ኢስሬላን ኦላር ጋሚዴ።

ይና ኦልንፖ ዎሃ ጾሳዲ ፔታን ፔታን ኢንታ ኮቻንቦ ታስፋ ኢሚኖ ጋዲን ጋርታ ዬላዝን ኢሚዴ። ኢናፖ ጾሳዲ ኢስሬላቦ ኢንታ ዎሳልን ሳርቲ ኢሚዴ።

ኢያሶ ጪጚኖ ኬልምባራ ኢስሬላ ዎርዣን ዎይ ዎልፔታን ጼጊዴ። ኢናፖ ኢያሶ ጾሳዲ ሲና ኢንዲን ጋልዳዶር ኢስሬላንባር ጌልኖ ጫቃ ቃልምቦ ኪቲንታምፔን ዎርዣዳ ኤርስዴ። ዎርዣዳሬ ጾሳቦ ኣማኒንቲኖ ማቃሪ ዶኣምፔንኬ ሂጋን ጋዝምፔን ዶኣንዳብ ቃላ ጌልዴ።