10. ታ ጎይላን
ሙስኬ ኣሮናክ ዎልኣ ማቃሪ ፋሮናክ ሉኪዴ። «ኢስሬላ ጾሳ<ቴ ዎርዣ ኣሻቤ>» ይዝጌይሬ ጌይዴ። ፋሮኒ ኢንታኮን ሲካካዬ ። ኢስሬላ ኣሳን ናጻ ማቃሪ ሉካምፔን ዎታዝ ቤሲን ቲኖንፖ ሺ ሚን ኦ ኦምፔን ኢንታ ዋይሬ።
ፋሮኒ ዎርዣ ኣሻዳ ጌንቲን ኣሻካዬ። ይኮታቦ ጾሳዲ ጊብጻ ጋልዳ ታ ጎይላን ሚሺዴ። ጾሳ ይን ጎይላንባራ ፋሮኒኬ ጊብጻ ጋዶ ማቃ ጾሳን ዎይንፖ ሺ ጴች ማቂኖኒ ፋሮና ቤይሲዴ።
ጾስ ኣባያ ዋንዶ ሱ ማሂዴ። ዎቲናካሬ ፋሮኒ ኢስሬላን ኣሻካዬ።
ጾሳ ጊብጻ ዎይን ጋልዳ ጎባርስ ሚሺዴ። ፋሮኒ ሙሶ ጎባርሳን ጎቲሳምፔን ጌሺዴ። ማቂናካሬ ኣቲናሬ ጎባርሳን ዎይ ዓይቂዴ። ፋሮኒ ፌ ቡዳ ሚንር ኢስሬላን ጊብጻ ጋዳፖ ኬስካምፔን ኣሻካዬ።
ይኮታቦ ጾሲ ቢና ሚሺዴ ኢናፖ ዉጺላን ሚሺዴፋሮኒ ሙሳኬ ኣሮና ጼጋሪ ይኒቲ ጎይሊን ኤሴጌይን ኢስሬላን ጊብጻፖ ኬስካር ሉካንዳብ ዳንዳኣዚን ሶልዴ። ሙሶ ጾሳ ጌሺዴ ዉጺላን ዎይ ጊብጻ ጋዳፖ ይስዴ። ዎቲናካሬ ፋሮኒ ፌ ቡዲን ዛብሳሪ ዎርዣን ኣሻካዬ።
ኢዛፖ ጾሳዲ ጊብጻ ጋዳ ሜሃን ዎይ ዓይቃፔን ዎቲዴ። ዎቲናካሬ ፋሮኒ ፌ ቡዲን ዛብሳር ኢስሬላን ኣሻካዬ።
ኢናፖ ጾሳዲ ፋሮና ቲኒ ቡዳ ፉዳ ኣፋ ላላምፔን ሙሳብ ሶልዴ። ቡዲን ላልኖፖ ዓኒ ጊጻን ጋሊዳ ዎይልን ኡሺዚ ኪሲ ኬሲኪዴ ኢስሬላን ጋልዳ ኪሲን ኬሲካካዬ። ጾሳዲ ፋሮና ቡዲን ሚንዴ ፋሮኒ ኢስሬላን ኣሻክዬ።
ኢናፖ ዓኒ ጾሳዲ ጊብጻ ጋዳ ዎ ዎይሊን ጪቻን ይሳንዳብኬ ኬፖ ዛና ዎ ባዝ ዎይ ኣሳሬ ዎዝ ሻች ሚሺዴ። ፋሮኒ ሙሳኬ ኣሮና ጼጋሪ «ቴ ይንታ ባልኔ። ይንቲ ሉካንዳብ ዳንዳኢሬ» ጋር ሶሊዴ። ይኮታቦ ሙሶ ዎሲዴ ሻቻዳሬ ኣፋፖ ኬዳዝን ኤቃዴ።
ዎቲናካሬ ፋሮኒ ማቃር ናጋራ ኦዴ ፌ ቡዲን ሚንዴ ኢስሬላን ኣሻካዬ።
ይኮታቦ ጾሳዲ ጊብጻ ጋልዳ ዉዳፔታን ቦላ ሚሺዴ። ኢንቲ ቦላን ሻኢ ይሳካይ ኣቲኒ ካን ዎይ ሙይዴ።
ኢናፖ ጾሲ ዓይዚ ቃም ጋምኢዝ ም ሚሽዴ። ጊብጻን ፌ ኣላፖ ኬስካንዳቦ ዳንዳኢባሶ ም ማቃዴ። ኢስሬላን ዶኣዝ ቤሲን ጋልዳ ማ ፎኢን።
ዓን ሳካሊ ጎይላንፖ ዎሃ ፋሮኒ ኣታሪ ኢስሬላን ኣሻብዳ ጌይዴ። ፋሮኒ ሲሲኪባሶ ኮታቦ ጾሳዲ ዉርሲ ፔቲ ጎይል ሚሻንዳብ ቆፒዴ ። ይና ፋሮና ቆፊን ላማሬ።
ጌሻ ማጻፋ ታሪካ ኬሲ ማጻፋ ጋልዳ 5-10
Free to use, adapt, and share under an open license (CC BY-SA 4.0).