11. ፋሲጋ

ኢስሬላን ኣሺንታካይ ኣቴጌይን ኣሳንኬ ሜሃን ማጫንር ኡሳንር ዎይን ዓቃዚን ጾሳዲ ፋሮና ዬኢር ሶልዴ። ፋሮኒ ይኖ ሲስካሪ ዓታር ጾሳቦ ኪቲንታንዳብኬ ኣማናንዳብ ኢጽዴ።

ጾሳዲ ኢባር ኣማኒቲኖ ኦባካር ማቂን ኣቲና ኡስ ናኢን ፉንብ ጎይ ጊግስዴ ዎይን ኣል ዉርሲ ጌሽ ማቂኖ ማርዛናኢ ማራጻር ሹኪዴ።

ጾሳዲ ኢስሬላን ዶራ ሱን ፌ ኣል ካርን ጋልዳ ድርካምፔኒ ኣይሺን ሚቻሪ ሹሚሚሻካይዶር ኡኪኖ ሳልዳ ቂጻባር ኤልር ሞምፔን ኢንታቦ ሶልዴ። ማ ሙይኖፖ ጊብጻፖ ኬስካንዳቦ ጊግንታምፔኒ ኢንታቦ ሶልዴ።

ኢስሬላን ኪን ጾሲ ኢንቲ ዎታምፔኒ ኪቲኖን ዎይ ባዛን ዎቲዴ። ቃም ጊዲብላሃ ጋልዳ ጊብጻን ዎይን ኣል ኣቲና ማቂኖን ዎይ ዎዴ።

ኢስሬላን ኣል ካራ ዎይ ሱ ዲርኪንቲኔ ይኮታቦ ጾስ ኢንታኣል ካርምባራ ኣዴ ኢንታ ኣል ጋርታ ዎ ኣሳን ዎይ ፋጽዴ። ኢስሬላን ዶራ ሱን ጎይባራ ጻጺዴ።

ጊብጻን ዎቲናካሬ ጾሳባር ኣምንታካዬ ኢ ኪቲንዳር ፎታካዬ ይኮታቦ ጾሳድ ኢንታኣል ካርምባር ኣኣክዬ ጾሳዲ ጊብጻን ኡስ ኣቲና ናኣን ዎይ ዎዴ።

ቃሺ ኣል ዎ ኡሳንፖ ኤር ፋሮኒ ናኣ ኡሳ ጉጃራ ዎይን ጊብጻን ኡስ ማቂኖ ኣቲና ናኣን ዎይ ዓይቂዴ። ኢንቲ ሚን ሞርኢኖ ኮታቦ ጊብጻ ጋዶ ዎይሊን ኣሳን ዬኪ ዉይስዴ።

ይና ኢዝ ቃም ፋሮኒ ሙሳኬ ኣሮናክ ጼጋሪ ኢስሬላን ኤካ ዓት ይዚ ሉኪብቴ ጌይዴ።