44. पतरस ते यूहन्ना एक्की भिख मगनेबाले बझ़ातन।

एक्की दिहाड़े, पतरस ते यूहन्ना भवने मां जे। तैड़ी अक लैन्गड़ो मैनू भीख मागनेरे लेई फाटके पुड़ बिशोरो थियो।

पतरसे तैस लैन्गड़े मैनेरे पासे तेकतां ज़ोवं, “मीं कां तीं देनेरे लेई दुनीयारी किछ ख़ास चीज़ां त नईं। पन ज़ैन मीं कां आए तैन तीं देताईं। यीशुएरे नव्वें सीं उठ ते च़ल फिर!”

अकदम, परमेशरे तै लैन्गड़ो मैनू बझ़ाव। तैनी इरां-उरां च़लनू शुरू कियूं ते छालां मैरतां परमेशरेरी तारीफ़ केरनो लगो। ते भवनेरे अंगने मां मैनू हैरान थिए।

ज़ै बझ़ाोरो थियो त जल्दी लोकां केरि अक भीड़ तैस मैनू हेरने आई। पतरसे तैन सीं ज़ोवं, “ई मैनू बेझ़ाोरोए, पन एस गली पुड़ हैरान न भोइयथ। असेइं एह एपनी शेक्ति सीं नईं बझ़ेवरो, एल्हेरेलेई नईं कि अस परमेशरेरी भागती केरतम। पन ज़ैनी एह अपने शेक्ति सीं बझ़ावरोए तै यीशुए, किजोकी अस यीशु पुड़ भरोसो केरतम।”

तैना तुसेथ ज़ैनेईं रोमी गुवरनारे यीशु मारनेरे लेई ज़ोवं, तुसेईं तै मारो ज़ै सेभन ज़िन्दगी देते। पन परमेशरे तैस मुड़दन मरां ज़ींतो कियो। तुसेईं न समझ़ू कि तुस कुन केरने लगोरे थिए, पन ज़ैखन तुस तैना कम्मां केरि रावरे थिए त ज़ैन नेबेईं ज़ोवरू थियूं तैन पुरू भोवं। तैनेईं ज़ोवरू थियूं कि मसीह दुख झ़ैलेलो ते मरेलो। परमेशरे एन एस तरीके सीं भोने दित्तू। एल्हेरेलेई हुनी पश्चाताप केरा ते परमेशरेरे पासे फिरा ताकि तै तुश्शे पाप माफ़ केरते। जल्दी लोकां केरि अक भीड़ तैस मैनू हेरने आई। पतरसे ज़ोवं, “ई मैनू बेझ़ाोरोए,पन एस गली पुड़ हैरान न भोइयथ। असेइं एह एपनी शेक्ति सीं नईं बझ़ावरो, एल्हेरेलेइ नईं कि अस परमेशरेरी भागती केरतम। पन ज़ैनी एह अपने शेक्ति सीं बझ़ावरोए तै यीशुए, किजोकी अस यीशु पुड़ विश्वास केरतम।

ज़ैखन भवनेरे अगुव्वेंई पतरस ते यूहान्नेरी इना गलां शुनी, त तैना बड़े घेमरोई जे। एल्हेरेलेई तैनेईं तैना गिरफ्तार केरतां कैदखाने मां छ़ड्डे। पन ज़ैन पतरसे ज़ोवरूए थियूं तैस पुड़ बड़े लोकेईं विश्वास कियो। ते विश्वास केरने बालां केरि गिनती लगभग 5,000 भोई जेई।

होरसां, तैन्ना यहूदी लोकां केरे अगुव्वेंई पतरस ते यूहन्ना महायाजक ते धरमेरे होरि अगुव्वन कां आने। तैनेईं तै मैनू भी आनो ज़ै बेझ़ोरो थियो। तैनेईं पतरस ते यूहन्ना पुछ़ू, “तुसेईं एह मैनू कोस नव्वें सीं ते कोस अधिकारे सीं एह बझ़ाव?”

पतरसे जुवाब दित्तो, ई मैनू ज़ै तुश्शे सामने खाड़ोए तै यीशु मसीहेरी शेक्तरे ज़िरिये सीं बझ़ेवरोए। तुसेइं यीशु क्रूसे पुड़ च़ाड़ो, पन परमेशरे तै फिरि ज़ींतो कियो! तुसेईं तै कुबूल न कियो, पन यीशुएरे इलावा मुक्ती हासिल केरनेरी होरी कोई बत नईं!

तैना मैनू हैरान थिए कि पतरसे ते यूहन्ना बड़े हिम्मती सीं गल कियोरी थी। तैनेईं इन हेरू कि इना त आम मैनू ते अनपड़ मैनू आन। पन फिरि तैन्न याद अवं कि इनां मैनू यीशु सीं साथी राहोरे थिए। एल्हेरेलेई तैनेईं तैन सीं ज़ोवं, “अस तुस्न बड़ी सज़ा देमेले अगर तुस एस यीशुएरे बारे मां होरो परचार केरेले।” एरी बेड़ी गल्लां केरनेरां बाद, तैनेईं पतरस ते यूहन्ना हथरां छ़ड्डे।