39. ዬሱሲ ኡስቲ ባጋጬሽን ሺኩ

ዶዲ ጋሥ ዶንት ጾጽ ጣማስናን ይስቱዌ። ቆምባ ጉዲ ዬሱሲስ ኦጪ ውⶥንሱዌሽን ቆምባ ጉድ ኬትን ዎታዳርንዲ ይ ኤቲ ሀንቄንድ። ጴጥሮሲ ዎታም ⶦት ባ ጎⶭንሲ ይያፓርን ዳቢ ሀንቂ ይስቱ። ዬሱሲስ ኢሣይቅኒ ኬትን እያርሱⶣም ይሲ ቡሕድን አሥንዳ ታም ሶኪ ካⶥኪ ይስኬንዳባና ታም ካⶥኪ ይጥንሲ ይስቱዌ።

ኬትን ይቃን ኡካርንዲዬሱስ ዴብም ባሢ ኤስትንሱዌሽን ዳን አፕም ይ ሺርሼንድ። ይ ዴብም አጣጣጋ ሚጥ ሚጥንሴድ ⶦድ ሚጢስ ኤቲ ዬኤንዴ። ይ ፔታስን ኢሣይቅን ጋሂ ባርቅን ማጥ አቲ ሀምጵማርጉⶣን ይስቱ። ኡⶤሽን አይሁድ አሥንድ ኡካርንዲ ዬሱስ ዴብም ባና ያፕምማ ኮዩⶥ ኢት ጋሂስ ያፕምባኑ ሀካርጌንዴ።

ይ ውርንስ ቆምባ ጉዲ ዬሱሲስ ዳች ኖትንሲ፣ «ዎስ ኑም ሀይጦ! ኔና ኢባሪ ማስህያ ባ ፕያጽን ይስኩⶥ ዬር ናንሣኔ?» ማኪ ኦጩ።

ዬሱሲ ይስን ካርሲ፣«ይዎ! ታና ጊዛዎ! ሀይቅን ጫርቃን ዬራ ታና ይስታ ካርታ ውታን ቤቅኔኑዌ» ማኩ። ቆምባ ጉዲ ያንቅንሲ ባ ሲማር ሀርጫሲ ቦክንሲ ዱማርንድ ቆምብንዳ ኡካርንዳ ዳድን ካርታንቂ፣ «ኤስን ሀⶥ ዴብም ሚጢ ኮይስታርጉዌ! ታና ዬርጋ ናንሣ ጊዛዎ! ማኪ ይሲ ሀይጥን ይንታይቅኒ ሲስኩዌ። ኤስን ሀራን ይ ዴብም ባሥንሳጌዎ?» ማኪ ኬኡ።

አይሁድ አሥንድ ኡካርንዲ፣ «ኢባሪ ሀይባቱዋጊዜ! ማኪ ቆምባ ጉዴሽን ሀይጡ። ኡⶣጋ ጌሽን ዬሱሳጋ አፒስ ሲማራም ካቤንድ። ይ አፕካኒንድ ጩዴንድ። ይ ዴክኒ ይ ጾኒ ይ ዴብም ካስኬንዴ።

ጴጥሮሲ ፑርን ሀራጊ ዬሱስ ዴብም ይሢ ይስታን ቤቅኒ ባቂ ይስታጉⶥን ማይና ማጣ ይ ቤቅንሳ፣ «ሀⶥ ኔና ዬሱሳ ኔና ይስቱⶣታን ሀራጋዎ?» ማኬን። ይሲንድ፣ «ታና ይ ኤራርጉዌ!» ማኩ። ካሲ ማያን ዱማራ፣ «ኔና ይያ ኔና ይስቱዌ!» ማኬን። ካሲ ጴጥሮሲ፣ «ይሲ ኦናጊሳን ታና ይ ኤራርጉዌ!» ማኩ። ኡⶥ ጌሽን አሣ ዶይስን ይስቴንዲ፣ «ኔና፥ ይሳይ ጌሊላቃን ይስቴንዳጊ ኔና ዬሱሳ ኔና ይስቱⶢስ ኑና ኤራ ይስኩዌ!» ማኬንድ።

ኡⶣም ጴጥሮሲ፣ «ታ ይ ኤራርጉዌ!» ማኪ ዎግኒ ሀይጣጉⶥን ግያርን ግያምባሂ ኦልቁ። ዬሱሲንድ ባ ጌሽ ካርሲ ጴጥሮሲ ኖቱዌ።

ኡⶣም ጴጥሮሲ ሀንቂ ትቅኒ ዬኩ። ኡⶢ ኤስ ፔታጉⶥን ዬሱሲስ ኡጢ ኤጋም አሢ ኡሡⶥ ይሁዳይ አይሁድ ኡካርንዲ ዬሱስ ዴብም ዎጥ ማጋጭ ቦክን ባ ቤቁⶣም ሶይሲ አይኒ ግያርን ሀንቂ ባ ሶቲ ሀይቁዌ።

ዶዲዎንታጉⶥንአይሁድኡካርንዲዬሱሲሮምዶድትያታጲላጦስዳድንኤቲዬኤንድ።ጳላጦሲይዴብምዎጥማጋጭቦክንሱዌማኪታሤንዴ።ጲላጦሲዬሱሲስባቤቁⶣም፣ «ኔናኢባሪአይሁድትያታኔ?» ማኪኦጩ።

ዬሱሲይዬሽን፣ «ኔናሀይጡⶢዎጥናጊዝዎ።ይፔታስንታናትያትንሱⶢዶዳሀⶥዴብምይስኩⶥትያቶጥንኤሳርጉዌ።ኤስይፔታሳንታቃይጻስንዲታምሀራንጫድንሴንዴ።ታናዬራጋኢባሪስሀይጥናዶድቶሕንታዬኡዌ።ኢባሪስⶥኒይስኩⶢታናሀይጣይስኩⶢስሲስንሱዌ» ማኩ።ጲላጦሲ፣ «ኢባሪሀሬዎ?» ማኪይኦጩ።

ጲላጦሲ ዬሱሳ ባና ጋርትኒ ፔሽኪ አሥ ዳድን ኬስኪ አታንቂ፣ «ናሳ ሀⶥ ጉዝን ታና ማጣጋ ኢት ጋሂስ ያፓርጉዌ» ማኩ። አይሁድ ኡካርንዳ አሣይ ባ ካንግ ዶንቲ «ይሶቶ!» ማኪ ኬኤንዴ። ካሲ ጲላጦሲካርሲ፣ «ይሲ ባይሱⶥ ጋሂ ካይጉዌ!» ማኪ ሀይጡ። ኢሣይቅኒ ቃዝቂ ቤሽ ኬኤንዴ፥ ካሲ ጲላጦስ ይ ካዝናስን፣ ይሲ ባይናስ ኤሳርጉዌ!» ማኩ።

ኡⶣም ጲላጦሲ አሢ ባ ⶡኪ ቡክ ዶንሥንሱዌ ማኪ ሼርቁ። ይሲንድ ዬሱሲስ ኢሣይቅኒ ኤቲ ሀንቂ ሶቴ ማኪ ባ ዎታዴርንዴሽን ቲዛዝ ኡሡዌ ። ሮም ትያት ዎታዴርንዲ ዬሱሲስ ዴክኒ ዞቃጋ ሲማሪስ ይ ማይሴንድ። አሙ ኡክንድ ሀይሲ ይ ዴብቃን ይሥንሲ፣ «አይሁድ ትያቲ ሀⶦ!» ማኪ ይ ጾኒ ጋራትኔንዴ።