37. ዬሱሲ አላዛሪስ ዎጥቃን ዶንሡ

ማጥን ጎቅን ዬሱሲ አላዛሪ ቃጽ ፑርስቱⶢ ይ ዳድን ዎስኪ ዬኡ። አላዜሬሽን ናማስ ሚችንዳ ማሪያማ፥ ማርታ ማስቲ ይስኬንዲ ይስቴንድ። ዬሱሲ አላዛር ፑጊስ ባ ሲስኩⶣም «ፑጋ ኡⶢ ዬራጋ ዎብሲ ይ ዴብም ቤስትንሱዌሽና ታማን ዎጤሽን ኤሳርጉዌ!» ማኩ። ዬሱሲ ባ ኢንግንዲስ ቃጽ ⶡኒ ይስቱ። ይ ፔታስን ውዋርጉ ናም አቁዌ።

ናም አቅ ጌሽን ዬሱሲ ባ ማⶥ ንያእንዴሽን፣ «ዶንቲ ይሁዳን ኒኒ ሀሜ!» ማኩ። ይ ፔታስን ይ ማⶥ ንያእንዲ «ዎ ኤርሳሳጉⶦ! ኮት አብ አፓርቅን አሥንዳ ይሁዳቃን ይስኬንዲ ኩሣ ኡⶥን ኒ ዎጥኒ ኮዪይ ይስቴንዳታማን ሀሬዎ?» ማኪ ሀይጤንድ። ዬሱሲ ኢሣይቅኔሽን፣ «ኒሕ ኢንጋ አላዛሪ ጊሳንቁዌ! ሀንቃ ታና ይ ጼጋ ዶንሥንሱⶢ ኮይስቲ ይስኩዌ!» ማኩ።

ዬሱስ ማⶥ ንያእንዲ፣ «ዎ ትያቶ! አላዛሪ ሱራን ባ ሱርቃሳን ፕያጽንሱዌ!» ማኬንድ። ኡⶣም ይሱሲ ኢሣይቅኔሽን፣ «አላዛሪ ሀይቃንቁዌ፤ ይንታይቅኒ ታሐም ጊባትንሱዌሽን ኩሣ ኡⶥን ታ ይስታርጉⶢ ሶያ ጊዝዎ!» ማኩ።

ዬሱሲ አላዛሪ ይስን ይስኩⶥ ካታምም ዬኢ አቱ። አላዛሪ ሀይቁⶢ ኦድ አቃንቂ ይስቱዌ። ማርታ ዬሱሲ ዬኢ ይስኩⶥ ሲስክንሳ ፑርን ኬስካ ይያ ባና ድያማንቃ፣ «ዎ ትያቶ! ኔና ሀⶥን ይስታሳን ታ ኢቺ ሀይብምሳርጉዌ! ይ ፔታስን ኔና ቆላ ይስኩⶢስ ካንግ ዬሪ ይሥንሱⶢስ ጊባታና ታ ይስኩዌ!» ማኬን።

ኡⶣምዬሱሲውውሽን፣ «ታናዎጥቃንዶንታ፥ካሥፕያጻጊዛዎ! ታሐምምጊባትንሲይስኩⶥኦናጎንባፔታንካሣምፕያጽንሱዌ! ታሐምጊባትኒይስኩⶢጪርሀይብምሳርጉዌ! ሀማርታዬ! ኡⶢስጊባትናይስታኔ!» ማኩ።ማርታይንድ፣ «ይዎ! ዎታትያቶ! ኔናማሲሀዬራጋናንሥፔቱⶢስጊባትናታይስኩዌ!» ማኬን።

ካሲ ማሪያማ አቴን፤ ዬሱስ ቶእቃን ዎጣንቃ ዬካ ይስታ፣ «ዎ ትያቶ! ኔና ኩሣ ሀⶥን ይስታሳን ሀራን ታ ኢቺ ሀይብምሳርጉዌ!» ማኬን። ኡⶣም ዬሱሲ፣ «አላዛሪስ ሀርቃናን ይሣዴዎ!? ማኪ ኦጩ። ኢሣይቅኒንድ፣ «ዱካንቂ ማንካርቃናን ይስኩዌ ዬአ ቤቆ!» ማኬንድ። ዬሱሲንድ አላዜሬሽን ዬኩዌ።

ማንካራ ኡⶢ ንያል ቆባልቃናን ይስቱዌ። ንያልንድ ይ ባም ኖን ይሢ ይንጻንቂ ይስቱ። ዬሱሲ አላዛር ባምም ባ አቱⶣም፣ «ንያላ ሀⶢስ ዶንሢ ጋርስንዴ!» ማኩ። ኡⶣም ማርታ፣ «ይሲ ሀይቁⶢ ኦድ አቃንቁⶣጊ ሀⶥ ሶይትንሱዌ!» ማኬን።

ዬሱሲ ውዌሽን፣ «ታሐም ጊባትና ኔ ይስኩ ፔታን ዬራጋ ዎብሲስ ቤቅኔኑዌ! ማካ ታና ኒም ሀይጣራዳ?» ማኪ ሀይጡ። ኡⶣም ንያሊስ ዶንሢ ጋርሴንዴ።

ኡⶥ ጌሽን ዬሱሲ ሀይቅን ጫርቃን ካርሲ ኖትንሲ፣ «ዎ ታ ባቦ! ኔና ታ ቆይንትስ ሲስካ ይስኩዌሽን ኒ ጋላትና ታ ይስኩዌ! ኔና ካንግዎይን ሲስንሱዌሽን ኤራ ታ ይስኩዌ። ይ ፔታስን ኔና ታ ዎሱⶢስ ኢሣይቅኒ ጊባትንሱዌሽን ሀⶥን ይጥንሲ ይስኬንዴሽን ካንግ ሀⶢስ ሀይጣ ታ ይስኩዌ!» ማኩ። ኡⶣም ዬሱሲ፣ «ዎ አላዛሮ! ክያም ኬስካ ውዎ!» ማኪ ባ ካሢስ ጋልን ማስንሲ ኬኢ ይስቲ ጼጉ።

ኡⶣም አላዛሪ ጋልን ኬስኩዌ። ይሲንድ ጋባስና ጽያሥና ባ ዱኩⶦጥን ይስቲ ኬስኩዌ። ዬሱሲ፣ «ይ ሀቲ ፖሥንን ሀምማዴ!» ማኩ። አይሁድ አሥንድቃን ⶦዳስንዲ ዲሢ ይስኩⶥ ቃይጻ ኡⶢስ ቤቅንሲ ዬሱሳም ጊባትኔንዴ።

ይ ፔታስን አይሁድ ጊባት ኡካርንዲ አላዛሪ ዎጥቃን ፕያጺ ዶንቱዌሽን ቃጽ አይኔንድ። ኡⶤሽን አላዛራ፥ ዬሱሳይስ ዎሳስ ቃይጻን ባ ዎጥንሳን ማጥን ዱብድኒ ኦሽትኔንዴ።